ಕುಟುಂಬ ಒಡೆತನದ ಉದ್ದಿಮೆ ಮೂರನೇ ಸ್ಥಾನದಲ್ಲಿ ಭಾರತ

ಸೋಮವಾರ, ಜೂನ್ 17, 2019
25 °C

ಕುಟುಂಬ ಒಡೆತನದ ಉದ್ದಿಮೆ ಮೂರನೇ ಸ್ಥಾನದಲ್ಲಿ ಭಾರತ

Published:
Updated:

ನವದೆಹಲಿ: ದೇಶಿ ಷೇರುಪೇಟೆಯಲ್ಲಿ ವಹಿವಾಟು ನಡೆಸುವ ಉದ್ದಿಮೆಗಳ ಪೈಕಿ 108 ಕಾರ್ಪೊರೇಟ್‌ಗಳು ಕುಟುಂಬದ ಒಡೆತನದಲ್ಲಿ ಇವೆ.

ಈ ವಿಷಯದಲ್ಲಿ ಭಾರತ ವಿಶ್ವದಲ್ಲಿ ಮೂರನೇ ಸ್ಥಾನದಲ್ಲಿ ಇದೆ. ಇಂತಹ 167 ಉದ್ದಿಮೆಗಳನ್ನು ಹೊಂದಿರುವ ಚೀನಾ ಎರಡನೆ ಸ್ಥಾನದಲ್ಲಿ ಮತ್ತು ಅಮೆರಿಕ (121) ಮೂರನೇ ಸ್ಥಾನದಲ್ಲಿ ಇವೆ.

ಕುಟುಂಬದ ನಿಯಂತ್ರಣದಲ್ಲಿ ಇರುವ ಭಾರತದ ಉದ್ದಿಮೆ ಸಂಸ್ಥೆಗಳು ಹೆಚ್ಚು ಪ್ರಬುದ್ಧತೆ ಹೊಂದಿವೆ ಎಂದು ವರದಿಯಲ್ಲಿ ಅಭಿಪ್ರಾಯಪಡಲಾಗಿದೆ. ಶೇ 60 ರಷ್ಟು ಉದ್ದಿಮೆಗಳು ಸದ್ಯಕ್ಕೆ ಮೂರನೇ ತಲೆಮಾರಿನ ನಿಯಂತ್ರಣದಲ್ಲಿ ಇವೆ. ಇಂತಹ ಉದ್ದಿಮೆಗಳ ಹಣಕಾಸು ಸಾಧನೆಯು, ವೃತ್ತಿಪರರ ಒಡೆತನದಲ್ಲಿ ಇರುವ ಉದ್ದಿಮೆಗಳಿಗಿಂತ ಉತ್ತಮವಾಗಿದೆ. ಈ ಉದ್ದಿಮೆಗಳು ದೀರ್ಘಾವಧಿ ಬೆಳವಣಿಗೆ ಮೇಲೆ ಹೆಚ್ಚು ಆದ್ಯತೆ ನೀಡಿರುತ್ತವೆ. ಷೇರುಗಳ ಗಳಿಕೆಯಲ್ಲಿಯೂ ಇವುಗಳ ಸಾಧನೆ ಉತ್ತಮವಾಗಿರಲಿದೆ. ಭವಿಷ್ಯದಲ್ಲಿನ ವರಮಾನ ಬೆಳವಣಿಗೆ ವಿಷಯದಲ್ಲಿಯೂ ಇವುಗಳ ಸಾಧನೆ ಆಶಾದಾಯಕವಾಗಿದೆ.

ಕ್ರೆಡಿಟ್‌ ಸೂಸ್ಸೆ ರಿಸರ್ಚ್‌ ಇನ್‌ಸ್ಟಿಟ್ಯೂಟ್‌ನ (ಸಿಎಸ್‌ಆರ್‌ಐ) ವರದಿ ಪ್ರಕಾರ, ಇಂತಹ ಉದ್ದಿಮೆ ಸಂಸ್ಥೆಗಳ ₹ 42,250 ಕೋಟಿಗಳಷ್ಟು ಸರಾಸರಿ ಮಾರುಕಟ್ಟೆ ಬಂಡವಾಳ ಆಧರಿಸಿ ಭಾರತವು ಏಷ್ಯಾ ಪೆಸಿಫಿಕ್‌ ಪ್ರದೇಶದಲ್ಲಿ 5ನೇ ಮತ್ತು ಜಾಗತಿಕ ಮಟ್ಟದಲ್ಲಿ 22 ಸ್ಥಾನದಲ್ಲಿ ಇದೆ.

ಸರಾಸರಿ ಮಾರುಕಟ್ಟೆ ಬಂಡವಾಳ ಆಧರಿಸಿದ ಕಾರ್ಪೊರೇಟ್‌ಗಳ ಶ್ರೇಯಾಂಕದಲ್ಲಿ ಸಿರಿವಂತ ದೇಶಗಳ ಪಾಲು ಹೆಚ್ಚಿಗೆ ಇದೆ. ಕುಟುಂಬದ ನಿಯಂತ್ರಣದಲ್ಲಿ ಇರುವ ಕಾರ್ಪೊರೇಟ್‌ಗಳ ಸರಾಸರಿ ಮಾರುಕಟ್ಟೆ ಬಂಡವಾಳವು ಸ್ಪೇನ್‌ನಲ್ಲಿ ಗರಿಷ್ಠ ಪ್ರಮಾಣದಲ್ಲಿ ಇದೆ. ನಂತರದ ಸ್ಥಾನದಲ್ಲಿ ನೆದರ್ಲೆಂಡ್‌, ಜಪಾನ್‌ ಮತ್ತು ಸ್ವಿಟ್ಜರ್ಲೆಂಡ್‌ಗಳಿವೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry