ಜಮ್ಮು: ಸಿಖ್‌ ಮೂಲಭೂತವಾದಿ ಧರ್ಮಪ್ರಚಾರಕ ಅಮೃತಪಾಲ್‌ ಸಿಂಗ್‌ ಪರಾರಿಯಾಗಲು ಸಹಕರಿಸಿದ್ದ ಪಾಪಲ್‌ಪ್ರೀತ್‌ ಸಿಂಗ್‌ ಜೊತೆ ನಂಟು ಹೊಂದಿರುವ ಆರೋಪದಲ್ಲಿ ಜಮ್ಮು ಮತ್ತು ಕಾಶ್ಮೀರದ ಆರ್‌.ಎಸ್‌. ಪುರ ಹೊರವಲಯದ ನಿವಾಸಿಗಳಾದ ದಂಪತಿಯನ್ನು ಪೊಲೀಸರು ಶನಿವಾರ ವಶಕ್ಕೆ ಪಡೆದಿದ್ದಾರೆ.
ಅಮ್ರಿಕ್ ಸಿಂಗ್‌ ಮತ್ತು ಸರಬ್ಜಿತ್‌ ಕೌರ್‌ ಬಂಧಿತರು. ಇವರನ್ನು ಪಂಜಾಬ್‌ ಪೊಲೀಸರಿಗೆ ಹಸ್ತಾಂತರಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಪಂಜಾಬ್‌ ಪೊಲೀಸರು ಈಚೆಗೆ ಕಾರ್ಯಾಚರಣೆ ನಡೆಸಿದ್ದ ವೇಳೆ ಪಾಪಲ್‌ಪ್ರೀತ್‌ ಸಿಂಗ್‌ ಕೂಡ ಅಮೃತ್‌ಪಾಲ್‌ ಸಿಂಗ್‌ನ ಜೊತೆಯಲ್ಲೇ ಪರಾರಿಯಾಗಿದ್ದ.
