ಮೂವರು ಫುಟ್ಬಾಲ್ ಆಟಗಾರರು ಬರಿಗಾಲಿನಲ್ಲಿ ಕ್ರೀಡಾಂಗಣ ಪ್ರವೇಶಿಸುತ್ತಿರುವ ಚಿತ್ರ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಅದರ ಜತೆಯಲ್ಲಿ, ‘ಇದು ಭಾರತೀಯ ಫುಟ್ಬಾಲ್ ಆಟಗಾರರ ಚಿತ್ರ. 1948ರಲ್ಲಿ ಯೂರೋಪ್‌ನಲ್ಲಿ ನಡೆದ ಒಲಿಂಪಿಕ್ಸ್‌ನಲ್ಲಿ ಭಾರತೀಯ ಫುಟ್ಬಾಲ್ ತಂಡ ಭಾಗವಹಿಸಿತ್ತು. ಆದರೆ, ನೆಹರೂ ಸರ್ಕಾರವು ಅವರಿಗೆ ಷೂಗಳನ್ನು ನೀಡಿರಲಿಲ್ಲ. ಷೂಗಳಿಲ್ಲದೇ ಆಟವಾಡಲು ಕಷ್ಟವಾಗಿ ಭಾರತೀಯ ತಂಡವು ಸೋಲಬೇಕಾಯಿತು. ಖಾಸಗಿ ವಿಮಾನದಲ್ಲಿ ಓಡಾಡುತ್ತಿದ್ದ ನೆಹರೂ ಅವರು, ಆಟಗಾರರಿಗೆ ಷೂ ಒದಗಿಸಿರಲಿಲ್ಲ’ ಎಂದು ಆರೋಪಿಸಲಾಗಿದೆ.
