ಬೀಜಿಂಗ್: ರಾಷ್ಟ್ರಗೀತೆಗೆ ಅಗೌರವ ತೋರಿದರೆ ಮೂರು ವರ್ಷದ ವರೆಗೆ ಶಿಕ್ಷೆಗೆ ವಿಧಿಸುವ ಹೊಸ ಕಾನೂನನ್ನು ಚೀನಾ ಶನಿವಾರ ಜಾರಿಗೆ ತಂದಿದೆ. ವಿಶೇಷ ಆಡಳಿತ ಹೊಂದಿರುವ ಹಾಂಕಾಂಗ್ ಮತ್ತು ಮಕಾವ್ನ ಪ್ರಾಂತಗಳಿಗೂ ಈ ಕಾಯಿದೆ ಅನ್ವಯವಾಗಲಿದೆ.
ದೇಶದ ಅಪರಾಧ ಕಾನೂನುಗಳಿಗೆ ತಿದ್ದುಪಡಿ ತರುವ ಆಡಳಿತ ಕಮ್ಯೂನಿಸ್ಟ್ ಪಕ್ಷದ ನಿರ್ಧಾರವನ್ನು ಚೀನಾದ ಸಂಸತ್ತು ಅಂಗೀಕರಿಸಿದೆ.
ಹಾಂಕಾಂಗ್ ಮತ್ತು ಮಕಾವ್ನ ವಿಶೇಷ ಆಡಳಿತವಿರುವ ಪ್ರಾಂತ್ಯಗಳಿಗೂ ಈ ಕಾನೂನು ಅನ್ವಯವಾಗಲಿದೆ ಎನ್ನುವ ಮಸೂದೆಗೂ ಸಂಸತ್ತು ಅನುಮೋದನೆ ನೀಡಿದೆ ಎಂದು ಸರ್ಕಾರಿ ಸ್ವಾಮ್ಯದ ಸುದ್ದಿಸಂಸ್ಥೆ ಕ್ಸಿನ್ಹುವಾ ವರದಿ ಮಾಡಿದೆ.