ಗ್ರೀಸ್ ಮೂಲದ ಕೇಶ ವಿನ್ಯಾಸಕ ಕಾನ್ಸ್ಟಾಂಟಿನೋಸ್ ಕೌಟೂಪಿಸ್ ಎಂಬುವವರು 47.17 ಸೆಕೆಂಡ್ನಲ್ಲಿ ಕೂದಲು ಕತ್ತರಿಸಿ ಗಿನ್ನಿಸ್ ದಾಖಲೆ ಮಾಡಿದ್ದಾರೆ. ತಮ್ಮ ಪ್ರತಿಭೆ ತೋರಿಸಲು ಇತ್ತೀಚೆಗೆ ಕೂದಲು ಕತ್ತರಿಸುವ ಷೋವನ್ನು ಆಯೋಜಿಸಿದ್ದರು. ಇವರ ವೇಗವನ್ನು ನೋಡಿ ನೆರದಿದ್ದವರು ಆಶ್ಚರ್ಯಗೊಂಡರು. ಇಂದಿನ ಟ್ರೆಂಡ್ ಆಗಿರುವ ಕುತ್ತಿಗೆಯ ಹಿಂಭಾಗಕ್ಕೆ ಮೊನಚಾದ ಕೇಶವಿನ್ಯಾಸವನ್ನು ಇವರು ಮಾಡಿದರು.
ಟ್ರಿಮ್ಮರ್ ಮೂಲಕ ನೆತ್ತಿಯ ಭಾಗದಲ್ಲಿ ಕೂದಲನ್ನು ಕತ್ತರಿಸಿ, ಕಿವಿ ಹಾಗೂ ಕತ್ತಿನ ಮೇಲೆ ಗಿಡ್ಡವಾಗಿಸಿದ್ದಾರೆ. ಈ ವಿನ್ಯಾಸ ಮಾಡಲು ಕತ್ತರಿ ಬಳಸಿದರೆ ಅರ್ಧ ಗಂಟೆಯಾದರೂ ಬೇಕಾಗುತ್ತದೆ. ಕೇಶ ವಿನ್ಯಾಸಕ ಕೌಟೂಪಿಸ್ ಟ್ರಿಮ್ಮರ್ ಮೂಲಕ ಅತಿ ವೇಗದಲ್ಲಿ ಕೂದಲನ್ನು ಕತ್ತರಿಸಿದ್ದಾರೆ.
ಫ್ಯಾಷನ್ ಷೋಗಳಲ್ಲಿ ಭಾಗವಹಿಸುವ ರೂಪದರ್ಶಿಗಳಿಗೆ ಹಾಗೂ ಸಿನಿಮಾ ನಟರಿಗೆ ಈ ಸೌಲಭ್ಯ ಹೆಚ್ಚು ಉಪಯೋಗವಾಲಿದೆಯಂತೆ.