ಬೆಂಗಳೂರಿಗೂ ಬಂತು ಕರದಂಟು

7

ಬೆಂಗಳೂರಿಗೂ ಬಂತು ಕರದಂಟು

Published:
Updated:
Deccan Herald

ಅಂಟು ತರಲಿ? ಅಂತ ಕೇಳಿದರೆ ಸಾಕು, ಉತ್ತರ ಕರ್ನಾಟಕದಲ್ಲಿ ಅದೇನೋ ಶುಭಸಮಾಚಾರವೆಂದೇ ಅರ್ಥ. ಅಂಟೆಂದರೆ ಬರಿ ಅಂಟಿಸುವ ಅಂಟಲ್ಲ. ಅದು ಕರದಂಟು. ಬರಿಯ ಕರದಂಟೆಂದರೆ ಅರ್ಥವಾಗಲಿಕ್ಕಿಲ್ಲ ಅಮಿನಗಡದ ಕರದಂಟು!

ನೂರು ವರ್ಷಗಳ ಹಿಂದೆ ಜಟ್ಟಿ ಪೈಲ್ವಾನರಿಗಾಗಿ ಜಾಲಿಗಿಡದ ಅಂಟನ್ನು ಶುದ್ಧ ತುಪ್ಪದಲ್ಲಿ ಕರಿದು, ಬೆಲ್ಲದೊಡನೆ ಮಿಶ್ರಣ ಮಾಡಿ, ಅದಕ್ಕೆ ಗಸಗಸೆ, ಜಾಯಿಕಾಯಿ, ಲವಂಗ, ಏಲಕ್ಕಿ, ಗೋಡಂಬಿ, ಬಾದಾಮಿ, ಒಣದ್ರಾಕ್ಷಿ, ಒಣ ಅಂಜೂರು... ಹೀಗೆ ಒಣಹಣ್ಣುಗಳ ಸುರಿದು, ಹಾಲಿಗೆ ಕಲಿಸಿ ಕುಡಿಯಲು ಕೊಡುತ್ತಿದ್ದರು. ಊರಿಗೆ ಹೋಗುವಾಗ ಇವನ್ನೆಲ್ಲ ಕಟ್ಟಿಕೊಂಡು ಹೋಗುವುದು ಹೇಗೆ? ಕೆಡದಂತೆ ರಕ್ಷಿಸುವುದು ಹೇಗೆ?

ಇಡೀ ಕರದಂಟನ್ನು ಸಿದ್ಧಪಡಿಸುವಾಗ ಅವುಗಳ ಪ್ರಮಾಣದಲ್ಲಿ ಹೆಚ್ಚುಕಡಿಮೆಯಾಗಕೂಡದು. ಜಾಯಿಕಾಯಿ ಪ್ರಮಾಣ ಹೆಚ್ಚಾದರೆ, ಗಸಗಸೆ ಹೆಚ್ಚಾದರೆ ನಿದ್ದೆಯೆಳೆಯುವುದು ಖಚಿತ. ಅದಕ್ಕೆಂದೇ ಒಂದು ಸೂತ್ರವಿರುತ್ತದೆ. ಇದಲ್ಲದೆ ಅಳವಿಯನ್ನು ಬಳಸುವುದರಿಂದ ಮೂಳೆಗಳು ಗಟ್ಟಿಮುಟ್ಟಾಗುವುದಷ್ಟೇ ಅಲ್ಲ, ಕೀಲುಗಳೂ, ಸ್ನಾಯುಗಳೂ ಸದೃಢವಾಗುತ್ತವೆ.

ಒಣಕೊಬ್ಬರಿ, ಬದಾಮಿ, ಎಳ್ಳು, ಮೆಂತ್ಯ ಇವುಗಳೆಲ್ಲವೂ ದೇಹವನ್ನು ಸದೃಢಗೊಳಿಸುವುದಷ್ಟೇ ಅಲ್ಲ, ಪ್ರಮಾಣಬದ್ಧವಾಗಿ ಕೊರೆಯುತ್ತವೆ. ರಕ್ತ ಶುದ್ಧಿಗೊಳಿಸುತ್ತದೆ.

ಇದೇ ಕಾರಣಕ್ಕೆ ಮನೆಯಲ್ಲಿ ಬಾಣಂತಿಯರಿರಲಿ, ಬೆಳೆಯುವ ಮಕ್ಕಳಿರಲಿ, ೃತುಮತಿಯಾದ ಹುಡುಗಿಯಾಗಲೀ, ಯಾವುದೇ ಶುಭ ಸಂದರ್ಭವಿದ್ದರೂ ಈ ಕರದಂಟು ಇರಲೇಬೇಕು. ಇಂತಿಪ್ಪ ಕರದಂಟಿಗೆ ಒಂದು ಇತಿಹಾಸವಿದೆ. ಅದು ಬಾಗಲಕೋಟೆಯ ಅಮೀನಗಡದ ಐಹೊಳ್ಳಿ ಮನೆತನದ ದಿವಂಗತ ಸಾವಳಿಗೆಪ್ಪ ಐಹೊಳ್ಳಿಯವರು ಈ ಕರದಂಟು ಸಿಹಿ ಖಾದ್ಯದ ಮೂಲ ತಯಾರಕರು. ನೈಸರ್ಗಿಕ ಅಂಟು, ಸಕ್ಕರೆ / ಬೆಲ್ಲ, ಶುದ್ಧ ತುಪ್ಪ ಮತ್ತು ಒಣ ಹಣ್ಣು ಪದಾರ್ಥಗಳನ್ನು ಮಿಶ್ರಣ ಮಾಡಿ ಈ ಕರದಂಟು ಸಿಹಿ ತಿಂಡಿಯನ್ನು 1907ರಲ್ಲೇ ತಯಾರು ಮಾಡಿದ್ದರು. ಒಂದೆರಡು ದಶಕಗಳಿಂದೀಚೆಗೆ ಅಮೀನಗಡದ ವಿಜಯಾ ಕರದಂಟು ಎಂದು ಹೆಸರುವಾಸಿಯಾಯಿತು. ಗುಣಮಟ್ಟದಲ್ಲಿ ರಾಜೀಮಾಡಿಕೊಳ್ಳದ ವಿಜಯಾಗೆ ಯಶಸ್ಸು ತಾನಾಗಿಯೇ ಅರಸಿಕೊಂಡು ಬಂದಿತು.

ಇದೀಗ ಬೆಂಗಳೂರಿನ ವಿಜಯನಗರದ ರಾಮಮಂದಿರ ಬಳಿ ಅಮೀನಗಡ ವಿಜಯಾ ಕರದಂಟು ನೂತನ ಮಳಿಗೆಯನ್ನು ಆರಂಭಿಸಿದೆ. ಗ್ರಾಹಕರ ಬೇಡಿಕೆಗೆ ಅನುಗುಣವಾಗಿ ಐದು ಮಾದರಿಯ ಕರದಂಟುಗಳನ್ನು ತಯಾರು ಮಾಡುತ್ತಾರೆ. ಅಮೀನಗಡ ವಿಜಯಾ ಕ್ಲಾಸಿಕ್ ಕರದಂಟು, ಅಮೀನಗಡ ವಿಜಯಾ ಪ್ರೀಮಿಯಮ್ ಕರದಂಟು, ಡಿಂಕ್ ಲಾಡು, ಲಡಗಿ ಲಾಡುಗಳು ಈಗಾಗಲೇ ಜನರ ಅಚ್ಚುಮೆಚ್ಚಿನ ಸಿಹಿ ಖಾದ್ಯವಾಗಿದೆ. ಅದೇ ರೀತಿ ಇದೀಗ ಬೆಂಗಳೂರಿನಲ್ಲಿ ಅಮೀನಗಡ ವಿಜಯಾ ಸುಪ್ರೀಂ ಕದರಂಟುವನ್ನು ಪರಿಚಯಿಸಲಾಗುತ್ತದೆ. ಸುಪ್ರೀಂ ಕರದಂಟು ಅನ್ನು ಸಾವಯವ ಬೆಲ್ಲದಿಂದ ತಯಾರು ಮಾಡಲಾಗುತ್ತದೆ.

ಕರದಂಟಿನೊಂದಿಗೆ ಬಾಯಿಗಿಟ್ಟರೆ ಕರಗುವಂಥ ಲಡಗಿ ಲಾಡುಗಳೂ, ಡಿಂಕ್‌ ಲಾಡುಗಳ ಸವಿಯನ್ನೂ ಪ್ರಯತ್ನಿಸಬಹುದು. ಉತ್ತರ ಕರ್ನಾಟಕದವರಿಗೆ ಅವ್ವನ ಬುತ್ತಿಯನ್ನು ನೆನಪಿಸುವಂತಿದೆ ಈ ಮಳಿಗೆ. ಅದೇ ಪ್ರೀತಿ, ಅದೇ ಕಾಳಜಿ ಎಲ್ಲಕ್ಕೂ ಹೆಚ್ಚಾಗಿ ಅದೇ ಬಗೆಯ ರುಚಿಯನ್ನು ನೀಡುತ್ತದೆ.

ಸ್ಥಳ : 20ನೇ ಕ್ರಾಸ್, 21ನೇ ಮುಖ್ಯರಸ್ತೆ, ವಿಜಯನಗರ, ಬೆಂಗಳೂರು


ವಿಜಯನಗರದಲ್ಲಿ ವಿಜಯಾ ಕರದಂಟು ಮಳಿಗೆಯನ್ನು ಶಾಸಕ ವಿ. ಸೋಮಣ್ಣ ಉದ್ಘಾಟಿಸಿದರು

ಬರಹ ಇಷ್ಟವಾಯಿತೆ?

  • 20

    Happy
  • 0

    Amused
  • 0

    Sad
  • 0

    Frustrated
  • 1

    Angry

Comments:

0 comments

Write the first review for this !