ಬಸ್ ಡಿಪೊ: ಇನ್ನೂ ನನಸಾಗದ ಕನಸು

ಬುಧವಾರ, ಜೂನ್ 19, 2019
28 °C

ಬಸ್ ಡಿಪೊ: ಇನ್ನೂ ನನಸಾಗದ ಕನಸು

Published:
Updated:

ಹುನಗುಂದ : ಮೂರು ದಶಕಗಳ ಬೇಡಿಕೆಯ ಇಲ್ಲಿನ ಬಸ್ ಡಿಪೊ ಕಾರ್ಯಾರಂಭದ ಕನಸು ನನಸು ಇನ್ನೂ ನನಸಾಗಿಲ್ಲ. ಕಾಮಗಾರಿ ಮುಕ್ತಾಯದ ಹಂತಕ್ಕೆ ಬಂದಿದೆ ಎಂದು ಸಾರಿಗೆ ಸಂಸ್ಥೆ ಅಧಿಕಾರಿಗಳು ಹೇಳುತ್ತಾರೆ. ಮೊದಲ ದಿನದಿಂದಲೂ ಕುಂಟುತ್ತಲೇ ಸಾಗಿಬಂದ ಕಾಮಗಾರಿ ಹೊಸ ವರ್ಷದ ವೇಳೆಗಾದರೂ ಪೂರ್ಣಗೊಳ್ಳಲಿದೆಯೇ ಎಂಬುದು ಸ್ಥಳೀಯರ ಪ್ರಶ್ನೆ.

ಆರಂಭದಲ್ಲಿ ಕಾಮಗಾರಿ ತೀವ್ರತೆ ಪಡೆದು ಕಾಂಪೌಂಡ್ ಗೋಡೆಯ ಕಾಮಗಾರಿ ಮುಗಿದಿತ್ತು, ಈ ಮಧ್ಯೆ ಕೆಲವರು ನ್ಯಾಯಾಲಯದ ಮೊರೆ ಹೋಗಿದ್ದರು. ಇದರಿಂದ ಕಾಮಗಾರಿ ಸ್ಥಗಿತಗೊಂಡಿತ್ತು. ಕೊನೆಗೆ ನ್ಯಾಯಾಲಯದಲ್ಲಿ ಪ್ರಕರಣ ಇತ್ಯರ್ಥಗೊಂಡು ಕಾಮಗಾರಿ ಮತ್ತೆ ಆರಂಭವಾಗಿದೆ.

ಇದನ್ನು ಡಾ.ಡಿ.ಎಂ.ನಂಜುಂಡಪ್ಪ ಹಿಂದುಳಿದ ಪ್ರದೇಶಾಭಿವೃದ್ಧಿ ಯೋಜನೆಯಲ್ಲಿ ₨5 ಕೋಟಿ ಅನುದಾನದಲ್ಲಿ ನಿರ್ಮಿಸಲಾಗುತ್ತಿದೆ. ಈಗ ಕಂಪೌಂಡ್, ಮುಖ್ಯ ಕಟ್ಟಡ, ವರ್ಕ್ ಶೆಡ್, ಉಪಕರಣ ಮತ್ತು ಇತರ ವಸ್ತುಗಳ ಸಂಗ್ರಹ ಕಟ್ಟಡ ನಿರ್ಮಿಸಲಾಗುತ್ತಿದೆ.

ಇನ್ನು ಇಂಧನ ಸಂಗ್ರಹ ಘಟಕ, ಬಸ್ ಸ್ವಚ್ಛತಾ ಘಟಕ, ಸುರಕ್ಷತಾ ಕೋಣೆ, ನೆಲಹಾಸು ನಿರ್ಮಾಣ ಮತ್ತು ಜನರೇಟರ್ ಕೋಣೆ ಕಾಮಗಾರಿಗಳು ಪ್ರಗತಿಯಲ್ಲಿವೆ. ಆರಂಭವಾದ ದಿನದಿಂದಲೇ ಸುಮಾರು 70 ಮಾರ್ಗಗಳಿಗೆ ಈ ಘಟಕದಿಂದ ಬಸ್‌ ಹೊರಡುತ್ತವೆ.

ಅಲ್ಲದೇ ಬಸ್ ನಿಲ್ದಾಣದ ಅಭಿವೃದ್ಧಿ, ಅದರ ಮೇಲೆ ನಿರ್ಮಿಸುವ ವಸತಿ ಗೃಹ ಮತ್ತು ನಿರ್ವಾಹಕರು ಮತ್ತು ಚಾಲಕರ ವಿಶ್ರಾಂತಿ ಗೃಹಗಳ ನಿರ್ಮಾಣ ಕಾರ್ಯವನ್ನು ಕೈಗೆತ್ತಿಕೊಳ್ಳಲಾಗುತ್ತಿದೆ. ಅದಕ್ಕೂ ಅನುದಾನ ಮಂಜೂರಿಯಾಗಿದೆ ಎಂದು ಇಲಾಖೆ ಮೂಲಗಳು ತಿಳಿಸಿವೆ.

‘ಕಾಮಗಾರಿ ಇನ್ನಷ್ಟು ತೀವ್ರಗತಿಯಲ್ಲಿ ನಡೆದು ಈ ಭಾಗದ ಜನರಿಗೆ ಅದರ ಲಾಭ ಸಿಗುವಂತಾಗಬೇಕು’ ಎಂದು ಇಲ್ಲಿನ ನಾಗರಿಕ ಸೇವಾ ಸುಧಾರಣಾ ಸಮಿತಿ ಪ್ರಧಾನ ಕಾರ್ಯದರ್ಶಿ ಜಿ.ಬಿ. ಕಂಬಾಳಿಮಠ ಹೇಳುತ್ತಾರೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry