‘ಹಜ್‌ ಭವನ ನವೀಕರಣಕ್ಕೆ ಸಿಎಂ 5 ಸಾವಿರ ಕೋಟಿ ಅನುದಾನ ನೀಡಿದ್ದಾರೆ’ ಎಂಬ ಹೇಳಿಕೆಯನ್ನು ಕನ್ನಡದ ಸುದ್ದಿ ವಾಹಿನಿಯೊಂದು ಪ್ರಸಾರ ಮಾಡಿದೆ. ಆ ಪ್ರಸಾರದ ಸ್ಕ್ರೀನ್‌ಶಾಟ್‌ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೆಯಾಗಿವೆ. ‘ನೂತನ ಸಂಸತ್‌ ಭವನಕ್ಕೆ ಮೋದಿ ಖರ್ಚು ಮಾಡಿದ್ದು ₹885 ಕೋಟಿ, ಅಯೋಧ್ಯೆ ರಾಮಮಂದಿರ ನಿರ್ಮಾಣದ ಅಂದಾಜು ವೆಚ್ಚ ₹3,000 ಕೋಟಿ. ಆದರೆ, ಹಜ್‌ ಭವನವನ್ನು ಕೇವಲ ನವೀಕರಿಸುವುದಕ್ಕೇ ಸಿ.ಎಂ ₹5,000 ಕೋಟಿ ನೀಡಿದ್ದಾರೆ’ ಎಂಬ ವಿವರಣೆಯನ್ನು ಈ ಸ್ಕ್ರೀನ್‌ಶಾಟ್‌ ಜೊತೆ ಹಂಚಿಕೊಳ್ಳಲಾಗುತ್ತಿದೆ. ಆದರೆ ಇದು ಸುಳ್ಳುಸುದ್ದಿ.
