ಅಲ್ಲಿ 4 ಗಟ್ಟಿ ಕೋಲು, ಅಡಿಕೆ ಸೋಗೆ ಹಾಗು ಸೀರೆಯಿಂದ ಮನೆ ಕಟ್ಟಿ. ಅದರೊಳಗೆ 3 ಕಲ್ಲು ಇಟ್ಟು, ಒಲೆ ರೆಡಿ ಮಾಡಿ, ಸೌದೆ ಇಟ್ಟು ಉರಿ ಹಚ್ಚಿ, ನಾವು ತಂದಿದ್ದ ಕಾಫಿ ಪಾತ್ರೆಗೆ ಅಕ್ಕಿ ಹಾಕಿ ಅನ್ನ ಮಾಡೋದಕ್ಕಿಟ್ಟು ನಾವು ಹೊರಗೆ ಬಂದು ಮಣ್ಣಾಟ ಶುರು ಮಾಡ್ಕೊಂಡ್ವಿ. ಒಂದರ್ದ ಗಂಟೆಗೆಲ್ಲ ನೀರು ಹಾಕದೆ ಇಟ್ಟ ಅನ್ನದ ಜೊತೆಗೆ ಕಟ್ಟಿದ ಮನೆ, ಅಜ್ಜಿ ಸೀರೆ ಉರಿದು ಹೋಗಿ ಮನೆ ಸುತ್ತ ಹೊಗೆ ಹರಡಿಕೊಳ್ತು. ಅಲ್ಲೇ ಅಂಗಳ ಗುಡಿಸ್ತಿದ್ದ ಅಜ್ಜ ಹೆದರಿ ಓಡಿ ಬಂದು ಇಬ್ರಿಗೂ ಸರಿಯಾಗಿ ಬೈದು, ಬಾರಿಸಿದ್ದರು. ಇದು ಮೇಷ್ಟ್ರಿಗೆ ನಾವೊಪ್ಪಿಸಿದ ಮೊದಲ ಸಹಾಯದ ತುಣುಕಾಗಿತ್ತು. ಮೊದಲ ಸಲ ಕುಕ್ಕರ್ನಲ್ಲಿ ಅನ್ನಕ್ಕಿಟ್ಟು ನೀರು ಕಡಿಮೆ ಹಾಕಿ ಮಾಡಿದ ಎಡವಟ್ಟು ಈ ಕತೆಯನ್ನು ನೆನಪಿಸಿತ್ತು.