7

ಮೊಬೈಲ್ ಬಳಸಿದರೆ ಎಚ್ಚರಿಸುವ ಕೇಸ್

Published:
Updated:
ಮೊಬೈಲ್ ಬಳಸಿದರೆ ಎಚ್ಚರಿಸುವ ಕೇಸ್

ವಾಹನ ಚಾಲನೆ ಮಾಡುವಾಗ ಮೊಬೈಲ್ ಬಳಕೆ ಅಪಾಯಕಾರಿ ಎಂಬುದು ಎಲ್ಲರಿಗೂ ಗೊತ್ತಿರುವ ವಿಷಯವೇ. ಆದರೆ ಹಾಗೆ ಗೊತ್ತಿದ್ದರೂ ಬಳಸುವವರ ಸಂಖ್ಯೆಯೇನೂ ಕಡಿಮೆಯಾಗಿಲ್ಲ. ಒಂದು ಕೈಯಲ್ಲಿ ಮೆಸೇಜ್ ಮಾಡುತ್ತಾ ಡ್ರೈವಿಂಗ್ ಮಾಡುವವರು ಎಷ್ಟೊಂದು ಮಂದಿ.

ಚಾಲನೆ ವೇಳೆ ಮೊಬೈಲ್ ಬಳಸಿದರೆ, ಕಾರು ಅಪಘಾತಕ್ಕೆ ತುತ್ತಾಗಬಹುದಾದ ಸಾಧ್ಯತೆಯು 23 ಪಟ್ಟು ಹೆಚ್ಚಿರುತ್ತದೆ. ಇದಕ್ಕೆ ಸಾಕ್ಷಿ ಎಂಬಂತೆ ಮೊಬೈಲ್‍ನಿಂದ ಸಂಭವಿಸುತ್ತಿರುವ ಅಪಘಾತ ಪ್ರಕರಣಗಳೂ ದಿನೇ ದಿನೇ ಹೆಚ್ಚುತ್ತಿವೆ. ಅದಕ್ಕೆಂದೇ ಫೋಕ್ಸ್ ವ್ಯಾಗನ್ ಸ್ವೀಡನ್ ಹಾಗೂ ನಾರ್ಡ್ ಡಿಡಿಬಿ ಹೊಸ ರೀತಿಯ ಮೊಬೈಲ್ ಕೇಸ್ ಸರಣಿಯನ್ನು ಹೊರತಂದಿದೆ.

ಈ ಮೊಬೈಲ್ ಕೇಸ್‍ನ ವಿನ್ಯಾಸಕ್ಕೆ ಬಳಸಿರುವುದು ಗುಜರಿ ಲೋಹವನ್ನು, ವಾಹನ ಚಾಲನೆ ಮಾಡುವಾಗ ಮೊಬೈಲ್ ಬಳಸಿದ ಕಾರಣದಿಂದಾಗಿ ಅಪಘಾತಕ್ಕೊಳಗಾದ ಕಾರುಗಳ ಲೋಹದಿಂದಲೇ ತಯಾರಿಸಲಾದ ಕೇಸ್‌ಗಳಿವು.

ಗೀರುಗಳಿರುವಂಥ, ನಜ್ಜುಗುಜ್ಜಾಗಿರುವಂತೆ ಇರುವ ಕೇಸ್ ಅನ್ನು ಡ್ರೈವಿಂಗ್ ಮಾಡುವಾಗ ನೋಡಿದಾಗ ಎಚ್ಚರಿಕೆ ಗಂಟೆಯಾಗಿ ಕೆಲಸ ಮಾಡುತ್ತದೆಯಂತೆ. ಅದನ್ನು ನೋಡಿದರೆ ಚಾಲಕರು ಮೊಬೈಲ್ ಬಳಸುವುದನ್ನು ತಪ್ಪಿಸುತ್ತಾರೆ ಎಂಬುದು ಇದರ ಹಿಂದಿನ ತರ್ಕ. ಲೋಹದ ಕಲಾಕಾರ ಲೆನ್ನರ್ಟ್ ವಿಂಟರ್ ಮಿರ್ ಜೊತೆಗೂಡಿ ಇಂಥ 153 ಕೇಸ್‍ಗಳನ್ನು ವಿನ್ಯಾಸಗೊಳಿಸಲಾಗಿದೆ. ಇದರ ಮಾರಾಟದಿಂದ ಬಂದ ಲಾಭವನ್ನು, ಅಪಘಾತ ಪ್ರಕರಣಗಳಲ್ಲಿ ಸಂತ್ರಸ್ತರಾದವರಿಗೆ ನೆರವಾಗುವ ಟ್ರಾಫಿಕ್‍ಸ್ಕೇಡ್‍ಫಾಂಡೆನ್‍ಗೆ ನೀಡಲಾಗಿದೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry