ಎಚ್1ಬಿ: ನೀತಿ ಯಥಾಸ್ಥಿತಿ ಭಾರತದ ಟೆಕಿಗಳು ನಿರಾಳ

4

ಎಚ್1ಬಿ: ನೀತಿ ಯಥಾಸ್ಥಿತಿ ಭಾರತದ ಟೆಕಿಗಳು ನಿರಾಳ

Published:
Updated:
ಎಚ್1ಬಿ: ನೀತಿ ಯಥಾಸ್ಥಿತಿ ಭಾರತದ ಟೆಕಿಗಳು ನಿರಾಳ

ವಾಷಿಂಗ್ಟನ್: ಎಚ್1ಬಿ ವೀಸಾ ಹೊಂದಿರುವವರು ದೇಶ ತೊರೆಯುವಂತೆ ಮಾಡುವ ಯಾವುದೇ ಪ್ರಸ್ತಾವವನ್ನು ಪರಿಗಣಿಸುವ ಉದ್ದೇಶ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ನೇತೃತ್ವದ ಆಡಳಿತಕ್ಕಿಲ್ಲ ಎಂದು ಅಧಿಕಾರಿಗಳು ಮಂಗಳವಾರ ತಿಳಿಸಿದ್ದಾರೆ. ಅಮೆರಿಕದಲ್ಲಿ ನೆಲೆಸಿರುವ ಭಾರತದ ಟೆಕಿಗಳಿಗೆ ಈ ನಿರ್ಧಾರ ಕೊಂಚ ಸಮಾಧಾನ ತಂದಿದೆ.

‘ಒಂದೊಮ್ಮೆ ಬಿಗಿ ನೀತಿ ಅನುಸರಿಸಿದರೂ ಉದ್ಯೋಗಿಗಳು ಒಂದು ವರ್ಷಕ್ಕೆ ವೀಸಾ ವಿಸ್ತರಿಸುವ ಬೇಡಿಕೆ ಸಲ್ಲಿಸಬಹುದು. ಅಮೆರಿಕ ಪೌರತ್ವ ಮತ್ತು ವಲಸೆ ಸೇವಾ ವಿಭಾಗವು (ಯುಎಸ್‌ಸಿಐಎಸ್) ವೀಸಾ ಅವಧಿ ವಿಸ್ತರಣೆ ಮಾಡಬಹುದು’ ಎಂದು ಯುಎಸ್‌ಸಿಐಎಸ್ ಮಾಧ್ಯಮ ಪ್ರತಿನಿಧಿ ಜೊನಾಥನ್ ವಾಷಿಂಗ್ಟನ್ ಅವರು ಹೇಳಿದ್ದಾರೆ.

ಎಚ್1ಬಿ ವೀಸಾ ಅವಧಿ ವಿಸ್ತರಣೆ ನಿಯಮಗಳನ್ನು ಬಿಗಿಗೊಳಿಸುವ ನಿರ್ಧಾರ ಪ್ರಕಟಿಸಿದ ಬೆನ್ನಲ್ಲೇ ಯುಎಸ್‌ಸಿಐಎಸ್‌ನಿಂದ ಈ ಹೇಳಿಕೆ ಹೊರಬಿದ್ದಿದೆ. ವೀಸಾ ನಿಯಮ ಬಿಗಿಗೊಳಿಸಿದರೆ ಅಂದಾಜು 7.5 ಲಕ್ಷ ಭಾರತೀಯರು ಅಮೆರಿಕ ತೊರೆಯುವ ಸಂದರ್ಭ ಎದುರಾಗುತ್ತಿತ್ತು.

ಈ ಪ್ರಸ್ತಾವಕ್ಕೆ ಹಲವು ಉದ್ಯಮ ಸಂಸ್ಥೆಗಳು ಮತ್ತು ಜನಪ್ರತಿನಿಧಿಗಳು ವಿರೋಧ ವ್ಯಕ್ತಪಡಿಸಿದ್ದರು. ‘ಅಧ್ಯಕ್ಷರ ಆಶಯದಂತೆ ಯುಎಸ್‌ಸಿಐಎಸ್ ಹಲವು ನಿಯಮಗಳನ್ನು ಅಳವಡಿಸಿಕೊಳ್ಳಲು ಮುಂದಾಗಿದೆ. ಆದರೆ ಯಾರದೋ ಒತ್ತಡಕ್ಕೆ ಒಳಗಾಗಿ ನಿಲುವು ಬದಲಿಸಲಾಗುತ್ತಿದೆ ಎಂಬುದು ಶುದ್ಧ ತಪ್ಪು’ ಎಂದು ಅವರು ಸ್ಪಷ್ಟಪಡಿಸಿದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry