ನಮ್ಮಲ್ಲಿ ಹಲವರ ಹೆಸರು ತಮ್ಮ ಹುಟ್ಟೂರಿನ ಮತದಾರರ ಪಟ್ಟಿಯಲ್ಲಿ ನೋಂದಣಿ ಆಗಿರುತ್ತದೆ. ಆದರೆ ಅವರು ಉದ್ಯೋಗಾರ್ಥ ಬೇರೆ ಊರಿನಲ್ಲಿ ನೆಲೆಸಿರುತ್ತಾರೆ. ಇಂಥವರಲ್ಲಿ ಕೆಲವರು ಹಣ ಖರ್ಚು ಮಾಡಿಯಾದರೂ ಊರಿಗೆ ಬಂದು ಮತ ಚಲಾಯಿಸಿ ಹೋಗುತ್ತಾರೆ. ಆದರೆ ಎಲ್ಲರೂ ಮತದಾನಕ್ಕಾಗಿ ತಮ್ಮ ಜೇಬಿನಿಂದ ಹಣ ಖರ್ಚು ಮಾಡಲು ಸಿದ್ಧರಿರುವುದಿಲ್ಲ. ಆನ್ಲೈನ್ ಮತದಾನದ ವ್ಯವಸ್ಥೆ ಬಂದರೆ ಎಲ್ಲರೂ ಹಣವನ್ನು ವೆಚ್ಚ ಮಾಡದೆಯೇ ತಮ್ಮ ಹಕ್ಕು ಚಲಾಯಿಸಬಹುದು. ಸಮಯ, ಹಣದ ಉಳಿತಾಯದ ಜೊತೆಗೆ ಮತದಾನ ಪ್ರಮಾಣವೂ ಇದರಿಂದ ಹೆಚ್ಚುವುದು.