ರಸ್ತೆ ಒತ್ತುವರಿ ತೆರವುಗೊಳಿಸಿ, ಹೊಸ ರಸ್ತೆ ನಿರ್ಮಿಸಿ

ನಗರದ ಪ್ರಮುಖ ಬೀದಿಗಳಲ್ಲಿ ಪ್ರತಿಭಟನಾ ಮೆರವಣಿಗೆ ನಡೆಸಿದ ಸಂಘದ ಸದಸ್ಯರು, ಜಿಲ್ಲಾಧಿಕಾರಿ ಕಚೇರಿ ಎದುರು ಧರಣಿ ನಡೆಸಿ ಜಿಲ್ಲಾಧಿಕಾರಿ ಅವರಿಗೆ ಮನವಿ ಸಲ್ಲಿಸಿದರು. ನಂತರ ಪ್ರತಿಭಟನಾ ನಿರತರ ಪರ ಮಾತನಾಡಿದ ಸಿಐಟಿಯು ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಸಿ.ಕೆ.ಗೌಸ್‌ಪೀರ್, ಚಿತ್ರದುರ್ಗದ ರಸ್ತೆಗಳು ಹಾಳಾಗಿವೆ.

ಮಾತ್ರವಲ್ಲ  ರಸ್ತೆಗಳನ್ನು ಒತ್ತುವರಿ ಮಾಡಿಕೊಂಡು ಕಟ್ಟಡಗಳನ್ನು ನಿರ್ಮಿಸಲಾಗಿದೆ. ಜಿಲ್ಲಾಡಳಿತ ಮೊದಲು ರಸ್ತೆ ಸಮೀಕ್ಷೆ ಮಾಡಿಸಿ  ಒತ್ತುವರಿ ತೆರವುಗೊಳಿಸಬೇಕು. ಹೊಸ ರಸ್ತೆ ನಿರ್ಮಾಣಕ್ಕೆ ಮುಂದಾಗಬೇಕು’ ಎಂದು ಒತ್ತಾಯಿಸಿದರು.

‘ಚಳ್ಳಕೆರೆ ಟೋಲ್‌ಗೇಟ್‌ನಿಂದ ಬಿ.ಡಿ.ರಸ್ತೆ, ಪಿ.ಬಿ.ರಸ್ತೆ ಮುಖಾಂತರ ಜೆಎಂಐಟಿ ವೃತ್ತದವರೆಗೂ 16 ಮೀ ರಸ್ತೆ ವಿಸ್ತರಣೆ ಮಾಡಬೇಕು. ಹೊಳಲ್ಕೆರೆ ರಸ್ತೆಯನ್ನು ವಿಸ್ತರಿಸಬೇಕು. ಮದಕರಿನಾಯಕ ಪ್ರತಿಮಿಎಯಿಂದ ಗಾಯತ್ರಿ ಕಲ್ಯಾಣಮಂಟಪ, ಜೆಸಿಆರ್ ಬಡಾವಣೆ ಮುಖಾಂತರ ಹಾದು ಹೋಗುವ ತುರುವನೂರು ರಸ್ತೆ, ಮೆದೇಹಳ್ಳಿ ರಸ್ತೆಯನ್ನು ವಿಸ್ತರಿಸಿ, ಡಬಲ್ ರೋಡ್ ಮಾಡಬೇಕು’ ಎಂದು ಆಗ್ರಹಿಸಿದರು.

‘ನಗರದ ಒಳಗಿರುವ ಲಕ್ಷ್ಮಿಬಜಾರ್, ವಾಸವಿಮಹಲ್ ರಸ್ತೆ, ರೂಪವಾಣಿ ಟಾಕೀಸ್ ರಸ್ತೆ, ಪ್ರಸನ್ನ ಟಾಕೀಸ್, ಬಸವೇಶ್ವರ ಟಾಕೀಸ್ ರಸ್ತೆಗಳಲ್ಲೂ ಒತ್ತುವರಿಯಾಗಿದೆ. ಈ ಎಲ್ಲವುಗಳ ಸಮೀಕ್ಷೆ ಮಾಡಿಸಿ, ಒತ್ತುವರಿ ತೆರವುಗೊಳಿಸಬೇಕು’ ಎಂದು ಮನವಿ ಮಾಡಿದರು.

ಪ್ರತಿಭಟನೆಯಲ್ಲಿ ಫೆಡರೇಷನ್ ಅಧ್ಯಕ್ಷ ಮಂಜುನಾಥ್ ಖಜಾಂಚಿ ಷೇಖ್ ಕಲೀಂ, ಗೌರವಾಧ್ಯಕ್ಷ ಹಜರತ್ ಅಲಿ, ಉಪಾಧ್ಯಕ್ಷ ಪಾಪಮ್ಮ, ಜಿಕ್ರಿಯಾ ಉಲ್ಲಾ ಕಾರ್ಯದರ್ಶಿ ಭಾಸ್ಕರಾ ಚಾರಿ, ರಿಯಾಜ್ ಅಹ್ಮದ್ ಸೇರಿದಂತೆ ಸಂಘದ ಸದಸ್ಯರು ಹಾಜರಿದ್ದರು.