ಬೆಳ್ಳುಳ್ಳಿ ಬೆಲೆ ಕುಸಿತ: ರೈತ ಕಂಗಾಲು

ವಿಜಯಪುರ: ಬೆಳ್ಳುಳ್ಳಿ ರಾಶಿ ಮಾಡಿ ಮಾರುಕಟ್ಟೆಗೆ ತರುತ್ತಿರುವ ಹೊತ್ತಿಗೆ ಬೆಲೆ ಕುಸಿದಿದೆ. ಕನಿಷ್ಠ ದರ ಸಿಗುತ್ತಿರುವುದರಿಂದ ಬೆಳೆಗಾರರು ದಿಕ್ಕು ತೋಚದಂತಾಗಿದ್ದಾರೆ. ಎರಡು ತಿಂಗಳ ಹಿಂದೆ ಪ್ರತಿ ಕ್ವಿಂಟಲ್ಗೆ ₹ 10,000 ಆಸುಪಾಸಿನಲ್ಲಿದ್ದ ಧಾರಣೆ, ಇದೀಗ ಕೇವಲ ₹ 2,000ಕ್ಕೆ ಕುಸಿದಿದೆ.

. ‘ಮೂರ್ ವರ್ಸದ ಹಿಂದೆ ಬೆಳ್ಳುಳ್ಳಿ ಬೆಳೆಯಲಾರಂಭಿಸಿದ್ದೆವು. ಬೆಳಿ ಚಲೋ ಬಂದಿತ್ತು. ಧಾರಣೆಯೂ ಕೈಗತ್ತಿತ್ತು. ಆದ್ರ, ಈ ಬಾರಿ ಬೆಲೆ ಪಾತಾಳಕ್ಕೆ ಕುಸಿದೈತಿ. ಏನ್ ಮಾಡ್ಬೇಕು ಗೊತ್ತಾಗವಲ್ದಾಗೈತಿ’ ಎಂದು ಬಸವನಬಾಗೇವಾಡಿ ತಾಲ್ಲೂಕು ಹಂಚಿನಾಳ ಗ್ರಾಮದ ರೈತ ಸೋಮಶೇಖರ ಬಿರಾದಾರ ಅಲವತ್ತುಕೊಂಡರು. ‘ಮಾಡ್ದ ಖರ್ಚು ಹುಟ್ಟವಲ್ದು. ವಿಧಿಯಿಲ್ಲದೆ ಸ್ವಲ್ಪ, ಸ್ವಲ್ಪ ಮಾರಾಟ ಮಾಡಿನಿ.

. ಬೆಳಗಾವಿ ಮಾರುಕಟ್ಯಾಗ ಪ್ರತಿ ಕ್ವಿಂಟಲ್ಗೆ ₹ 1,800 ಸಿಕ್ಕರೆ, ನಿಡಗುಂದಿ ಮಾರುಕಟ್ಟೆಯಲ್ಲಿ ₹ 2,100 ಸಿಕ್ಕಿತ್ತು. ವಿಜಯಪುರದಲ್ಲಿ ₹ 1,800 ಸಿಕ್ತು. ಇದು ಯಾವುದಕ್ಕೂ ಸಾಲದು. ಕನಿಷ್ಠ ₹ 5000–6000 ಸಿಕ್ಕರೆ ಒಳ್ಳೆದ. ಇಲ್ಲದಿದ್ದರೆ, ಸೊಸೈಟಿ ಹಾಗೂ ಬ್ಯಾಂಕ್ ಸಾಲ ಮುಟ್ಸಕ್ಕಾಗಲ್ಲ. ಕಟ್ಟದಿದ್ರೆ ಬಡ್ಡಿ ಬೆಳೆಯುತ್ತೆ. ಬದುಕ ಹ್ಯಾಂಗ ಸಾಗಿಸ್ಬೇಕು ಎಂಬುದೇ ತಿಳಿದಂಗಾಗಿದೆ’ ಎಂದರು.

. ‘ಪ್ರತಿ ಕ್ವಿಂಟಲ್ ಬೀಜಕ್ಕೆ ₹ 12,000 ಆಗುತ್ತೆ. ಒಂದ್ ಎಕ್ರೆಗೆ ಮೂರು ಕ್ವಿಂಟಲ್ ಬೇಕಂದ್ರೂ ಕನಿಷ್ಠ ₹ 50,000 ಖರ್ಚು ಆಗ್ತದ. 30 ಕ್ವಿಂಟಲ್ ಉತ್ಪನ್ನ ಬಂದ್ರೆ, ಈಗಿನ ಧಾರಣೆಯಲ್ಲಿ ಬರೋಬ್ಬರಿ ₹ 60,000 ರೊಕ್ಕ ಸಿಗ್ಬಹುದು.

. ನಮ್ಮ ಕೂಲಿ ಸಹ ನೀಗಂಗಿಲ್ಲ’ ಎಂದು ನರಸಲಗಿಯ ಆನಂದಗೌಡ ಪಾಟೀಲ ತಿಳಿಸಿದರು. ‘ನರಸಲಗಿಯಲ್ಲಿ ಈ ಹಿಂದೆ ಹೆಚ್ಚಾಗಿ ಉಳ್ಳಾಗಡ್ಡಿ ಬೆಳಿತಿದ್ರು. ಬೆಲೆ ಏರಿಳಿತದ ಹೊಡೆತಕ್ಕೆ ಅಂಜಿ, ಬೆಳ್ಳುಳ್ಳಿ ಬೆಳೆಯಲು ಕೈಹಚ್ಚಿದವರೇ ಹೆಚ್ಚು. ಈ ಬಾರಿ ಬೆಳ್ಳುಳ್ಳಿ ಧಾರಣೆಯೂ ಉಲ್ಟಾ ಹೊಡೆದಿದೆ’ ಎಂದು ರೈತ ಶಂಕರಗೌಡ ಬಿರಾದಾರ ತಿಳಿಸಿದರು.

. ‘ರಾಜ್ಯದ ಏಳು ಜಿಲ್ಲೆಗಳ ವ್ಯಾಪ್ತಿಯಲ್ಲಿ ಬೆಳ್ಳುಳ್ಳಿ ಬೆಳೆಯ ಲಾಗುತ್ತಿದೆ. ಹಾವೇರಿಯಲ್ಲಿ ಗರಿಷ್ಠ ಪ್ರಮಾಣದಲ್ಲಿ ಬೆಳೆಯಲಾಗುತ್ತಿದೆ. ಚಾಮರಾಜನಗರ ಹಾಗೂ ಬೀದರ್ ಜಿಲ್ಲೆಗಳಲ್ಲಿಯೂ ಬೆಳೆಯಲಾಗುತ್ತದೆ. ಆದರೆ, ವ್ಯಾಪ್ತಿಯ ಪ್ರಮಾಣ ಕಡಿಮೆ’ ಎಂದು ತೋಟಗಾರಿಕೆ ಇಲಾಖೆಯ ಉಪ ನಿರ್ದೇಶಕ ಎಸ್.ಆರ್.ಕುಮಾರಸ್ವಾಮಿ ‘ಪ್ರಜಾವಾಣಿ’ಗೆ ತಿಳಿಸಿದರು.

. * *

. ಟ್ವೀಟರ್ ಮೂಲಕ ಪ್ರಧಾನಿ ಮೋದಿ, ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರಿಗೆ 10 ದಿನಗಳ ಹಿಂದೆಯೇ ಮನವಿ ಮಾಡಿರುವೆ. ಪ್ರತಿಕ್ರಿಯೆ ದೊರೆತಿಲ್ಲ ಸೋಮಶೇಖರ ಬಿರಾದಾರ, ಬೆಳೆಗಾರ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬೆಳ್ಳುಳ್ಳಿ ಬೆಲೆ ಕುಸಿತ: ರೈತ ಕಂಗಾಲು

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

Lord's Test | ಬಿರುಗಾಳಿಯಾದ ಬೂಮ್ರಾ; ಇಂಗ್ಲೆಂಡ್‌ಗೆ ದಿನದಾಟದ ಆರಂಭದಲ್ಲೇ ಆಘಾತ

ವಿದೇಶಿ ಪ್ರವಾಸಗಳಲ್ಲಿ ಕುಟುಂಬಸ್ಥರ ಉಪಸ್ಥಿತಿಗೆ ಮಿತಿ: ನಿಯಮ ಬೆಂಬಲಿಸಿದ ಗಂಭೀರ್

ಪ್ರತಿಭಾವಂತ ಟೆನಿಸ್ ಆಟಗಾರ್ತಿ ರಾಧಿಕಾ ಯಾದವ್ ಕೊಲೆಗೆ ಆ ವಿಡಿಯೊ ಕಾರಣವಾಯಿತೇ?

ಒಂದೇ ಓವರ್‌ನಲ್ಲಿ 2 ವಿಕೆಟ್; ಪ್ಯಾಟ್ ಕಮಿನ್ಸ್‌ ಸಲಹೆ ಸ್ಮರಿಸಿದ ನಿತೀಶ್

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ