ಮುಂಬೈ: ಮಧ್ಯಪ್ರದೇಶದ ವಿಕೆಟ್ ಕೀಪರ್‌ ಬ್ಯಾಟ್ಸ್‌ಮನ್‌ ನಮನ್ ಓಜಾ ಶ್ರೀಲಂಕಾ ವಿರುದ್ಧದ ಎರಡು ದಿನಗಳ ಅಭ್ಯಾಸ ಪಂದ್ಯದಲ್ಲಿ ಆಡಲಿರುವ ಮಂಡಳಿ ಅಧ್ಯಕ್ಷರ ಇಲೆವನ್ ತಂಡಕ್ಕೆ ಸಾರಥ್ಯ ವಹಿಸಲಿದ್ದಾರೆ.
ಕೋಲ್ಕತ್ತದಲ್ಲಿ ನವೆಂಬರ್‌ 11ರಿಂದ ಪಂದ್ಯ ನಡೆಯಲಿದೆ. ಹೈದರಾಬಾದ್, ಕೇರಳ, ಮಧ್ಯಪ್ರದೇಶ ಹಾಗೂ ಪಂಜಾಬ್‌ ರಾಜ್ಯಗಳ 13 ಆಟಗಾರರು ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ.
‘ರಣಜಿ ಟ್ರೋಫಿಯಲ್ಲಿ ಆಟಗಾರರು ರಾಜ್ಯಕ್ಕಾಗಿ ಆಡುತ್ತಿದ್ದಾರೆ. ಆದ್ದರಿಂದ ಯುವ ಆಟಗಾರರಿಗೆ ತಂಡದಲ್ಲಿ ಹೆಚ್ಚು ಮನ್ನಣೆ ನೀಡಲಾಗಿದೆ’ ಎಂದು ಭಾರತ ‘ಎ’ ಹಾಗೂ 19 ವರ್ಷದೊಳಗಿನವರ ತಂಡದ ಕೋಚ್ ರಾಹುಲ್ ದ್ರಾವಿಡ್ ಹೇಳಿದ್ದಾರೆ.
ತಂಡ ಇಂತಿದೆ: ನಮನ್ ಓಜಾ (ನಾಯಕ, ವಿಕೆಟ್ ಕೀಪರ್‌), ಸಂಜು ಸ್ಯಾಮ್ಸನ್‌, ಜಿಲ್ವಂಜ್ಯೋತ್ ಸಿಂಗ್‌, ಬಿ. ಸಂದೀಪ್‌, ತನ್ಮಯ್‌ ಅಗರವಾಲ್‌, ಅಭಿಷೇಕ್‌ ಗುಪ್ತಾ, ರೋಹನ್ ಪ್ರೇಮ್‌, ಅಕಾಶ್‌ ಭಂಡಾರಿ, ಜಲಜ್‌ ಸಕ್ಸೇನಾ, ಚಾಮ ಮಿಲಿಂದ್, ಅವೇಶ್ ಖಾನ್‌, ಸಂದೀಪ್‌ ವಾರಿಯರ್‌, ರವಿ ಕಿರಣ್‌.
