ದೇಶದ ಸಾವಿರಾರು ಜಾನುವಾರುಗಳುಚರ್ಮಗಂಟು ರೋಗದಿಂದ (ಎಲ್ಎಸ್ಡಿ) ಬಳಲುತ್ತಿವೆ. ಹಲವು ಜಾನುವಾರುಗಳು ಮೃತಪಟ್ಟಿವೆ.ಕ್ಯಾಪ್ರಿಪಾಕ್ಸ್ ಎಂಬ ವೈರಾಣುವಿನ ಮೂಲಕ ಒಂದು ಜಾನುವಾರುವಿನಿಂದ ಮತ್ತೊಂದಕ್ಕೆ ಇದು ಹರಡುತ್ತದೆ. ಆದರೆ, ಈ ಸೋಂಕು ಜಾನುವಾರುಗಳ ಮೂಲಕ ಮನುಷ್ಯರಿಗೂ ಹರಡುತ್ತಿದೆ ಎಂಬುದಾಗಿ ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಯಾಗುತ್ತಿದೆ. ರೋಗ ತಗುಲಿದೆ ಎನ್ನಲಾದ ವ್ಯಕ್ತಿಯೊಬ್ಬರ ಚಿತ್ರವೊಂದು ವೈರಲ್ ಆಗಿದ್ದು, ವ್ಯಕ್ತಿಯ ಮೈಮೇಲೆ ಗಂಟುಗಳು ಮೂಡಿರುವುದು ಕಾಣಿಸುತ್ತದೆ. ಹಲವರು ಈ ರೋಗದಿಂದ ಮೃತಪಟ್ಟಿದ್ದಾರೆ ಎಂದೂ ಸುದ್ದಿಯಾಗುತ್ತಿದೆ. ಆದರೆ ಇದು ಸುಳ್ಳು.