7
ಜಿಲ್ಲಾ ಕಾಂಗ್ರೆಸ್ ಘಟಕದ ಉಪಾಧ್ಯಕ್ಷ ಎನ್. ರಮೇಶ್ ಅಭಿಮತ

ರಾಹುಲ್ ಪ್ರಧಾನಿಯಾದರೆ ದೇಶ ಸದೃಢ

Published:
Updated:

ಶಿವಮೊಗ್ಗ: ‘ದೇಶದಲ್ಲಿ ಸದೃಢ, ಸಾಮಾಜಿಕ ಕಳಕಳಿ ಇರುವ ಸರ್ಕಾರ ಇರಬೇಕು ಎಂದರೆ ರಾಹುಲ್‌ ಗಾಂಧಿ ಪ್ರಧಾನಿಯಾಗಬೇಕು’ ಎಂದು ಜಿಲ್ಲಾ ಕಾಂಗ್ರೆಸ್ ಘಟಕದ ಉಪಾಧ್ಯಕ್ಷ ಎನ್. ರಮೇಶ್ ಅಭಿಪ್ರಾಯಪಟ್ಟರು.

ಜಿಲ್ಲಾ ಕಾಂಗ್ರೆಸ್ ಕಚೇರಿಯಲ್ಲಿ ಸೋಮವಾರ ಗ್ರಾಮಾಂತರ ವಿಧಾನಸಭಾ ಕ್ಷೇತ್ರದ ಚುನಾವಣೆಯಲ್ಲಿ ಸಹಕರಿಸಿದ ಎಲ್ಲಾ ಕಾರ್ಯಕರ್ತರು ಹಾಗೂ ಮುಖಂಡರುಗಳಿಗೆ ಹಮ್ಮಿಕೊಂಡಿದ್ದ ಅಭಿನಂದನಾ ಸಮಾರಂಭದಲ್ಲಿ ಅವರು ಮಾತನಾಡಿದರು.

‘ಹಿಂದೆ ಕರಿಯಣ್ಣ ಶಾಸಕರಾಗಿದ್ದಾಗ ಬಗರ್‌ಹುಕುಂ ಹಕ್ಕುಪತ್ರ, ನೀರಾವರಿ, ಸೌಲಭ್ಯ ಸೇರಿ ಹಲವು ಉತ್ತಮ ಕೆಲಸ ಮಾಡಿದ್ದರು. ಹಿಂದಿನಿಂದಲೂ ಗ್ರಾಮಾಂತರ ಕಾಂಗ್ರೆಸ್‌ನ ಭದ್ರಕೋಟೆ. ಬಿಜೆಪಿಯ ಹಣಬಲ ತಾತ್ಕಾಲಿಕ ಸೋಲಿಗೆ ಕಾರಣ’ ಎಂದು ವಿಶ್ಲೇಷಿಸಿದರು.

‘ಡಾ. ಶ್ರೀನಿವಾಸ್ ಜೆಡಿಎಸ್ ಪ್ರಬಲ ಪ್ರತಿಸ್ಪರ್ಧಿ ಎಂದು ಪಕ್ಷ ಅಂದಾಜು ಮಾಡಿತ್ತು. ಆದರೆ, ಶಿವಮೊಗ್ಗ ಗ್ರಾಮಾಂತರ ಕ್ಷೇತ್ರದಲ್ಲಿ ಬಿಜೆಪಿ ಗೆಲುವು ಕಂಡಿತು. ಕಾಂಗ್ರೆಸ್‌ಗೆ ಈಗಲೂ ಕೆಳ ಸಮುದಾಯದ ಜನರ ಬೆಂಬಲ ವ್ಯಾಪಕವಾಗಿದೆ’ ಎಂದರು.

ಪಕ್ಷದ ಜಿಲ್ಲಾ ಘಟಕದ ಅಧ್ಯಕ್ಷ ತೀ.ನ. ಶ್ರೀನಿವಾಸ್, ಅಭ್ಯರ್ಥಿ ಡಾ. ಶ್ರೀನಿವಾಸ್, ಮಧು, ರವಿಕುಮಾರ್, ಶಾಂತವೀರ ನಾಯ್ಕ ಇದ್ದರು.

**

ಚುನಾವಣೆಗಳಲ್ಲಿ ಸೋಲು, ಗೆಲುವು ಸಹಜ. ಪಕ್ಷದ ಹಿನ್ನಡೆಗೆ ಮುಂದಿನ ಚುನಾವಣೆಗೆ ಈಗಿನಿಂದಲೇ ಪಕ್ಷ ಸದೃಢಗೊಳಿಸುವ ಕೆಲಸ ಮಾಡಬೇಕು

– ಎನ್. ರಮೇಶ್‌, ಉಪಾಧ್ಯಕ್ಷ, ಜಿಲ್ಲಾ ಕಾಂಗ್ರೆಸ್ ಘಟಕ‌

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry