ಜೊಜಿಲಾ ಪಾಸ್ ಸುರಂಗಕ್ಕೆ ಪ್ರಧಾನಿ ಶಿಲಾನ್ಯಾಸ

7
ಜಮ್ಮು ಮತ್ತು ಕಾಶ್ಮೀರದ ಶ್ರೀನಗರ–ಲೇಹ್ ಮಧ್ಯೆ ಸಂಪರ್ಕ ಕಲ್ಪಿಸುವ ಪ್ರಮುಖ ಕಣಿವೆ ಹೆದ್ದಾರಿ

ಜೊಜಿಲಾ ಪಾಸ್ ಸುರಂಗಕ್ಕೆ ಪ್ರಧಾನಿ ಶಿಲಾನ್ಯಾಸ

Published:
Updated:
ಜೊಜಿಲಾ ಪಾಸ್ ಸುರಂಗಕ್ಕೆ ಪ್ರಧಾನಿ ಶಿಲಾನ್ಯಾಸ

ಜಮ್ಮು ಮತ್ತು ಕಾಶ್ಮೀರದ ರಾಜಧಾನಿ ಶ್ರೀನಗರ ಮತ್ತು ಲಡಾಕ್ ಪ್ರಾಂತದ ಲೇಹ್‌ ಮಧ್ಯೆ ಸಂಪರ್ಕ ಕಲ್ಪಿಸುವ ಜೊಜಿಲಾ ಪಾಸ್‌ನಲ್ಲಿ ಸರ್ವಋತು ಸುರಂಗ ರಸ್ತೆಯ ನಿರ್ಮಾಣ ಕಾಮಗಾರಿಗೆ ಪ್ರಧಾನಿ ನರೇಂದ್ರ ಮೋದಿ ಶನಿವಾರ ಚಾಲನೆ ನೀಡಿದ್ದಾರೆ.

ರಾಜ್ಯದಲ್ಲಿ ಒಟ್ಟು ₹ 25,000 ಕೋಟಿ ಮೊತ್ತದ ಮೂಲಸೌಕರ್ಯ ಅಭಿವೃದ್ಧಿ ಯೋಜನೆಗಳನ್ನು ಮೋದಿ ಘೋಷಿಸಿದ್ದಾರೆ. ಆ ಯೋಜನೆಗಳಲ್ಲಿ ಜೊಜಿಲಾ ಪಾಸ್ ಸುರಂಗ ಮಾರ್ಗವೂ ಒಂದು.

ಸುರಂಗ ನಿರ್ಮಾಣದ ನಂತರ

* ಈ ಮೂರೂ ಸ್ಥಳಗಳ ಮಧ್ಯೆ ವರ್ಷದ ಯಾವುದೇ ದಿನದಲ್ಲೂ ರಸ್ತೆ ಸಂಪರ್ಕ ಸಾಧ್ಯವಾಗುತ್ತದೆ.

* ಕಾರ್ಗಿಲ್‌ಗೆ ತುರ್ತು ಸಂದರ್ಭದಲ್ಲಿ ಸೈನಿಕರನ್ನು, ಸೇನಾ ವಾಹನಗಳನ್ನು ಮತ್ತು ಯುದ್ಧ ಸಾಮಗ್ರಿಗಳನ್ನು ತ್ವರಿತವಾಗಿ ರಸ್ತೆ ಮೂಲಕವೇ ಸಾಗಿಸಲು ಸಾಧ್ಯವಾಗುತ್ತದೆ.

* ವರ್ಷದ ಎಲ್ಲಾ ಋತುಗಳಲ್ಲೂ ಪ್ರವಾಸೋದ್ಯಮ ಚಾಲ್ತಿಯಲ್ಲಿ ಇರುವಂತೆ ನೋಡಿಕೊಳ್ಳಲು ಸಾಧ್ಯವಾಗುತ್ತದೆ.

ಸದ್ಯ ಹಿಮಪಾತದ ಸ್ಥಿತಿ

*ಶ್ರೀನಗರ–ಕಾರ್ಗಿಲ್–ಲೇಹ್ ಮಧ್ಯೆ ಸಂಪರ್ಕ ಕಲ್ಪಿಸುವ ಜೊಜಿಲಾ ಪಾಸ್ ಚಳಿಗಾಲದಲ್ಲಿ ಹಿಮಪಾತದಿಂದ ಮುಚ್ಚಿ ಹೋಗುತ್ತದೆ. ರಸ್ತೆ ಸಂಪರ್ಕ ಸ್ಥಗಿತಗೊಳ್ಳುತ್ತದೆ.

*ದೇಶದ ಭದ್ರತೆ ದೃಷ್ಟಿಯಿಂದ ಅತ್ಯಂತ ಸೂಕ್ಷ್ಮ ಸ್ಥಳವಾದ ಕಾರ್ಗಿಲ್‌ಗೆ ಸೈನಿಕರ, ಸೇನಾ ವಾಹನಗಳ, ಸೇನಾ ಸಲಕರಣೆಗಳ ಪೂರೈಕೆ ಸ್ಥಗಿತಗೊಳ್ಳುತ್ತದೆ.

*ಲಡಾಕ್ ಪ್ರಾಂತದಲ್ಲಿ ಪ್ರಮುಖ ಆದಾಯದ ಮೂಲವಾದ ಪ್ರವಾಸೋದ್ಯಮ ಸ್ಥಗಿತಗೊಳ್ಳುತ್ತದೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry