ಅಂತರ್ಜಾಲದಲ್ಲಿ ಹಕ್ಕಿಗಳ ಚಿಲಿಪಿಲಿ

ಬುಧವಾರ, ಜೂನ್ 26, 2019
28 °C

ಅಂತರ್ಜಾಲದಲ್ಲಿ ಹಕ್ಕಿಗಳ ಚಿಲಿಪಿಲಿ

Published:
Updated:
ಅಂತರ್ಜಾಲದಲ್ಲಿ ಹಕ್ಕಿಗಳ ಚಿಲಿಪಿಲಿ

ಹಕ್ಕಿಗಳ ಬಗ್ಗೆ ಮಾಹಿತಿಯನ್ನು ಕನ್ನಡದಲ್ಲಿ ನೀಡಬೇಕೆಂಬ ಆಸೆಯಿಂದ ಹಕ್ಕಿಪುಕ್ಕ ಡಾಟ್ ಕಾಂ (hakkipukka.com) ರೂಪಿಸಿದ್ದಾರೆ ಯುವಕರಾದ ಎಲ್.ಎಂ.ದೀಪಕ್ ಮತ್ತು ಪತ್ರಕರ್ತ ಮಹೇಶ್ ಮಲ್ನಾಡ್.

ಈ ವೆಬ್‍ಸೈಟ್ ನಿರ್ಮಿಸಲು ಪೂರ್ಣಚಂದ್ರ ತೇಜಸ್ವಿ ಅವರೇ ಪ್ರೇರಣೆಯಂತೆ ಈ ಯುವಕರಿಗೆ.

ಎರಡು ವರ್ಷಗಳಿಂದ ಸಕ್ರಿಯವಾಗಿರುವ ಈ ವೆಬ್‍ಸೈಟ್‍ನಲ್ಲಿ 400ಕ್ಕೂ ಹೆಚ್ಚು ಹಕ್ಕಿಗಳ ಬಗ್ಗೆ ಕನ್ನಡದಲ್ಲಿ ಲಭ್ಯ. ಹಕ್ಕಿಗಳನ್ನು ಪ್ರಭೇದ, ಕುಟುಂಬ, ವರ್ಗದ ಆಧಾರದ ಮೇಲೆ ವಿಂಗಡಿಸಲಾಗಿದೆ. ಹಕ್ಕಿಗಳ ಇತರೆ ಹೆಸರುಗಳು, ವೈಜ್ಞಾನಿಕ ಹೆಸರು, ಜೀವನ ವಿಧಾನದ ಸಂಕ್ಷಿಪ್ತ ಮಾಹಿತಿ, ದೇಹ ರಚನೆ ವೈಶಿಷ್ಟ, ಆಹಾರ ಕ್ರಮ, ವಾಸಸ್ಥಳಗಳ ಬಗ್ಗೆ ಮಾಹಿತಿ ನೀಡಲಾಗಿದೆ.

ರಾಜ್ಯದ ಹೆಸರಾಂತ ಛಾಯಾಗ್ರಾಹಕರು ತೆಗೆದಿರುವ ಚಿತ್ರಗಳನ್ನೇ ವೆಬ್‍ಸೈಟ್‍ನಲ್ಲಿ ಬಳಸಲಾಗಿದೆ. ಬಹುತೇಕ ಚಿತ್ರಗಳನ್ನು ಕ್ಲೆಮೆಂಟ್.ಎಂ.ಪ್ರಾನ್ಸಿಸ್ ಅವರು ತೆಗೆದಿದ್ದಾರೆ. ಬಿ.ಶ್ರೀನಿವಾಸ್, ಎ.ಕೆ.ರಾಜು, ಡಿ.ಜಿ.ಮಲ್ಲಿಕಾರ್ಜುನ, ಕಿರಣ್ ಪೂಣಚ್ಚಾ, ಬಿ.ಪ್ರವೀಣ್ ಮತ್ತು ವೆಬ್‍ಸೈಟ್ ನಿರ್ಮಿಸಿದವರೊಲ್ಲಬ್ಬರಾದ ದೀಪಕ್ ಅವರು ತೆಗೆದಿರುವ ಚಿತ್ರಗಳೂ ಇದರಲ್ಲಿವೆ.

ವೆಬ್‍ಸೈಟ್ ಹಕ್ಕಿಗಳ ಮಾಹಿತಿ ಜೊತೆಗೆ ಅವುಗಳ ಕುತೂಹಲಕಾರಿ ಜೀವನ ಪದ್ಧತಿಯ ಬಗ್ಗೆ ತಿಳಿಸಲೆಂದೇ ’ನಿಮಗಿದು ಗೊತ್ತೆ?’ ಆಯ್ಕೆ ನೀಡಲಾಗಿದೆ.

ಹಕ್ಕಿಗಳ ಧ್ವನಿಗಳನ್ನೂ ವೆಬ್‍ಸೈಟ್‍ಗೆ ಸೇರಿಸುವ ತಯಾರಿ ನಡೆದಿದೆ. ಈಗಾಗಲೇ 200ಕ್ಕೂ ಹೆಚ್ಚು ಹಕ್ಕಿಗಳ ಧ್ವನಿಯನ್ನು ಸಂಗ್ರಹಿಸಲಾಗಿದೆ.

ಆಸಕ್ತರು ಹಕ್ಕಿಗಳ ಚಿತ್ರಗಳನ್ನು ಮತ್ತು ಮಾಹಿತಿ ಕಳುಹಿಸಲು ವೆಬ್‍ಸೈಟ್‍ನಲ್ಲಿಯೇ ಅವಕಾಶ ಕಲ್ಪಿಸಲಾಗಿದೆ.

ಚಿತ್ರಗಳನ್ನು peck@hakkipukka.com ಗೆ ಮೇಲ್ ಮಾಡಬಹುದು. ಹಕ್ಕಿಪುಕ್ಕ ಫೇಸ್‍ಬುಕ್ ಪುಟ facebook.com/hakkipukka

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry