6

ಮಾನವೀಯ ನೆಲೆಯಲ್ಲಿ ಭಾರತದ 291 ಮೀನುಗಾರರ ಬಿಡುಗಡೆ: ಪಾಕಿಸ್ತಾನ ಪ್ರಕಟಣೆ

Published:
Updated:
ಮಾನವೀಯ ನೆಲೆಯಲ್ಲಿ ಭಾರತದ 291 ಮೀನುಗಾರರ ಬಿಡುಗಡೆ: ಪಾಕಿಸ್ತಾನ ಪ್ರಕಟಣೆ

ಇಸ್ಲಾಮಾಬಾದ್‌: ಮಾನವೀಯ ನೆಲೆಯಲ್ಲಿ ಮುಂದಿನ ವಾರದ ನಂತರ ಎರಡು ಹಂತಗಳಲ್ಲಿ ಭಾರತದ ಒಟ್ಟು 291 ಮೀನುಗಾರರನ್ನು ಬಿಡುಗಡೆ ಮಾಡಲಾಗುವುದು ಎಂದು ಪಾಕಿಸ್ತಾನ ಹೇಳಿದೆ.

‘ಭಾರತದ 291 ಮೀನುಗಾರರನ್ನು ಬಿಡುಗಡೆಗೊಳಿಸಲು ಪಾಕಿಸ್ತಾನ ನಿರ್ಧರಿಸಿದೆ. ಸನ್ನಡತೆ ಕಾರಣದಿಂದ ಮಾನವೀಯ ನೆಲೆಯಲ್ಲಿ ಇದೇ ಡಿಸೆಂಬರ್‌ 29 ಹಾಗೂ 2018ರ ಜನವರಿ 8 ರಂದು ಎರಡು ಹಂತಗಳಲ್ಲಿ ವಾಘಾ ಗಡಿ ಪ್ರದೇಶದ ಮೂಲಕ ಬಿಡುಗಡೆ ಮಾಡಲಾಗುವುದು’ ಎಂದು ಪಾಕಿಸ್ತಾನ ವಿದೇಶಾಂಗ ಸಚಿವಾಲಯದ ವಕ್ತಾರ ‌ಡಾ.ಮೊಹಮದ್‌ ಫೈಸಾಲ್‌ ತಿಳಿಸಿದ್ದಾರೆ.

ಪಾಕಿಸ್ತಾನ ಮಾನವೀಯ ಸಮಸ್ಯೆಗಳನ್ನು ರಾಜಕೀಯವಾಗಿಸದೆ ಸುಗಮವಾಗಿ ಬಗೆಹರಿಸಬೇಕು ಎಂಬ ನಿಲುವನ್ನು ಹೊಂದಿದೆ ಎಂದು ಫೈಸಲ್‌ ಅಭಿಪ್ರಾಯಪಟ್ಟರು.

ಇದೇ ವರ್ಷದ ಅಕ್ಟೋಬರ್‌ನಲ್ಲಿ 68 ಮೀನುಗಾರರನ್ನು ಪಾಕಿಸ್ತಾನ ಬಿಡುಗಡೆ ಮಾಡಿತ್ತು.

ಭಾರತ ಹಾಗೂ ಪಾಕಿಸ್ತಾನ ಸ್ಪಷ್ಟವಾಗಿ ವಿವರಿಸಲ್ಪಟ್ಟ ಜಲಗಡಿಯನ್ನು ಹೊಂದಿಲ್ಲ. ಹೀಗಾಗಿ ಉಭಯ ದೇಶಗಳ ಮೀನುಗಾರರನ್ನು ಅಕ್ರಮವಾಗಿ ಗಡಿ ಪ್ರವೇಶಿಸಿದ ಆರೋಪದ ಮೇಲೆ ಬಂಧಿಸಲಾಗುತ್ತದೆ.

ಪಾಕಿಸ್ತಾನ ಸಾಗರ ಭದ್ರತಾ ಪಡೆಯ ವಕ್ತಾರರೊಬ್ಬರು, ಈ ವರ್ಷ ಭಾರತದ ಒಟ್ಟು 400 ಮೀನುಗಾರರನ್ನು ಬಂಧಿಸಿದ್ದೇವೆ ಎಂದು ಹೇಳಿದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry