ಹೈದರಾಬಾದ್: ನಾಲ್ಕು ತಿಂಗಳ ಮಗುವೊಂದು ಪೊಲೀಸರನ್ನು ನೋಡಿ ನಗುತ್ತಿರುವ ಫೋಟೊವೊಂದು ಸಾಮಾಜಿಕ ತಾಣದಲ್ಲಿ ವೈರಲ್ ಆಗಿದೆ. ಐಪಿಎಸ್ ಅಧಿಕಾರಿ ಸ್ವಾತಿ ಲಾಕ್ರಾ ಈ ಫೋಟೊವನ್ನು ಟ್ವೀಟ್ ಮಾಡಿದ್ದು ಇದು 5214 ಬಾರಿ ರೀಟ್ವೀಟ್ ಆಗಿದೆ.
ಹೈದರಾಬಾದ್‍ನ ನಾಂಪಲ್ಲಿ ಎಂಬಲ್ಲಿ ರಸ್ತೆ ಬದಿಯಲ್ಲಿ ಮಲಗಿದ್ದ ಹಮೀರಾ ಬೇಗಂ ಅವರ 4 ತಿಂಗಳ ಮಗು ಫೈಜಾನ್ ಖಾನ್‍ನ್ನು ಎರಡು ದಿನಗಳ ಹಿಂದೆ ದುಷ್ಕರ್ಮಿಗಳು ಅಪಹರಣ ಮಾಡಿದ್ದರು. ಮಗು ಅಪಹರಣವಾಗಿರುವ ವಿಷಯ ತಿಳಿದ ಪೊಲೀಸ್ ತಕ್ಷಣವೇ ಕಾರ್ಯ ಪ್ರವೃತ್ತರಾಗಿದ್ದು, 15 ಗಂಟೆಯೊಳಗೆ ಮಗುವನ್ನು ರಕ್ಷಿಸಿದ್ದರು.
