ಕೆಲವರಿಗೆ ಅತಿಬೆವರು. ಇನ್ನೂ ಕೆಲವರಿಗೆ ದೇಹ ದುರ್ಗಂಧದ ಸಮಸ್ಯೆ. ಇಂಥ ಸಮಸ್ಯೆಗಳಿಂದ ಮುಕ್ತರಾಗಲು ಈ ಮನೆಮದ್ದುಗಳನ್ನು ಬಳಸಿ ನೋಡಿ. ಅದಕ್ಕೂ ಮೊದಲು ನಿಮ್ಮ ಚರ್ಮಕ್ಕೆ ಯಾವುದಾದರೂ ಅಲರ್ಜಿ ಇದೆಯೇ ಎಂಬ ಎಚ್ಚರಿಕೆಯೂ ಇರಲಿ.
*ನಿಂಬೆರಸ: ಹತ್ತಿಯ ಸಹಾಯದಿಂದ ನಿಂಬೆರಸವನ್ನು ದೇಹದ ಮೇಲೆ ಹಚ್ಚಿ. 10 ನಿಮಿಷದ ನಂತರ ಸ್ನಾನ ಮಾಡಿ.
*ಕರ್ಪೂರದ ಎಣ್ಣೆ: ಸ್ನಾನದ ನೀರಿನಲ್ಲಿ ಒಂದು ಚಮಚ ಕರ್ಪೂರದ ಎಣ್ಣೆ ಮಿಕ್ಸ್ ಮಾಡಿದರೆ, ದುರ್ವಾಸನೆ ಮತ್ತು ಸೂಕ್ಷ್ಮಜೀವಿಗಳ ತೊಂದರೆಯಿಂದ ಮುಕ್ತಿ ಸಿಗುತ್ತದೆ.
*ಬೇಕಿಂಗ್ ಸೋಡಾ: ಒಂದು ಚಮಚ ಬೇಕಿಂಗ್ ಸೋಡಾ ಮತ್ತು ಒಂದು ಚಮಚ ನಿಂಬೆರಸ ಬೆರೆಸಿಟ್ಟುಕೊಳ್ಳಿ. ಇದನ್ನು ದೇಹದ ಮೇಲೆ ಹಚ್ಚಿ. 5 ನಿಮಿಷದ ನಂತರ ತೊಳೆದುಕೊಳ್ಳಿ.
*ಗೋಧಿಹುಲ್ಲು: ಪ್ರತಿದಿನ 2 ಚಮಚ ಗೋಧಿಹುಲ್ಲಿನ ರಸ ಸೇವನೆಯು ದೇಹದ ದುರ್ಗಂಧವನ್ನು ಕಡಿಮೆ ಮಾಡುತ್ತದೆ.
*ಫಿಟ್ಕರಿ: ಸ್ನಾನ ಮಾಡುವ ನೀರಿಗೆ ಸ್ವಲ್ಪ ಫಿಟ್ಕರಿ ಸೇರಿಸಿ.
*ಆ್ಯಪಲ್ ಸೈಡರ್ ವಿನೆಗರ್: ಹತ್ತಿಯ ಸಹಾಯದಿಂದ ಆ್ಯಪಲ್ ಸೈಡರ್ ವಿನೆಗರ್ ದ್ರಾವಣವನ್ನು ಕಂಕುಳಿಗೆ ಹಚ್ಚಿಕೊಳ್ಳಿ. 10 ನಿಮಿಷದ ನಂತರ ಸ್ನಾನ ಮಾಡಿ.
* ಟೊಮೆಟೊ ರಸ: ಸ್ನಾನ ಮಾಡುವ ನೀರಿಗೆ ಕೊಂಚ ಟೊಮೆಟೊ ರಸ ಬೆರೆಸಿ.
*ಶ್ರೀಗಂಧ: ತೇಯ್ದ ಅಥವಾ ಪುಡಿಗೆ ನೀರು ಬೆರೆಸಿ ಪೇಸ್ಟ್ನಂತೆ ಮಾಡಿಕೊಂಡ ಶ್ರೀಗಂಧವನ್ನು ಕಂಕುಳಿಗೆ ಹಚ್ಚಿಕೊಳ್ಳಿ. 10 ನಿಮಿಷದ ನಂತರ ಸ್ನಾನ ಮಾಡಿ.
*ಮಸೂರ್ ದಾಲ್: ಒಂದು ಚಮಚ ಮಸೂರ್ ದಾಲ್ ಪುಡಿಗೆ ಮೂರು ಚಮಚ ನಿಂಬೆರಸ ಬೆರೆಸಿ ಪೇಸ್ಟ್ನಂತೆ ಮಾಡಿಕೊಳ್ಳಿ. ದೇಹದ ಮೇಲೆ ಸವರಿಕೊಂಡು 10 ನಿಮಿಷದ ನಂತರ ಸ್ನಾನ ಮಾಡಿ.