ಕೈಯಲ್ಲಿ ಕಮಲ ಹಿಡಿದು ಶಿವಲಿಂಗವನ್ನು ಆಲಂಗಿಸಿದ ಮಹಿಳೆಯ ಮುಖದಲ್ಲಿ ಧನ್ಯತಾ ಭಾವ, ನೀರಿನೊಳಗೆ ಕುಳಿತ ಮಹಿಳೆಯನ್ನು ತಬ್ಬಿದ ತಾವರೆ ದಂಟು, ತಾವರೆಯನ್ನೇ ತ್ರಿಶೂಲದಂತೆ ಹಿಡಿದ ದೇವತೆ... ಹೀಗೆ ದೇವರು ಮತ್ತು ತಾವರೆಯನ್ನು ಸಮೀಕರಿಸಿ ಚಿತ್ರ ರಚಿಸಿದವರು ಕೋಟೆಗದ್ದೆ ರವಿ. ರಂಗೋಲಿ ಮೆಟ್ರೊ ಕಲಾ ಕೇಂದ್ರದಲ್ಲಿ ಶುಕ್ರವಾರದಿಂದ ಆರಂಭವಾಗಿರುವ ‘ಮಿಸ್ಟಿಕ್ ಲೋಟಸ್’ ಏಕವ್ಯಕ್ತಿ ಕಲಾಪ್ರದರ್ಶನದಲ್ಲಿ ಇಂಥ ಅನೇಕ ಚಿತ್ರಗಳನ್ನು ನೀವು ನೋಡಬಹುದು.