ಮುಂಬೈ: ಕ್ರಿಕೆಟ್‌ ಲೋಕದ ಮಿಂಚು ವಿರಾಟ್ ಕೊಹ್ಲಿ ಮತ್ತು ಬಾಲಿವುಡ್‌ ನಟಿ ಅನುಷ್ಕಾ ಶರ್ಮಾ ಅವರು ಹಸೆಮಣೆ ಏರಿದ ಸಂಭ್ರಮ ಅಭಿಮಾನಿಗಳಲ್ಲಿ ರೋಮಾಂಚನ ಸೃಷ್ಟಿಸಿತು. ನವಜೋಡಿಗೆ ವಿವಿಧ ಬಗೆಯಲ್ಲಿ ಶುಭ ಹಾರೈಸಿದರು.
ಕೊಹ್ಲಿ ಮತ್ತು ಅನುಷ್ಕಾ ಇಟಲಿಯ ಮಿಲಾನ್‌ನಲ್ಲಿ ಸೋಮವಾರ ವಿವಾಹಿತರಾಗಿದ್ದರು. ಈ ಮೂಲಕ ಅಭಿಮಾನಿಗಳ ಕುತೂಹಲಕ್ಕೆ ತೆರೆ ಎಳೆದಿದ್ದರು. ಭಾರತದ ಮುದ್ರಣ ಮಾಧ್ಯಮಗಳಲ್ಲಿ ಮಂಗಳವಾರ ಇದು ಮುಖಪುಟದ ಸುದ್ದಿಯಾಗಿತ್ತು. ಪತ್ರಿಕೆಗಳು ಈ ಮದುವೆಯನ್ನು ವಿವಿಧ ರೀತಿಯಲ್ಲಿ ಬಣ್ಣಿಸಿವೆ.
ಕೆಲವು ಪತ್ರಿಕೆಗಳು ‘ಕ್ಲೀನ್‌ ಬೌಲ್ಡ್‌’ ಎಂದು ಬರೆದಿದ್ದರೆ ಇನ್ನು ಕೆಲವು ಪತ್ರಿಗಳು ಈ ಜೋಡಿಯ ಹೊಸ ಇನಿಂಗ್ಸ್‌ ಆರಂಭವಾಗಿದೆ ಎಂದು ಬರೆದಿವೆ.
