ಬೆಂಗಳೂರು: ಚಂದ್ರನ ಸನಿಹಕ್ಕೆ ತಲುಪಿರುವ ಚಂದ್ರಯಾನ–3ರ ಲ್ಯಾಂಡರ್ಗೆ ಅಳವಡಿಸಿರುವ ‘ಅಪಾಯವನ್ನು ಗುರುತಿಸುವ ಹಾಗೂ ತಪ್ಪಿಸುವ‘ (ಎಲ್ಎಚ್ಡಿಎಸಿ) ತಂತ್ರಜ್ಞಾನದ ಕ್ಯಾಮೆರಾ ಸೆರೆ ಹಿಡಿದ ಚಿತ್ರಗಳನ್ನು ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೊ)ಯು ತನ್ನ ಮೈಕ್ರೊಬ್ಲಾಗಿಂಗ್ ತಾಣ ‘ಎಕ್ಸ್’ (ಟ್ವಿಟರ್) ನಲ್ಲಿ ಹಂಚಿಕೊಂಡಿದೆ.
ಲ್ಯಾಂಡರ್ ಇಳಿಯಲು ಆ. 23ರ ಸಂಜೆ 6:04 ಕ್ಕೆ ಸಮಯ ನಿಗದಿಪಡಿಸಲಾಗಿದೆ. ಅದಕ್ಕಾಗಿ ಸುರಕ್ಷಿತ ಲ್ಯಾಂಡಿಂಗ್ಗೆ ಸೂಕ್ತ ಜಾಗವನ್ನು ಹುಡುಕುವ ನಿಟ್ಟಿನಲ್ಲಿ ಲ್ಯಾಂಡರ್ ಹಲವು ಚಿತ್ರಗಳನ್ನು ರವಾನಿಸಿದೆ.
ದೊಡ್ಡ ಆಘಾತದಿಂದಾಗಿ ಚಂದ್ರನ ಮೇಲೆ ರೂಪಗೊಂಡಿರುವ ಹೇನ್, ಬಾಸ್–ಎಲ್ ಮತ್ತು ಬೆಲ್ಕೊವಿಚ್, ಮತ್ತು ಹಂಬೋಲ್ಟಿಯಾನಮ್ ಹಾಗೂ ಚಂದ್ರನ ಮಾರಿಯಾ ಅಥವಾ ಬಸಾಲ್ಟಿಕ್ ಬಯಲುಗಳನ್ನು ಚಿತ್ರಗಳಲ್ಲಿ ಕಣಬಹುದಾಗಿದೆ.