ಗಾಂಧೀ ತಾತಾ ಇನ್ನೂ ಬಾರದೆ ಎಲ್ಲಿರುವೆ?

7

ಗಾಂಧೀ ತಾತಾ ಇನ್ನೂ ಬಾರದೆ ಎಲ್ಲಿರುವೆ?

Published:
Updated:
ಗಾಂಧೀ ತಾತಾ ಇನ್ನೂ ಬಾರದೆ ಎಲ್ಲಿರುವೆ?

ತಾತಾ ತಾತಾ ಆಗಸದಲ್ಲೇ

ಏಕೆ ನೀನು ನಿಂತೆ?

ಬರುತೇನೆಂದು ಹೋದೆಯಂತೆ!

ಬರಲಿಲ್ಲಲ್ಲಾ ಮತ್ತೆ?

ಇಂದಾದರೂ ಬಾ ಬಂದರೆ ನಿನಗೆ

ಕೊಡುವೆನು ಹೊಸ ಗಂಟೆ

ಕುಳಿತಿಹೆ ಚುಪು ಚುಪ್ ನಿನ್ನನೆ ಕಾಯುತ

ಮಾಡದೆ ಏನೂ ತಂಟೆ

ಬರೋಣವೆನಿಸಿದೆ, ಬರೋದು ಹೇಗೆ

ಗೊತ್ತೇ, ಆಗಸ ದೂರ

ಬಸ್ಸೂ ರೈಲೂ ಕಾರುಗಳಿಲ್ಲ

ವಿಮಾನ ತಲುಪೋದಿಲ್ಲ

ಬರುತೇನೆಂದರೆ ಬರುವುದು ಹೇಗೆ

ಹೇಳೇ ಪುಟ್ಟಿ ಪುಟಾಣೀ

ನನಗೂ ತರಲಿದೆ ನಿನಗಾಗೆಂದೇ

ಇಲ್ಲೀ ಬೆಳೆವ ಬಟಾಣೀ

ತಾತಾ ತಾತಾ ಒಂದು ಉಪಾಯ

ಮುಗಿಲ ಬಾಗಿಲಾ ತೆರೆದು

ಕರೆ ನನ್ನನ್ನು ಬಂದೇ ಎನ್ನು

ಬರುವೆನು ನಾನೂ ಹೊರಗೆ

ಆಗಸದಿಂದ ನಮ್ಮಂಗಳಕೆ

ಕೋಲನ್ನೂರಿ ನಿಲ್ಲು

ನಾನದನೇರಿ ಹ್ಹೆ ಹ್ಹೆ ಹ್ಹೇ

ಅಜ್ಜನ ಕೋಲಿದು ನನ್ನಯ ಕುದುರೇ

ಹಾಡುತ ಬರುವೆನು ಬಳಿಗೆ

ನೀ ಬಟಾಣಿಯ ಕೊಡು

ನಾ ಗಡಿಯಾರವನು

ಬಾನ ದಾರಿಯಲಿ ಗುಡುಗುಡು ಗುಮ್ಮಟ

ಹೇಳುತ ಸಾವಿರ ಕತೆಗಳನು

ಇಬ್ಬರೂ ಗಜ್ಜುಗ ಆಡೋಣ

ಆರಿಸಿ ತಾರೆಗಳನ್ನು

ಚಂದಿರ ಬೆಂಚಲಿ ಬಟಾಣಿ ತಿನ್ನುತ

ಟಿಕ್ ಟಿಕ್ ಗೆಳೆಯಾ ಹಾಡೋಣ

ಅಮ್ಮನು ಕರೆದರೆ ಓ ಓ ಎನ್ನದೆ

ಮೋಡದ ಮನೆಯಲಿ ಅಡಗೋಣ

ಆಹಾ! ಭೂ ನಕ್ಷತ್ರವು ನೀನು

ಇಲ್ಲಿಗೆ ಬಂದೆಯಾದಲ್ಲಿ

ಬರಿದಾಗುವುದು ಲೋಕದ ಮಡಿಲು,

ಒಣಗುವುದಲ್ಲಿನ ಕಡಲೂ

ಬಂದಾಯಿತು ನಾ, ಇದ್ದಾಯಿತು ಅಲ್ಲಿ

ಮುಗಿಸಿದೆ ಜನುಮದ ಆಟ

ಮುಗಿಸಿದ ಮೇಲೆ ಮುಗಿಯಿತು ತಾನೆ

ಜನನದಾಟದ ವೃತ್ತ?

ಆಡುವೆನೆಂದರೆ ನಿಯಮವೂ ಇಲ್ಲ

ಕರಕೊಂಬವರೂ ಇಲ್ಲ

ಹಂಬಲವಿರಲಿ, ಹಂಬಲವಾಗಿಯೆ

ನಿಜವಾದರೆ ಅದು ವ್ಯರ್ಥ

ಎಲ್ಲೆಲ್ಲಿರುವೆವೊ ಅಲ್ಲಲ್ಲಿಂದಲೇ

ಆಡುತಲಿರೋಣ ಮಗುವೇ

ನೀನಲ್ಲೆ ಇರು ಪುಟಾಣಿ ಪುಟ್ಟಾ,

ನಾನಿಲ್ಲೇ ಇರುವೆ

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry