ನಡುನೀರಿನಲ್ಲಿ ನಡುವನಹಳ್ಳಿ ಕಾಲೊನಿ ಜನರ ಸ್ಥಿತಿ

ಬುಧವಾರ, ಜೂನ್ 19, 2019
31 °C

ನಡುನೀರಿನಲ್ಲಿ ನಡುವನಹಳ್ಳಿ ಕಾಲೊನಿ ಜನರ ಸ್ಥಿತಿ

Published:
Updated:

ಚಿಕ್ಕನಾಯಕನಹಳ್ಳಿ: ರಸ್ತೆ ಇಲ್ಲ. ಚರಂಡಿ ಸೌಕರ್ಯವಿಲ್ಲ. ಕಾಲೊನಿ ಸುತ್ತ ಬೆಳೆದಿರುವ ಪೊದೆ, ವಿಷಜಂತುಗಳ ಕಾಟ... ಇದು ತಾಲ್ಲೂಕಿನ ಗೋಡೆಕೆರ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ನಡುವನಹಳ್ಳಿ ಪರಿಶಿಷ್ಟ ಕಾಲೊನಿಯ ಸ್ಥಿತಿ. ಕಾಲೊನಿ ನಡುವೆ ಇರುವ ಹಾಳುಬಾವಿ ಕಾಲೊನಿಯ ಸ್ಥಿತಿಯ ಸಂಕೇತ ಎನ್ನುವಂತಿದೆ.

‘ಮತ ಕೇಳಲು ಬಂದವರು ಚುನಾವಣೆಯಲ್ಲಿ ಗೆದ್ದ ನಂತರ ಇತ್ತ ತಿರುಗಿಯೂ ನೋಡಿಲ್ಲ. ಅಧಿಕಾರಿಗಳಿಗೆ ವಿಷಯ ಮುಟ್ಟಿಸಿದರೂ ನಿರ್ಲಕ್ಷಿಸುತ್ತಾರೆ’ ಎಂದು ದಲಿತರು ಆರೋಪಿಸುವರು.

ಪಾಳು ಬಾವಿಗೆ ಬಿದ್ದು ಹಲವರು ಕೈ ಕಾಲು ಮುರಿದುಕೊಂಡಿರುವ ಉದಾಹರಣೆಗಳು ಇವೆ. ಬಾವಿಯನ್ನು ಮುಚ್ಚುವಂತೆ ಇಲ್ಲವೆ ಸುರಕ್ಷಾ ಗೋಡೆ ನಿರ್ಮಿಸುವಂತೆ ಹಲವು ಬಾರಿ ಪಂಚಾಯಿತಿಗೆ ಮನವಿ ಮಾಡಿದ್ದರೂ ಪ್ರಯೋಜನವಾಗಿಲ್ಲ ಎಂದು ಜನರು ದೂರುವರು.

ಕಾಲೊನಿಯಲ್ಲಿ ಒಳ ಚರಂಡಿ ವ್ಯವಸ್ಥೆಯೇ ಇಲ್ಲ. ತೀವ್ರವಾಗಿ ಹರಡಿರುವ ಕಳ್ಳಿ ಪೊದೆಗಳನ್ನು ತೆರವುಗೊಳಿಸಿಲ್ಲ. ಪರಿಶಿಷ್ಠ ಜಾತಿ ಜನರೇ ವಾಸ ಮಾಡುತ್ತಿರುವ ‌ಕಾಲೊನಿಯನ್ನು ಪಂಚಾಯಿತಿ ಕಡೆಗಣಿಸಿದೆ ಎಂದು ಜನರು ಆರೋಪಿಸುವರು.

‘ಸಮಸ್ಯೆ ಬಗ್ಗೆ ಜನರು ಹೇಳಿಕೊಂಡಿದ್ದರು. ನಾವು ಭೇಟಿ ನೀಡಿ ಪರಿಶೀಲಿಸಿದೆವು. ತಾಲ್ಲೂಕಿನ ಹಲವು ಕಾಲೊನಿಗಳು ಇದೇ ಸ್ಥಿತಿಯಲ್ಲಿವೆ ಇವೆ’ ಎಂದು ದಲಿತ ಸಂಘರ್ಷ ಸಮಿತಿ ಮುಂಖಡ ಲಿಂಗದೇವರು ದೂರುವರು.

‘ಇಲ್ಲಿ ಡೆಂಗಿ, ಮಲೇರಿಯಾ ಉಲ್ಭಣಿಸುತ್ತಿವೆ. ಮಳೆ ಬಂದು ಮನೆಗಳು ಬೀಳುವ ಹಂತದಲ್ಲಿವೆ. ಅಧಿಕಾರಿಗಳು ಗ್ರಾಮಕ್ಕೆ ಭೇಟಿ ನೀಡಿ ಸವಲತ್ತು ಒದಗಿಸಬೇಕು’ ಎಂದು ದಲಿತ ಮುಖಂಡ ಗೋ.ನಿ.ವಸಂತ ಕುಮಾರ್ ಆಗ್ರಹಿಸುವರು.

ಗ್ರಾಮದ ರುದ್ರಣ್ಣ ಮಾತನಾಡಿ, ‘ತಾಲ್ಲೂಕು ಪಂಚಾಯಿತಿ, ಗ್ರಾಮ ಪಂಚಾಯಿತಿ ಅಧ್ಯಕ್ಷರು ಈ ಭಾಗದವರೇ. ಆದರೂ ಇದುವರೆಗೂ ಗ್ರಾಮಕ್ಕೆ ಭೇಟಿ ನೀಡಿ ಸಮಸ್ಯೆ ಪರಿಹರಿಸಿಲ್ಲ. ಯಾರಿಗೂ ಗಂಗಾಕಲ್ಯಾಣ ಯೋಜನೆ ಭಾಗ್ಯ ದೊರಕಿಲ್ಲ’ ಎಂದರು. ಜೆ.ಸಿ.ಪುರ ಗೋವಿಂದರಾಜು, ಪಿ.ಕೃಷ್ಣಮೂರ್ತಿ ಕಾಲೊನಿಗೆ ಭೇಟಿ ನೀಡಿದ ತಂಡದಲ್ಲಿ ಇದ್ದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry