ಸೋಮವಾರ, ಮಾರ್ಚ್ 1, 2021
31 °C

ಹಿಮಾಲಯದಲ್ಲಿ ನಮ್ಮ ಬಾವುಟ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಹಿಮಾಲಯದಲ್ಲಿ ನಮ್ಮ ಬಾವುಟ

ಹಿಮಾಲಯದಲ್ಲಿ ಕನ್ನಡ ಬಾವುಟ ಹಾರಿಸಿದ್ರಿ...

ಇದೇನು ಬಹಳ ದೊಡ್ಡ ಸಾಧನೆ ಅಲ್ಲ. ಹಿಮಾಲಯಕ್ಕೆ ನಾನೊಬ್ಬಳೆ ಹೋದದ್ದೂ ಅಲ್ಲ. ನಮ್ಮ ಗುಂಪಿನ ಕೆಲವು ಸದಸ್ಯರೂ ಇದ್ದರು. ಎಲ್ಲಿ ಹೋದರೂ ನಾವು ಕನ್ನಡದ ಭಾವ ಹೊತ್ತುಕೊಂಡೇ ಹೋಗುತ್ತೇವೆ ಅಲ್ಲವೆ. ಈ ಭಾವವೇ ನಾನು ಕನ್ನಡ ಧ್ವಜ ಹಾರಿಸಲು ಮುಖ್ಯ ಪ್ರೇರಣೆ. ಪ್ರವಾಸಕ್ಕೆಂದು ಬಂದ ಹಲವು ಕನ್ನಡಿಗರು ನಮ್ಮ ಶರ್ಟ್‌ ನೋಡಿ, ನಮ್ಮನ್ನು ಗುರುತಿಸಿ, ಮಾತನಾಡಿಸಿದರು. ಇವೆಲ್ಲವೂ ನಮ್ಮ ಸಂತಸದ ಕ್ಷಣಗಳು. ನನ್ನ ಕಾಲಿನ ನೋವಿನ ಮಧ್ಯೆಯೂ ನಾನು ಹಿಮಾಲಯ ಏರಿದೆ. ಕನ್ನಡವನ್ನು ಪ್ರತಿನಿಧಿಸುವುದೇ ಹೆಮ್ಮೆ .ಅದರ ಜತೆ ಕನ್ನಡ ಬಾವುಟದ ಗಮ್ಮತ್ತೇ ಬೇರೆ. ಅದನ್ನು ಸುಮ್ಮನೆ ಅನುಭವಿಸಬೇಕಷ್ಟೇ. ಪದಗಳಲ್ಲಿ ಹೇಳಲು ಆಗುವುದಿಲ್ಲ.

ಫೇಸ್‌ಬುಕ್‌ನಲ್ಲಿ ನಿಮ್ಮ ‘3ಕೆ’ ಗುಂಪಿಗೆ ಪ್ರತಿಕ್ರಿಯೆ ಹೇಗಿದೆ?

ಹೌದು. ಆದರೆ ಅನೇಕರು ನಮ್ಮ ಗುಂಪಿಗೆ ಸೇರಿದ ಮೇಲೆ ಬರೆಯಲು ಆರಂಭಿಸಿದರು. 'ಇಲ್ಲಿ ಎಷ್ಟೊಂದು ಜನ ಬರೆಯುತ್ತಾರೆ. ನಾವೂ ಏಕೆ ಬರೆಯಬಾರದು ಎನಿಸಿ, ಬರೆಯಲು ಆರಂಭಿಸಿದೆವು' ಎಂದೆಲ್ಲಾ ನನ್ನ ಬಳಿ ಹೇಳಿಕೊಂಡಿದ್ದಾರೆ. ಇಂಥ ಮಾತುಗಳನ್ನು ಕೇಳಿದಾಗ ಖುಷಿಯಾಗುತ್ತೆ. ಸಾರ್ಥಕತೆಯ ಭಾವ ಮೂಡುತ್ತೆ.

ಸಾಮಾಜಿಕ ಮಾಧ್ಯಮಗಳಲ್ಲಿ ಕನ್ನಡ...

ಫೇಸ್‌ಬುಕ್‌ನಲ್ಲಿ ಹಲವು ಕನ್ನಡ ಗುಂಪುಗಳಿವೆ. ‘ಬನ್ನಿ ಇತಿಹಾಸ ತಿಳಿಯೋಣ’, ‘ಪದಾರ್ಥ ಚಿಂತಾಮಣಿ’ ಹಾಗೂ ‘ವಾಗಾರ್ಥ’ ಗುಂಪುಗಳು ನಿಮಗೆ ಗೊತ್ತಿರಬಹುದು. ಯಾವುದೇ ಕನ್ನಡ ಪದದ ಅರ್ಥ, ಇತಿಹಾಸದ ಬಗ್ಗೆ ನಿಮಗೆ ಸಂದೇಹವಿದ್ದರೆ ನೀವು ನಿಮ್ಮ ಪ್ರಶ್ನೆಯನ್ನು ಪೋಸ್ಟ್ ಮಾಡಬಹುದು. ತಿಳಿದವರು ನಿಮ್ಮ ಪ್ರಶ್ನೆಗೆ ಉತ್ತರಿಸುತ್ತಾರೆ. ಸಂಶೋಧನೆ, ಭಾಷಾಶಾಸ್ತ್ರಕ್ಕೆ ಸಂಬಂಧಿಸಿದ ಚಟುವಟಿಕೆಗಳಿಂದ ಹೊಸ ತಲೆಮಾರಿನಲ್ಲಿ ಕವನ, ಕತೆಗಳಿಗೆ ಹೆಚ್ಚು ಆದ್ಯತೆ.

ರಾಜ್ಯೋತ್ಸವಕ್ಕೇನು ವಿಶೇಷ?

ಹೊಸ ತಲೆಮಾರಿನಲ್ಲಿ ಅಧ್ಯಯನಶೀಲತೆ ಹೆಚ್ಚಾಗಬೇಕು ಎನ್ನುವ ದೃಷ್ಟಿಯಿಂದ ಪ್ರತಿವರ್ಷ ‘ರಾಜ್ಯೋತ್ಸವ ಸಂಭ್ರಮ’ ಆಯೋಜಿಸುತ್ತೇವೆ. ಸಾಹಿತ್ಯಕ್ಕೆ ಸಂಬಂಧಿಸಿದ ಉಪನ್ಯಾಸಗಳು ನಡೆಯುತ್ತವೆ. ನ.26ಕ್ಕೆ ‘ಶಿಶುನಾಳ ಷರೀಫರ ತತ್ವಪದ’ಗಳ ಕುರಿತ ಕಾರ್ಯಕ್ರಮ ನಡೆಸಲಿದ್ದೇವೆ. ರಾಜ್ಯೋತ್ಸವದ ಅಂಗವಾಗಿ ಕವನ, ಕಥಾ ಸ್ಪರ್ಧೆಗಳನ್ನು ಆಯೋಜಿಸುತ್ತೇವೆ. ‘ದೇಶದ ಪ್ರಗತಿಯಲ್ಲಿ ಮಾಧ್ಯಮಗಳ ಪಾತ್ರ’ ಹಾಗೂ ‘ಮೀಸಲಾತಿ ಬೇಕೋ ಬೇಡವೋ’ ಎನ್ನುವುದರ ಕುರಿತು ಪ್ರಬಂಧ ಸ್ಫರ್ಧೆಯನ್ನು ಆಯೋಜಿಸಿದ್ದೇವೆ. ಯಾರು ಬೇಕಾದರೂ ಭಾಗವಹಿಸಬಹುದು.

ಸಾಹಿತ್ಯ ಚಟುವಟಿಕೆ...

ಈವರೆಗೆ ನಮ್ಮ ಗುಂಪಿನಿಂದ ಮೂರು ಪುಸ್ತಕಗಳನ್ನು ಬಿಡುಗಡೆ ಮಾಡಿದ್ದೇವೆ. ನಮ್ಮ ಗುಂಪಿನ 14 ಮಂದಿ ಒಂದು ಪುಸ್ತಕ ಹೊರತರಬೇಕು ಎಂದು ಯೋಚಿಸಿದೆವು. ಆ ಚಿಂತನೆಯ ಫಲುಶ್ರುತಿಯಾಗಿ ‘ಭಾವಸಿಂಚನ’, ‘ಶತಮಾನಂಭವತಿ’ ಕವನಸಂಕಲನಗಳು ಮತ್ತು ‘ಹೊಂಗೆ ಮರದಡಿ ನಮ್ಮ ನಿಮ್ಮ ಕತೆಗಳು’ ಕಥಾ ಸಂಕಲನ ಬಿಡುಗಡೆ ಮಾಡಿದೆವು. ‘ಪ್ರೀk' ಹೆಸರಿನ ಪ್ರಕಾಶನವನ್ನೂ ಮಾಡಿಕೊಂಡಿದ್ದೇವೆ. ರಾಜ್ಯದ ವಿವಿಧೆಡೆ ನಡೆಯುವ ಸಾಹಿತ್ಯ ಸಮ್ಮೇಳನಗಳ ಪುಸ್ತಕ ಮಳಿಗೆಗಳಲ್ಲಿ ಪುಸ್ತಕಗಳನ್ನು ಮಾರಾಟ ಮಾಡುತ್ತೇವೆ.

ಸಂಪರ್ಕಕ್ಕೆ: roopasatish1@gmail.com

ಸಂದರ್ಶನ: ಸುಕೃತ ಎಸ್‌.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.