ತೆಂಗಿನ ಕಾಯಿ ಮೂಲಕ ರಕ್ತದ ಗುಂಪನ್ನು ಪತ್ತೆ ಮಾಡಬಹುದು!

ಬುಧವಾರ, ಜೂನ್ 26, 2019
28 °C

ತೆಂಗಿನ ಕಾಯಿ ಮೂಲಕ ರಕ್ತದ ಗುಂಪನ್ನು ಪತ್ತೆ ಮಾಡಬಹುದು!

Published:
Updated:
ತೆಂಗಿನ ಕಾಯಿ ಮೂಲಕ ರಕ್ತದ ಗುಂಪನ್ನು ಪತ್ತೆ ಮಾಡಬಹುದು!

ರಾಯಪುರ: ತೆಂಗಿನ ಕಾಯಿ ಮೂಲಕ ಜಲ ಮೂಲ ಪತ್ತೆ ಹಚ್ಚುವುದು ಎಲ್ಲರಿಗೂ ತಿಳಿದಿರುವ ವಿಚಾರ. ಆದರೆ ಇದೇ ತೆಂಗಿನ ಕಾಯಿ ಮೂಲಕ ಮನುಷ್ಯರ ರಕ್ತದ ಗುಂಪನ್ನು ಪತ್ತೆ ಹಚ್ಚಬಹುದು ಎಂದು ತೋರಿಸಿಕೊಡುವ ಮೂಲಕ ಬಿ. ಡಿ. ಗುಹಾ ಎಂಬುವರು ಅಚ್ಚರಿ ಮೂಡಿಸಿದ್ದಾರೆ.

2005 ರಿಂದಲೂ ಚತ್ತೀಸ್‌ಗಡದ ಗುಹಾ ಈ ಪ್ರಯೋಗ ಮಾಡುತ್ತಿದ್ದಾರೆ. ಇದರಲ್ಲಿ ಶೇ.90 ರಷ್ಟು ಯಶಸ್ವಿಯಾಗಿದ್ದೇನೆ ಎಂದು ಎಎನ್‌ಐ ಸುದ್ದಿ ಸಂಸ್ಥೆಗೆ ನೀಡಿದ ಸಂದರ್ಶನದಲ್ಲಿ ತಿಳಿಸಿದ್ದಾರೆ.

ಕೃಷಿ ಇಲಾಖೆಯಲ್ಲಿ ಕೆಲಸ ಮಾಡುತ್ತಿರುವ ಗುಹಾ ನೂರಾರು ಜನರ ರಕ್ತದ ಗುಂಪನ್ನು ತೆಂಗಿನಕಾಯಿ ಮೂಲಕ ಪತ್ತೆ ಹಚ್ಚಿದ್ದಾರೆ. ವ್ಯಕ್ತಿಯ ಮೇಲೆ ತೆಂಗಿನಕಾಯಿ ಹಿಡಿದಾಗ ಅದು ಯಾವ ಕೋನದಲ್ಲಿ ನಿಲ್ಲುತ್ತದೆ ಎಂಬುದನ್ನು ಆಧರಿಸಿ ಬ್ಲಡ್ ಗ್ರೂಪ್ ಕಂಡು ಹಿಡಿಯುವುದಾಗಿ ಗುಹಾ ತಿಳಿಸಿದ್ದಾರೆ. ಆದರೆ ವ್ಯಕ್ತಿಯ ಕೆಳ ಭಾಗದಲ್ಲಿ ನೀರಿನ ಮೂಲ ಇದ್ದರೆ ರಕ್ತದ ಗುಂಪನ್ನು ಪತ್ತೆ ಮಾಡುವುದು ಕಷ್ಟ ಎನ್ನುತ್ತಾರೆ ಅವರು.

ವ್ಯಕ್ತಿಯೊಬ್ಬರ ಮೇಲೆ ತೆಂಗಿನಕಾಯಿ ಹಿಡಿದಾಗ ಅದು 60 ಡಿಗ್ರಿ ಕೋನದಲ್ಲಿದ್ದರೆ A+, 75 ಡಿಗ್ರಿಯಲ್ಲಿದ್ದರೆ B+,  90 ಡಿಗ್ರಿ ಕೋನದಲ್ಲಿದ್ದರೆ O+,  ಮತ್ತು 180 ಡಿಗ್ರಿಯಲ್ಲಿದ್ದರೆ O-  ಎಂದು ಪತ್ತೆ ಹಚ್ಚಿರುವುದಾಗಿ ಗುಹಾ ಮಾಹಿತಿ ನೀಡಿದ್ದಾರೆ.  ಗುಹಾ ಪತ್ತೆ ಹಚ್ಚಿದ ನೂರಾರು ಜನರ ರಕ್ತದ ಗುಂಪನ್ನು ಮತ್ತೆ  ಪ್ರಯೋಗಾಲಯದಲ್ಲಿ ಪರೀಕ್ಷಿಸಿದಾಗ ಈ ಎರಡು ಟೆಸ್ಟ್‌ಗಳ ಫಲಿತಾಂಶ ಒಂದೇ ಆಗಿರುವುದರ ಬಗ್ಗೆ ವೈದ್ಯರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ.

ಆದಾಗ್ಯೂ ಈ ಪ್ರಯೋಗ ಅಪಾಯಕಾರಿ ಮತ್ತು ಅವೈಜ್ಞಾನಿಕ ಎಂದು ವೈದ್ಯ ವಿಜ್ಞಾನಿಗಳು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry