ಬೆಂಗಳೂರು: ಆಸ್ಟ್ರೇಲಿಯಾ ವಿರುದ್ಧ ಏಕದಿನ ಕ್ರಿಕೆಟ್ ಸರಣಿಯನ್ನು 4–1ರಲ್ಲಿ ಜಯಗಳಿಸಿರುವ ಭಾರತ ತಂಡದ ಆಟಗಾರರಿಗೆ ಈಗ ವಿಶ್ರಾಂತಿ ಸಮಯ. ಮೂರು ಟಿ–20 ಪಂದ್ಯಗಳ ಸರಣಿ ಶನಿವಾರದಿಂದ ಆರಂಭವಾಗಲಿದ್ದು, ಅದಕ್ಕೂ ಮುನ್ನ ಆಟಗಾರರು ಕುಟುಂಬದವರ ಜತೆ ಸಮಯ ಕಳೆಯುತ್ತಿದ್ದಾರೆ.
ವಿಕೆಟ್‌ ಕೀಪರ್ ಎಂ.ಎಸ್. ದೋನಿ ಅವರು ತಮ್ಮ ಸಾಕುನಾಯಿ ಜತೆ ಆಟವಾಡುತ್ತಿರುವ ವಿಡಿಯೊವೊಂದನ್ನು ಅವರ ಪತ್ನಿ ಸಾಕ್ಷಿ ಸಿಂಗ್ ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದು, ವೈರಲ್ ಆಗಿದೆ. 2 ಲಕ್ಷಕ್ಕೂ ಹೆಚ್ಚು ಜನ ವಿಡಿಯೊ ವೀಕ್ಷಿಸಿದ್ದು, 2 ಸಾವಿರಕ್ಕೂ ಹೆಚ್ಚು ಜನ ಕಮೆಂಟ್ ಮಾಡಿದ್ದಾರೆ.
