ಮಂಗಳೂರು: ನಗರದ ಕೊಟ್ಟಾರ ಚೌಕಿ ಬಳಿ ಬುಧವಾರ ರಾತ್ರಿ ಹಲ್ಲೆಗೊಳಗಾಗಿದ್ದ ಆಕಾಶಭವನ ನಿವಾಸಿ ಅಹಮ್ಮದ್ ಬಶೀರ್ ಮೃತದೇಹನ್ನು ಕೂಳೂರಿನ ಮುಹಿಯುದ್ದೀನ ಜುಮ್ಮಾ ಮಸೀದಿಯಲ್ಲಿ ಸಾರ್ವಜನಿಕ ದರ್ಶನಕ್ಕೆ ಇಡಲಾಗಿದ್ದು ಮುಸ್ಲಿಮರು ದರ್ಶನ ಪಡೆಯುತ್ತಿದ್ದಾರೆ. ಬಶೀರ್ ಅವರ ಪುತ್ರ ಇರ್ಫಾನ್ ಅಬುದಾಬಿಯಿಂದ ಸಂಜೆ 6 ಗಂಟೆಗೆ ಕೂಳೂರಿಗೆ ಬಂದ ನಂತರ ಬಶೀರ್ ಅಂತ್ಯಕ್ರಿಯೆ ಸಂಜೆ 7 ಗಂಟೆಗೆ ನಡೆಯಲಿದೆ. ಸರತಿ ಸಾಲಿನಲ್ಲಿ ನಿಂತು ಮುಸ್ಲಿಮರು ಬಶೀರ್ ಅಂತಿಮ ದರ್ಶನ ಪಡೆಯುತ್ತಿದ್ದು, ಧಾರ್ಮಿಕ ವಿಧಿ ವಿಧಾನ ಶುರು ಮಾಡಲಾಗಿದೆ.