ವಾಷಿಂಗ್ಟನ್ (ಎಎಫ್‌ಪಿ): ಲೂಸಿಯಾನದ ಗ್ರಾಂಬ್ಲಿಂಗ್ ವಿಶ್ವವಿದ್ಯಾಲಯದಲ್ಲಿ ಶೂಟೌಟ್ ನಡೆದಿದ್ದು, ಬಂದೂಕುಧಾರಿಯೊಬ್ಬ ವಿದ್ಯಾರ್ಥಿ ಹಾಗೂ ಆತನ ಸ್ನೇಹಿತನನ್ನು ಹತ್ಯೆ ಮಾಡಿದ್ದಾನೆ.
ವಿಶ್ವವಿದ್ಯಾಲಯದ ಹೊರಭಾಗದಲ್ಲಿ ಮಧ್ಯರಾತ್ರಿ ಶೂಟೌಟ್ ನಡೆದಿದೆ. ಬಂದೂಕುಧಾರಿ ನಾಪತ್ತೆಯಾಗಿದ್ದಾನೆ ಎಂದು ಗ್ರಾಂಬ್ಲಿಂಗ್ ಪೊಲೀಸರು ತಿಳಿಸಿದ್ದಾರೆ.
ಮೃತರನ್ನು ಗ್ರಾಂಬ್ಲಿಂಗ್ ವಿಶ್ವವಿದ್ಯಾಲಯದ ವಿದ್ಯಾರ್ಥಿ ಅರ್ಲ್ ಆ್ಯಂಡ್ರ್ಯೂಸ್ (23) ಹಾಗೂ ಆತನ ಸ್ನೇಹಿತ ಮ್ಯಾಂಕ್ವಿರಿಯಸ್ ಕಾಲ್ಡ್‌ವೆಲ್ (23) ಎಂದು ಗುರುತಿಸಲಾಗಿದೆ. ಇಬ್ಬರೂ ಲೂಸಿಯಾನದ ಫಾರ್ಮ್‌ವಿಲ್ಲೆಯವರು ಎಂದು ಪೊಲೀಸ್ ವಕ್ತಾರ ವಿಲ್‌ ಸಟನ್ ತಿಳಿಸಿದ್ದಾರೆ.
