ಗದರಬೇಡಿ, ಪ್ರೀತಿಯಿಂದ ಹೇಳಿಕೊಡಿ ಎಂದು ಅಳುತ್ತಾ ಅಂಕಿ ಕಲಿಯುವ ಮಗುವಿನ ವಿಡಿಯೊ ವೈರಲ್

ನವದೆಹಲಿ: ಅಳುತ್ತಾ ಒನ್, ಟು, ತ್ರೀ ಎಂದು ಹೇಳುತ್ತಿರುವ ಪುಟ್ಟ ಹೆಣ್ಣು ಮಗು. ಮತ್ತೊಮ್ಮೆ ಓದು, ಸರಿಯಾಗಿ ಹೇಳು ಎಂದು ಗದರುತ್ತಿರುವ ಅಮ್ಮನ ದನಿ. ಇಷ್ಟೊಂದು ಗದರಬೇಡಿ, ಪ್ರೀತಿಯಿಂದ ಹೇಳಿಕೊಡಿ ಎಂದು ಆ ಮಗು ಪರಿ ಪರಿಯಾಗಿ ಬೇಡಿಕೊಂಡರೂ ಮಾತ್ರ ಏರು ದನಿಯಲ್ಲಿ ಬೈಯುತ್ತಾ ಮಗುವಿನಲ್ಲಿ ನಡುಕ ಹುಟ್ಟಿಸುತ್ತಿದ್ದಾರೆ. ಮಗು ಅಳುತ್ತಾ, ಅಂಜುತ್ತಾ ಅಂಕಿ ಕಲಿಯುವುದನ್ನು ನೋಡಿದರೆ ಎಂಥವರ ಕಣ್ಣಲ್ಲಿಯೂ ನೀರು ಬಂದುಬಿಡುತ್ತದೆ. ಆ ಪುಟ್ಟ ಪಾಪು ಮೇಲೆ ಕೂಗಾಡುತ್ತಿರುವ ಆ ಹೆಣ್ಣು ದನಿ ಮೇಲೆ ಸಿಟ್ಟು ಕೂಡಾ!