ವಿಡಿಯೊದಲ್ಲಿ ಎರಡು ಬೇರೆ ಬೇರೆ ದೃಶ್ಯಗಳನ್ನು ಸೇರಿಸಿ ಎಡಿಟ್ ಮಾಡಲಾಗಿದೆ ಎಂದು ‘ದಿ ಕ್ವಿಂಟ್’ ಹೇಳಿದೆ. ಮಲಯಾಳ ಚಿತ್ರರಂಗದ ಸುಮಿ ರಶಿಕ್ ಹಾಗೂ ವಿಷ್ಣು ವಿಜಯನ್ ಅವರು ನಟಿಸಿದ್ದ ‘ಸೂಫಿಯುಮ್ ಸುಜಾತಾಯುಮ್’ ಚಿತ್ರದ ಗೀತೆಯ ತುಣುಕೊಂದು ಈ ವಿಡಿಯೊದಲ್ಲಿದೆ. ಸ್ಕೈಬ್ಯಾಗ್ ಸಂಸ್ಥೆಯು 2015ರಲ್ಲಿ ನಿರ್ಮಿಸಿದ್ದ, ಬಾಲಿವುಡ್ ನಟ ವರುಣ್ ಧವನ್ ಕಾಣಿಸಿಕೊಂಡಿರುವ ಜಾಹೀರಾತಿನ ಒಂದು ದೃಶ್ಯವನ್ನು ಈ ವಿಡಿಯೊಗೆ ಸೇರಿಸಲಾಗಿದೆ. ಇದು ನಕಲಿ ವಿಡಿಯೊ ಎಂದು ವಿಐಪಿ ಬ್ಯಾಗ್ಸ್ ಸ್ಪಷ್ಟನೆ ನೀಡಿದ್ದು, ಪೊಲೀಸರಿಗೆ ದೂರನ್ನೂ ನೀಡಿದೆ. ವಿಡಂಬನೆ ಉದ್ದೇಶಕ್ಕೆ ತೆರೆಯಲಾಗಿರುವ ‘ಪಫಿಂಗ್ಟನ್ ಘೋಸ್ಟ್’ ಎಂಬ ಫೇಸ್ಬುಕ್ ಪುಟದಲ್ಲಿ ತಿರುಚಲಾದ ಈ ವಿಡಿಯೊವನ್ನು ಮೊದಲು ಅಪ್ಲೋಡ್ ಮಾಡಲಾಗಿದೆ. ಇದನ್ನೇ ಕಂಪನಿಯ ಜಾಹೀರಾತು ಎಂಬುದಾಗಿ ತಪ್ಪಾಗಿ ಹಂಚಿಕೊಳ್ಳಲಾಗುತ್ತಿದೆ ಎಂದು ‘ದಿ ಕ್ವಿಂಟ್’ ವರದಿ ಮಾಡಿದೆ.