ವಸೂಲಿಯಾಗದ ಸಾಲ ತಗ್ಗಿಸಲು ಆದ್ಯತೆ: ರಜನೀಶ್

‘ಬ್ಯಾಂಕ್‌ನ ಆರ್ಥಿಕ ಸ್ಥಿತಿ ಸುಧಾರಿಸಲು ವಸೂಲಿಯಾಗದ ಸಾಲದ ಸಮಸ್ಯೆಯನ್ನು ಶೀಘ್ರವೇ ಬಗೆಹರಿಸಬೇಕು. ಈ ನಿಟ್ಟಿನಲ್ಲಿ ಅಗತ್ಯ ಕ್ರಮ ಕೈಗೊಳ್ಳಲಾಗಿದೆ. ಶೀಘ್ರದಲ್ಲಿಯೇ ಬದಲಾವಣೆ ಕಂಡುಬರಲಿದೆ’ ಎಂದು ಹೇಳಿದ್ದಾರೆ.

ಈ ಹಿಂದೆ ಭವಿಷ್ಯದಲ್ಲಿ ಎದುರಾಗಬಹುದಾದ ಆರ್ಥಿಕ ನಷ್ಟ ಭರಿಸಲು ಗರಿಷ್ಠ ಮೊತ್ತವನ್ನು ಕಾಯ್ದಿರಿಸಲಾಗಿತ್ತು. ಅದು ಬ್ಯಾಂಕ್‌ನ ಆರ್ಥಿಕ ಸಾಧನೆಯ ಮೇಲೆ ಪ್ರತಿಕೂಲ ಪರಿಣಾಮ ಬೀರಿತ್ತು. ಮುಂದಿನ ದಿನಗಳಲ್ಲಿ ಲಾಭವನ್ನು ಹೆಚ್ಚಿಸುವ ಪ್ರಯತ್ನ ನಡೆಸಲಾಗುವುದು ಎಂದು ಹೇಳಿದ್ದಾರೆ.

ಜೂನ್‌ ಅಂತ್ಯಕ್ಕೆ ಸರಾಸರಿ ಎನ್‌ಪಿಎ ಶೇ 7.40 ರಿಂದ ಶೇ 9.97ಕ್ಕೆ ಹಾಗೂ ನಿವ್ವಳ ಎನ್‌ಪಿಎ ಶೇ 4.36 ರಿಂದ ಶೇ 5.97ಕ್ಕೆ ಏರಿಕೆಯಾಗಿದೆ. ಚಿಲ್ಲರೆ ವಲಯದ ಎನ್‌ಪಿಎ ಶೇ 1.56 ರಷ್ಟು ಹೆಚ್ಚಾಗಿದ್ದು, ₹7,632 ಕೋಟಿಗೆ ತಲುಪಿದೆ. ಕೃಷಿ ವಲಯದಿಂದ ಬರಬೇಕಿರುವ ಸಾಲ ಶೇ 9.51ಕ್ಕೆ ಅಂದರೆ ₹17,988 ಕೋಟಿಗಳಷ್ಟಿದೆ.