Covid-19 India Update: 3 ಲಕ್ಷ ದಾಟಿದ ಸಾವಿನ ಸಂಖ್ಯೆ, ಹೊಸ ಪ್ರಕರಣಗಳ ಇಳಿಕೆ

‘ಹೊಸದಾಗಿ 4,454 ಮಂದಿ ಮೃತಪಟ್ಟಿದ್ದು, ಈ ಮೂಲಕ ಒಟ್ಟು ಸಾವಿನ ಸಂಖ್ಯೆಯು3,03,720ಕ್ಕೆ ಏರಿಕೆಯಾಗಿದೆ. ದೇಶದಲ್ಲಿ ಸಕ್ರಿಯ ಪ್ರಕರಣಗಳ ಸಂಖ್ಯೆಯು 27,20,716ಕ್ಕೆ ಇಳಿಕೆಯಾಗಿದ್ದು, ಇದು ಒಟ್ಟು ಪ್ರಕರಣಗಳ ಪೈಕಿ ಶೇಕಡ 10.17 ಪಾಲನ್ನು ಹೊಂದಿದೆ. ಇದೇ ವೇಳೆ ದೇಶದ ಚೇತರಿಕೆ ಪ್ರಮಾಣವು ಶೇಕಡ 88.69ಕ್ಕೆ ಹೆಚ್ಚಿದೆ. ಈವರೆಗೆ 2,37,28,011 ಮಂದಿ ಸೋಂಕಿನಿಂದ ಗುಣಮುಖರಾಗಿದ್ದರೆ, ದೇಶದ ಸಾವಿನ ಪ್ರಮಾಣವು ಶೇಕಡ 1.14ಕ್ಕೆ ಹೆಚ್ಚಿದೆ’ ಎಂದು ಸಚಿವಾಲಯವು ಹೇಳಿದೆ.

ಭಾನುವಾರದವರೆಗೆ ಒಟ್ಟು 33.05 ಕೋಟಿ ಮಾದರಿಗಳನ್ನು ಪರೀಕ್ಷಿಸಲಾಗಿದೆ. ಮಹಾರಾಷ್ಟ್ರ(1,320), ತಮಿಳುನಾಡು(422), ಉತ್ತರ ಪ್ರದೇಶ(231), ಪಂಜಾಬ್‌(192), ದೆಹಲಿ(189), ಕೇರಳ(188), ಪಶ್ಚಿಮ ಬಂಗಾಳ(156), ಬಿಹಾರ( 107), ಆಂಧ್ರಪ್ರದೇಶ(104) ಸೇರಿದಂತೆ ದೇಶದಲ್ಲಿ 4,454 ಮಂದಿ ಹೊಸದಾಗಿ ಮೃತಪಟ್ಟಿದ್ಧಾರೆ.