<p>ಕೇರಳದಲ್ಲಿ ಓಣಂ ತಯಾರಿ ಆರಂಭವಾಗುತ್ತಿರುವಂತೆಯೇ ಇಲ್ಲೂ ಸಿದ್ಧತೆಗಳು ಪ್ರಾರಂಭವಾಗುತ್ತವೆ. `ಓಣಂ ಸದ್ಯ~ ಉಣ್ಣಲು ತುದಿಗಾಲಲ್ಲಿ ನಿಲ್ಲುವ ಕೇರಳೀಯರು ಮಾತ್ರವಲ್ಲ, ಇತರರನ್ನೂ ಸಂತೋಷಪಡಿಸಲು ಇಲ್ಲಿನ ರೆಸ್ಟೋರೆಂಟ್ಗಳಿಗೆ ಈ ಹಬ್ಬವೇ ನೆಪ. `ಸದ್ಯ~ ಉಂಡರೆ ಮಾತ್ರ ಓಣಂ ಪರಿಪೂರ್ಣ ಎಂಬಂತಿರುವಾಗ ರುಚಿಯಾದ `ಸದ್ಯ~ ಹುಡುಕಿಕೊಂಡು ಜನ ತುಂಬಾ ದೂರ ಹೋಗಲೂ ಹಿಂದುಮುಂದು ನೋಡುವುದಿಲ್ಲ.</p>.<p>ನಾನಾ ಕಾರಣಗಳಿಂದಾಗಿ ನಗರಕ್ಕೆ ಬಂದು ನೆಲೆಸಿರುವವರಿಗೆ ಹಾಗೂ `ಓಣಂ ಸದ್ಯ~ ತಯಾರಿಸಲು ಅವಕಾಶ ಇಲ್ಲದೇ ಇರುವವರಿಗೆ ಇಂಥ ರೆಸ್ಟೋರೆಂಟ್ಗಳು ವರದಾನ. ಸಾಮಾನ್ಯವಾಗಿ ಕೆಲವು ರೆಸ್ಟೋರೆಂಟ್ಗಳು ಓಣಂ ಆರಂಭವಾಗುತ್ತಿದ್ದಂತೆಯೇ `ಸದ್ಯ~ ಮಾಡಲು ಸಜ್ಜಾದರೆ, ಮತ್ತೆ ಕೆಲವು ತಿರುವೋಣಂಗೆ ಎರಡು ದಿನ ಮುಂಚಿತವಾಗಿ `ಸದ್ಯ~ ನೀಡಲು ಮುಂದಾಗುತ್ತವೆ. ಒಂದಿಷ್ಟು ರೆಸ್ಟೊರೆಂಟ್ಗಳು `ತಿರುವೋಣಂ~ ದಿನಕ್ಕೆ ಮಾತ್ರ `ಸದ್ಯ~ವನ್ನು ಸೀಮಿತವಾಗಿಸುತ್ತವೆ.</p>.<p>ಈ ಹಿನ್ನೆಲೆಯಲ್ಲಿ ಪ್ರತಿವರ್ಷದಂತೆ ಹಲಸೂರಿನ `ಎಂದೆ ಕೇರಳಂ~ ರೆಸ್ಟೋರೆಂಟ್ ಆಗಸ್ಟ್ 20ರಿಂದ ಸೆಪ್ಟೆಂಬರ್ 3ರವರೆಗೆ ಓಣಂ `ಎಲ ಸದ್ಯ~ (ಬಾಳೆ ಎಲೆಯ ಮೇಲೆ ಬಡಿಸುವ ಸದ್ಯ) ಉಣಬಡಿಸಲು ನಿರ್ಧರಿಸಿದ್ದು, ಮಾಧ್ಯಮದವರನ್ನು ಇತ್ತೀಚೆಗೆ ಆಹ್ವಾನಿಸಿತ್ತು.</p>.<p>`ಬಲ್ಲವನೇ ಬಲ್ಲ ಬೆಲ್ಲದ ರುಚಿಯ~ ಎಂಬ ಮಾತಿದೆ. ಅಂತೆಯೇ `ಓಣಂ ಸದ್ಯ~ ಸವಿಯಲೆಂದೇ `ಎಂದೆ ಕೇರಳಂ~ಗೆ ತೆರಳಿದಾಗ ರೆಸ್ಟೋರೆಂಟ್ನ ಪ್ರವೇಶದ್ವಾರದಲ್ಲೇ ಬಿಡಿಸಿಟ್ಟ ಕೇರಳದ ವರ್ಣರಂಜಿತ ಕೊಡೆಗಳು ಸ್ವಾಗತಿಸಿದವು. ಬಾಗಿಲು ದಾಟಿ ಒಳಗೆ ಪ್ರವೇಶಿಸಿದಾಗ ನೆಲದ ಮೇಲೆ ಬಿಡಿಸಿದ್ದ `ಪೂಕ್ಕಳಂ~ (ಹೂವಿನ ರಂಗೋಲಿ) ಆಕರ್ಷಣೆ. ಬಿಳಿ ಪಂಚೆ ಮತ್ತು ಜುಬ್ಬಾ ಧರಿಸಿದ ಹೋಟೆಲ್ನ ಬೆರಳೆಣಿಕೆಯಷ್ಟು ಸಿಬ್ಬಂದಿ ಹೊರತುಪಡಿಸಿದರೆ ಓಣಂ ಸಂಭ್ರಮ ಅಲ್ಲಿ ಅಷ್ಟಾಗಿ ಎದ್ದುಕಾಣಲಿಲ್ಲ.</p>.<p>ಕೇರಳದಲ್ಲಿ ಖ್ಯಾತಿ ಹೊಂದಿದ ಬಾಣಸಿಗ ಹಾಗೂ ಅರ್ಚಕ ತಿರುಮೇನಿ ಉಣ್ಣಿಕೃಷ್ಣನ್ ನಂಬೂದಿರಿ ಅವರನ್ನು ನಿರೀಕ್ಷಿಸಿ ಅವರ ಕೈ ಅಡುಗೆಯ ರುಚಿ ಸವಿಯಲು ತೆರಳಿದ್ದವರಿಗೆ ನಿರಾಸೆಯಾದರೂ ಅವರ ತಂಡ ತಯಾರಿಸಿದ `ಸದ್ಯ~ ಸವಿಯಲು ಮುಂದಾದೆವು.</p>.<p>`ಪರಿಪ್ಪು, ಸಾಂಬಾರ್, ರಸಂ, ಅನ್ನ, ಪಚಡಿ, ಕಿಚಡಿ, ಇಂಜಿಪುಳಿ, ತೋರನ್, ಕಾಳನ್, ಪಪ್ಪಡಂ, ಚಿಪ್ಸ್, ಶರ್ಕರವರಟ್ಟಿ, ಪಾಯಸಂ, ಪ್ರಥಮನ್ ಸೇರಿದಂತೆ 26 ಬಗೆಯ ತಿನಿಸುಗಳನ್ನು ಬಾಳೆಎಲೆಯಲ್ಲಿ ಬಡಿಸಿದ `ಸದ್ಯ~ ಉಣ್ಣುತ್ತಿದ್ದಂತೆ ರೆಸ್ಟೋರೆಂಟ್ನ ಮುಖ್ಯ ಬಾಣಸಿಗ ಅಜಿ ಜೋಸೆಫ್ ನಮ್ಮ ಮುಂದೆ ಹಾಜರಾದರು.</p>.<p>`ಪ್ರತಿವರ್ಷ ಓಣಂ ಹಬ್ಬದ ಸಂದರ್ಭದಲ್ಲಿ ನಾವು ಬೆಂಗಳೂರು ಹಾಗೂ ಚೆನ್ನೈಯಲ್ಲಿನ `ಎಂದೆ ಕೇರಳಂ~ ರೆಸ್ಟೋರೆಂಟ್ಗಳಿಗೆ ತಿರುಮೇನಿಯವರನ್ನು ಆಹ್ವಾನಿಸುತ್ತೇವೆ. ಈ ಬಾರಿ ಅವರು ಚೆನ್ನೈಯಲ್ಲಿರುವ ಕಾರಣ ಇಲ್ಲಿಗೆ ಬರಲು ಸಾಧ್ಯವಾಗಲಿಲ್ಲ. ಬದಲಾಗಿ ಅವರ ತಂಡದ ಸದಸ್ಯರು `ಸದ್ಯ~ ತಯಾರಿಸುತ್ತಿದ್ದು, ಅಗತ್ಯವಾದ ವಸ್ತುಗಳನ್ನು ಅವರೇ ಕೇರಳದಿಂದ ತರುತ್ತಾರೆ. ಪ್ರತಿದಿನ ನಾಲ್ಕು ಬಗೆಯ ಚಿಪ್ಸ್ಗಳು, ಉಪ್ಪಿನಕಾಯಿಗಳು ಹಾಗೂ ಪಾಯಸಂಗಳು ಮೆನುವಿನಲ್ಲಿರುತ್ತವೆ. ಪಾಯಸಂ ಮತ್ತು ಚಿಪ್ಸ್ನ ಬಗೆ ನಿತ್ಯವೂ ಬದಲಾಗುತ್ತಿರುತ್ತದೆ~ ಎಂದರು.</p>.<p>ಕೇವಲ ಮಾಧ್ಯಮದವರಿಗೆ ಮಾತ್ರ `ಸದ್ಯ~ ಏರ್ಪಡಿಸಿದ್ದರಿಂದಲೋ ಏನೋ ರೆಸ್ಟೋರೆಂಟ್ಗಳಿಗೆ ಬಂದ ಗ್ರಾಹಕರಿಗೆ `ಎಲ ಸದ್ಯ~ದ ಬಗ್ಗೆ ಮಾಹಿತಿ ಇದ್ದಂತೆ ಕಂಡುಬರಲಿಲ್ಲ. ತಿರುವೋಣಂ ಹತ್ತಿರ ಬರುತ್ತಿದ್ದಂತೆ ಸಂಭ್ರಮ ಕಂಡುಬರಬಹುದೇನೋ? ಆದರೂ ನಿಜವಾದ `ಸದ್ಯ~ದ ಸವಿ ಸವಿಯಲು ತೆರಳಿದವರಿಗೆ ಅದ್ಭುತ ಅನುಭವ ನೀಡಲಿಲ್ಲ ಎನ್ನುವುದಂತೂ ಸತ್ಯ.</p>.<p>ಅಂದಹಾಗೆ ಉಳಿದ ದಿನಗಳಲ್ಲಿ `ಓಣಂ ಸದ್ಯ~ದ ಬೆಲೆ ರೂ. 395. ಅಂತೆಯೇ ತಿರುವೋಣಂ ದಿನ `ಸದ್ಯ~ದ ಬೆಲೆ 525 ರೂ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಕೇರಳದಲ್ಲಿ ಓಣಂ ತಯಾರಿ ಆರಂಭವಾಗುತ್ತಿರುವಂತೆಯೇ ಇಲ್ಲೂ ಸಿದ್ಧತೆಗಳು ಪ್ರಾರಂಭವಾಗುತ್ತವೆ. `ಓಣಂ ಸದ್ಯ~ ಉಣ್ಣಲು ತುದಿಗಾಲಲ್ಲಿ ನಿಲ್ಲುವ ಕೇರಳೀಯರು ಮಾತ್ರವಲ್ಲ, ಇತರರನ್ನೂ ಸಂತೋಷಪಡಿಸಲು ಇಲ್ಲಿನ ರೆಸ್ಟೋರೆಂಟ್ಗಳಿಗೆ ಈ ಹಬ್ಬವೇ ನೆಪ. `ಸದ್ಯ~ ಉಂಡರೆ ಮಾತ್ರ ಓಣಂ ಪರಿಪೂರ್ಣ ಎಂಬಂತಿರುವಾಗ ರುಚಿಯಾದ `ಸದ್ಯ~ ಹುಡುಕಿಕೊಂಡು ಜನ ತುಂಬಾ ದೂರ ಹೋಗಲೂ ಹಿಂದುಮುಂದು ನೋಡುವುದಿಲ್ಲ.</p>.<p>ನಾನಾ ಕಾರಣಗಳಿಂದಾಗಿ ನಗರಕ್ಕೆ ಬಂದು ನೆಲೆಸಿರುವವರಿಗೆ ಹಾಗೂ `ಓಣಂ ಸದ್ಯ~ ತಯಾರಿಸಲು ಅವಕಾಶ ಇಲ್ಲದೇ ಇರುವವರಿಗೆ ಇಂಥ ರೆಸ್ಟೋರೆಂಟ್ಗಳು ವರದಾನ. ಸಾಮಾನ್ಯವಾಗಿ ಕೆಲವು ರೆಸ್ಟೋರೆಂಟ್ಗಳು ಓಣಂ ಆರಂಭವಾಗುತ್ತಿದ್ದಂತೆಯೇ `ಸದ್ಯ~ ಮಾಡಲು ಸಜ್ಜಾದರೆ, ಮತ್ತೆ ಕೆಲವು ತಿರುವೋಣಂಗೆ ಎರಡು ದಿನ ಮುಂಚಿತವಾಗಿ `ಸದ್ಯ~ ನೀಡಲು ಮುಂದಾಗುತ್ತವೆ. ಒಂದಿಷ್ಟು ರೆಸ್ಟೊರೆಂಟ್ಗಳು `ತಿರುವೋಣಂ~ ದಿನಕ್ಕೆ ಮಾತ್ರ `ಸದ್ಯ~ವನ್ನು ಸೀಮಿತವಾಗಿಸುತ್ತವೆ.</p>.<p>ಈ ಹಿನ್ನೆಲೆಯಲ್ಲಿ ಪ್ರತಿವರ್ಷದಂತೆ ಹಲಸೂರಿನ `ಎಂದೆ ಕೇರಳಂ~ ರೆಸ್ಟೋರೆಂಟ್ ಆಗಸ್ಟ್ 20ರಿಂದ ಸೆಪ್ಟೆಂಬರ್ 3ರವರೆಗೆ ಓಣಂ `ಎಲ ಸದ್ಯ~ (ಬಾಳೆ ಎಲೆಯ ಮೇಲೆ ಬಡಿಸುವ ಸದ್ಯ) ಉಣಬಡಿಸಲು ನಿರ್ಧರಿಸಿದ್ದು, ಮಾಧ್ಯಮದವರನ್ನು ಇತ್ತೀಚೆಗೆ ಆಹ್ವಾನಿಸಿತ್ತು.</p>.<p>`ಬಲ್ಲವನೇ ಬಲ್ಲ ಬೆಲ್ಲದ ರುಚಿಯ~ ಎಂಬ ಮಾತಿದೆ. ಅಂತೆಯೇ `ಓಣಂ ಸದ್ಯ~ ಸವಿಯಲೆಂದೇ `ಎಂದೆ ಕೇರಳಂ~ಗೆ ತೆರಳಿದಾಗ ರೆಸ್ಟೋರೆಂಟ್ನ ಪ್ರವೇಶದ್ವಾರದಲ್ಲೇ ಬಿಡಿಸಿಟ್ಟ ಕೇರಳದ ವರ್ಣರಂಜಿತ ಕೊಡೆಗಳು ಸ್ವಾಗತಿಸಿದವು. ಬಾಗಿಲು ದಾಟಿ ಒಳಗೆ ಪ್ರವೇಶಿಸಿದಾಗ ನೆಲದ ಮೇಲೆ ಬಿಡಿಸಿದ್ದ `ಪೂಕ್ಕಳಂ~ (ಹೂವಿನ ರಂಗೋಲಿ) ಆಕರ್ಷಣೆ. ಬಿಳಿ ಪಂಚೆ ಮತ್ತು ಜುಬ್ಬಾ ಧರಿಸಿದ ಹೋಟೆಲ್ನ ಬೆರಳೆಣಿಕೆಯಷ್ಟು ಸಿಬ್ಬಂದಿ ಹೊರತುಪಡಿಸಿದರೆ ಓಣಂ ಸಂಭ್ರಮ ಅಲ್ಲಿ ಅಷ್ಟಾಗಿ ಎದ್ದುಕಾಣಲಿಲ್ಲ.</p>.<p>ಕೇರಳದಲ್ಲಿ ಖ್ಯಾತಿ ಹೊಂದಿದ ಬಾಣಸಿಗ ಹಾಗೂ ಅರ್ಚಕ ತಿರುಮೇನಿ ಉಣ್ಣಿಕೃಷ್ಣನ್ ನಂಬೂದಿರಿ ಅವರನ್ನು ನಿರೀಕ್ಷಿಸಿ ಅವರ ಕೈ ಅಡುಗೆಯ ರುಚಿ ಸವಿಯಲು ತೆರಳಿದ್ದವರಿಗೆ ನಿರಾಸೆಯಾದರೂ ಅವರ ತಂಡ ತಯಾರಿಸಿದ `ಸದ್ಯ~ ಸವಿಯಲು ಮುಂದಾದೆವು.</p>.<p>`ಪರಿಪ್ಪು, ಸಾಂಬಾರ್, ರಸಂ, ಅನ್ನ, ಪಚಡಿ, ಕಿಚಡಿ, ಇಂಜಿಪುಳಿ, ತೋರನ್, ಕಾಳನ್, ಪಪ್ಪಡಂ, ಚಿಪ್ಸ್, ಶರ್ಕರವರಟ್ಟಿ, ಪಾಯಸಂ, ಪ್ರಥಮನ್ ಸೇರಿದಂತೆ 26 ಬಗೆಯ ತಿನಿಸುಗಳನ್ನು ಬಾಳೆಎಲೆಯಲ್ಲಿ ಬಡಿಸಿದ `ಸದ್ಯ~ ಉಣ್ಣುತ್ತಿದ್ದಂತೆ ರೆಸ್ಟೋರೆಂಟ್ನ ಮುಖ್ಯ ಬಾಣಸಿಗ ಅಜಿ ಜೋಸೆಫ್ ನಮ್ಮ ಮುಂದೆ ಹಾಜರಾದರು.</p>.<p>`ಪ್ರತಿವರ್ಷ ಓಣಂ ಹಬ್ಬದ ಸಂದರ್ಭದಲ್ಲಿ ನಾವು ಬೆಂಗಳೂರು ಹಾಗೂ ಚೆನ್ನೈಯಲ್ಲಿನ `ಎಂದೆ ಕೇರಳಂ~ ರೆಸ್ಟೋರೆಂಟ್ಗಳಿಗೆ ತಿರುಮೇನಿಯವರನ್ನು ಆಹ್ವಾನಿಸುತ್ತೇವೆ. ಈ ಬಾರಿ ಅವರು ಚೆನ್ನೈಯಲ್ಲಿರುವ ಕಾರಣ ಇಲ್ಲಿಗೆ ಬರಲು ಸಾಧ್ಯವಾಗಲಿಲ್ಲ. ಬದಲಾಗಿ ಅವರ ತಂಡದ ಸದಸ್ಯರು `ಸದ್ಯ~ ತಯಾರಿಸುತ್ತಿದ್ದು, ಅಗತ್ಯವಾದ ವಸ್ತುಗಳನ್ನು ಅವರೇ ಕೇರಳದಿಂದ ತರುತ್ತಾರೆ. ಪ್ರತಿದಿನ ನಾಲ್ಕು ಬಗೆಯ ಚಿಪ್ಸ್ಗಳು, ಉಪ್ಪಿನಕಾಯಿಗಳು ಹಾಗೂ ಪಾಯಸಂಗಳು ಮೆನುವಿನಲ್ಲಿರುತ್ತವೆ. ಪಾಯಸಂ ಮತ್ತು ಚಿಪ್ಸ್ನ ಬಗೆ ನಿತ್ಯವೂ ಬದಲಾಗುತ್ತಿರುತ್ತದೆ~ ಎಂದರು.</p>.<p>ಕೇವಲ ಮಾಧ್ಯಮದವರಿಗೆ ಮಾತ್ರ `ಸದ್ಯ~ ಏರ್ಪಡಿಸಿದ್ದರಿಂದಲೋ ಏನೋ ರೆಸ್ಟೋರೆಂಟ್ಗಳಿಗೆ ಬಂದ ಗ್ರಾಹಕರಿಗೆ `ಎಲ ಸದ್ಯ~ದ ಬಗ್ಗೆ ಮಾಹಿತಿ ಇದ್ದಂತೆ ಕಂಡುಬರಲಿಲ್ಲ. ತಿರುವೋಣಂ ಹತ್ತಿರ ಬರುತ್ತಿದ್ದಂತೆ ಸಂಭ್ರಮ ಕಂಡುಬರಬಹುದೇನೋ? ಆದರೂ ನಿಜವಾದ `ಸದ್ಯ~ದ ಸವಿ ಸವಿಯಲು ತೆರಳಿದವರಿಗೆ ಅದ್ಭುತ ಅನುಭವ ನೀಡಲಿಲ್ಲ ಎನ್ನುವುದಂತೂ ಸತ್ಯ.</p>.<p>ಅಂದಹಾಗೆ ಉಳಿದ ದಿನಗಳಲ್ಲಿ `ಓಣಂ ಸದ್ಯ~ದ ಬೆಲೆ ರೂ. 395. ಅಂತೆಯೇ ತಿರುವೋಣಂ ದಿನ `ಸದ್ಯ~ದ ಬೆಲೆ 525 ರೂ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
