ದುಬೈ: 2020ರ ಹೊತ್ತಿಗೆ ಜಗತ್ತಿನ ಹೊಸ ಮೊಬೈಲ್ ಖರೀದಿದಾರರಲ್ಲಿ ಭಾರತ ಮತ್ತು ಚೀನಾದ ಗ್ರಾಹಕರೇ ಶೇ 50ರಷ್ಟಿರುತ್ತಾರೆ ಎಂದು ಅಧ್ಯಯನವೊಂದು ತಿಳಿಸಿದೆ.
‘ಮೊಬೈಲ್ ವರ್ಲ್ಡ್ ಕಾಂಗ್ರೆಸ್ ಶಾಂಘೈ’ನಲ್ಲಿ ಪ್ರಕಟಿಸಿರುವ 2017ರ ‘ಮೊಬೈಲ್ ಎಕಾನಮಿ: ಏಷ್ಯಾ ಪೆಸಿಫಿಕ್’ ವರದಿ ಪ್ರಕಾರ, ಈ ದಶಕದ ಅಂತ್ಯಕ್ಕೆ ಭಾರತದ ಶೇ 27 ಮತ್ತು ಚೀನಾದ ಶೇ 21ರಷ್ಟು ಮೊಬೈಲ್ ಗ್ರಾಹಕರಿರುತ್ತಾರೆ.
2016ರ ಅಂತ್ಯಕ್ಕೆ ಏಷ್ಯಾ ಪೆಸಿಫಿಕ್ ವಲಯದಲ್ಲಿ 270 ಕೋಟಿ ಇದ್ದ ಮೊಬೈಲ್ ಗ್ರಾಹಕರ ಸಂಖ್ಯೆ 2020ರಲ್ಲಿ 310 ಕೋಟಿಗೆ ಏರಲಿದೆ. ಈ ಅವಧಿಯಲ್ಲಿ ಸಾಮಾಜಿಕ ಅಭಿವೃದ್ಧಿ ಮತ್ತು ಏಷ್ಯಾ ಅರ್ಥವ್ಯವಸ್ಥೆಗೆ ಮೊಬೈಲ್ ಉದ್ಯಮ ಹೇಗೆ ಕೊಡುಗೆ ನೀಡುತ್ತದೆ ಎಂಬ ಬಗ್ಗೆಯೂ ವರದಿ ಗಮನಸೆಳೆದಿದೆ.