ಗಂಗಾವತಿ ಮಾರುಕಟ್ಟೆಗೆ ಶಿರಸಿಯ ಅನಾನಸ್

ಬುಧವಾರ, ಜೂನ್ 19, 2019
31 °C

ಗಂಗಾವತಿ ಮಾರುಕಟ್ಟೆಗೆ ಶಿರಸಿಯ ಅನಾನಸ್

Published:
Updated:

ಗಂಗಾವತಿ: ನಗರದ ಹಣ್ಣಿನ ಮಾರುಕಟ್ಟೆಗೆ ಭಾನುವಾರ ಶಿರಸಿಯ ಸ್ವಾದ ಹಾಗೂ ರುಚಿ ಭರಿತ ಅನಾನಸ್ (ಫೈನಾಪಲ್) ಹಣ್ಣಿನ ಅಮದಾಗಿತ್ತು. ಹಣ್ಣು ತುಂಬಿಕೊಂಡು ವಾಹನ ಬರುತ್ತಿದ್ದಂತೆಯೇ ವರ್ತಕರು ಮಗಿಬಿದ್ದು ಹಣ್ಣುಗಳನ್ನು ಸಗಟು ವ್ಯಾಪಾರಿಯಿಂದ ಖರೀದಿಸಿದರು.

‘ಶಿರಸಿಯ ಮಾರುಕಟ್ಟೆಯಲ್ಲಿ ಒಂದು ಹಣ್ಣಿಗೆ ಕೇವಲ ಹತ್ತರಿಂದ ಹದಿನೈದು ರೂಪಾಯಿ ಧಾರಣೆಯಿದೆ. ನಗರದಲ್ಲಿ ಕಿಲೋಗೆ ₹30 ಬೆಲೆಯಿದೆ. ಹೀಗಾಗಿ ಅಲ್ಲಿನ ವರ್ತಕರು ಅನಾನಸ್ ಇಲ್ಲಿಗೆ ಕಳಿಸುತ್ತಾರೆ’ ಎಂದು ಸಗಟು ವ್ಯಾಪಾರಿ ಮೊಹಮ್ಮದ್ ಹೇಳಿದರು.

‘ಸದ್ಯಕ್ಕೆ ಅನಾನಸ್‌ ಹಣ್ಣಿನ ಸೀಜನ್ ಅಲ್ಲ. ಆದರೂ ಜ್ಯೂಸ್, ಕೇಸರಿಬಾತ್, ಫ್ರೂಟ್ ಸಾಲಡ್ ಮಾಡಲು ಜನ ಈ ಹಣ್ಣು ಕೇಳುತ್ತಾರೆ. ಶಿರಸಿಯ ಹಣ್ಣನ್ನು ನಾಲ್ಕಾರು ದಿನ ಇಟ್ಟರೂ ಕೆಡದು. ಇದರಿಂದ ಹಣ್ಣಿಗೆ ಬೇಡಿಕೆ ಇದೆ’ ಎಂದು ಹಣ್ಣಿನ ವ್ಯಾಪಾರಿ ಕರಿಬಸಪ್ಪ ಕುರಿಬರ್ ಹೇಳಿದರು.

ಅನಾನಸ್ ಹಣ್ಣು ಸೇವಿಸುವುದರಿಂದ ಮಧುಮೇಹಿಗಳಿಗೆ ರಕ್ತದಲ್ಲಿನ ಸಕ್ಕರೆ ಅಂಶವನ್ನು (ಇನ್ಸುಲಿನ್) ನಿಯಂತ್ರಣದಲ್ಲಿಡುತ್ತದೆ ಎಂಬ ಕಾರಣಕ್ಕೆ ಬಹುತೇಕ ಸಕ್ಕರೆ ರೋಗಿಗಳು ಈ ಹಣ್ಣನ್ನು ಸೇವಿಸುತ್ತಾರೆ. ಮೂರು ಟನ್ ಪ್ರಮಾಣದ ಹಣ್ಣು ಕೇವಲ ಅರ್ಧ ಗಂಟೆಯಲ್ಲಿ ವಹಿವಾಟು ನಡೆದು ಗಮನ ಸೆಳೆಯಿತು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry