ನಾಯಕ– ನಾಯಕಿಯ ನಡುವಿನ ಪ್ರೀತಿ, ಅದಕ್ಕೆ ಅಡ್ಡಿಯಾಗುವ ಖಳನಾಯಕ, ಕಥೆ ಹೀಗೆ ಸಾಗುತ್ತಿರುವಾಗಲೇ ಅದಕ್ಕೆ ತಿರುವು ಕೊಡಲೆಂದು ಬರುವ ಮತ್ತೊಬ್ಬಳು ಹುಡುಗಿಯ ಸುತ್ತ ಈ ಚಿತ್ರ ಸುತ್ತುತ್ತದೆ. ‘ಮಹಿಳಾ ಪ್ರಧಾನ, ಸಸ್ಪೆನ್ಸ್ ಚಿತ್ರವಿದು’ ಎಂದು ನಿರ್ದೇಶಕ ಎ.ಎಸ್. ಮಧುಸೂದನ್ ಹೇಳಿದ್ದಾರೆ. ತೇಜು ಮೊದಲ ಬಾರಿಗೆ ನಾಯಕನಾಗಿ ನಟಿಸುವ ಪುಲಕದಲ್ಲಿದ್ದಾರೆ. ಸೋನೆಲ್ ಮಂತೆರೊ ನಾಯಕಿ. ಮತ್ತೊಬ್ಬ ನಾಯಕಿಯಾಗಿ ರಚನಾ ನಟಿಸಿದ್ದಾರೆ. ನಾಯಕಿಗಾಗಿ ಹಪಹಪಿಸುವ, ಅವಳನ್ನು ಹೇಗಾದರೂ ತನ್ನವಳನ್ನಾಗಿಸಿಕೊಳ್ಳಬೇಕು ಎಂದು ವಿಕೃತಗಳನ್ನು ಮಾಡುವ ಖಳನ ಪಾತ್ರದಲ್ಲಿ ಯಶಸ್ ಶೆಟ್ಟಿ ನಟಿಸಿದ್ದಾರೆ.