ಬ್ರ್ಯಾಂಡ್‌ಮೌಲ್ಯ: ಮೆಸ್ಸಿ ಹಿಂದಿಕ್ಕಿದ ಕೊಹ್ಲಿ

ಫೋಬ್ಸ್‌ ನಿಯತಕಾಲಿಕೆಯು ನಡೆಸಿದ ಸಮೀಕ್ಷೆಯ ಪಟ್ಟಿಯ ಅಗ್ರ ಹತ್ತು ಕ್ರೀಡಾಪಟುಗಳ ವಿಭಾಗದಲ್ಲಿ ಕೊಹ್ಲಿ ಏಳನೇ ಸ್ಥಾನದಲ್ಲಿದ್ದಾರೆ. ರೋರಿ ಮೆಕ್ಲೋರಿ ಎಂಟು ಹಾಗೂ ಮೆಸ್ಸಿ 9ನೇ ಸ್ಥಾನದಲ್ಲಿದ್ದಾರೆ. ಕೊಹ್ಲಿ ಅವರು ₹ 94 ಕೋಟಿ; ರೋರಿ ₹ 88 ಕೋಟಿ, ಮೆಸ್ಸಿ ₹ 87.75 ಕೋಟಿ ಹಾಗೂ ಹತ್ತನೇ ಸ್ಥಾನದಲ್ಲಿರುವ ಸ್ಟೀಫನ್ ಕರಿ ₹ 87.10 ಕೋಟಿ ಮೌಲ್ಯ ಹೊಂದಿದ್ದಾರೆ.

ಪಟ್ಟಿಯ ಮೊದಲ ಸ್ಥಾನದಲ್ಲಿರುವ ಟೆನಿಸ್ ತಾರೆ ರೋಜರ್ ಫೆಡರರ್‌ ₹ 241 ಕೋಟಿ; ಬ್ಯಾಸ್ಕೆಟ್‌ಬಾಲ್ ಆಟಗಾರ ಲಿಬಾರ್ನ್ ಜೇಮ್ಸ್‌ ₹ 217 ಕೋಟಿ, ಅಥ್ಲೀಟ್ ಉಸೇನ್ ಬೋಲ್ಟ್ ₹ 175 ಕೋಟಿ; ಫುಟ್‌ಬಾಲ್ ತಾರೆ ಕ್ರಿಸ್ಟಿಯಾನೊ ರೊನಾಲ್ಡೊ ₹139 ಕೋಟಿ; ಗಾಲ್ಫ್ ಆಟಗಾರ ಫೀಲ್ ಮಿಕೆಲ್‌ಸೆನ್ ₹ 127 ಕೋಟಿ; ಗಾಲ್ಫ್ ತಾರೆ ಟೈಗರ್ ವುಡ್ಸ್‌ ₹ 107 ಕೋಟಿ ಮೌಲ್ಯ ಹೊಂದಿದ್ದಾರೆ.

ಇದರಲ್ಲಿ ಆಟಗಾರರ ವೇತನ, ಪಂದ್ಯದ ಸಂಭಾವನೆ, ಹೂಡಿಕೆಯ ಆದಾಯಗಳು ಸೇರಿಲ್ಲ.