ಗುರುವಾರ, 22 ಫೆಬ್ರುವರಿ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಲಂಚ ಪ್ರಕರಣ: ಇಬ್ಬರು PESO ಅಧಿಕಾರಿಗಳು ಸೇರಿದಂತೆ ನಾಲ್ವರ ಬಂಧನ, ₹2.25 ಕೋಟಿ ವಶ

Published 4 ಜನವರಿ 2024, 10:17 IST
Last Updated 4 ಜನವರಿ 2024, 10:17 IST
ಅಕ್ಷರ ಗಾತ್ರ

ನಾಗ್ಪುರ: ಲಂಚ ಪಡೆದ ಆರೋಪದ ಮೇಲೆ ಪೆಟ್ರೋಲಿಯಂ ಮತ್ತು ಸ್ಫೋಟಕಗಳ ಸುರಕ್ಷತಾ ಸಂಸ್ಥೆಯ (PESO) ಇಬ್ಬರು ಅಧಿಕಾರಿಗಳು ಸೇರಿದಂತೆ ನಾಲ್ವರನ್ನು ಕೇಂದ್ರೀಯ ತನಿಖಾ ದಳ (ಸಿಬಿಐ) ಬಂಧಿಸಿದೆ. ಬಂಧಿತರಿಂದ ಒಟ್ಟು ₹2.25 ಕೋಟಿ ನಗದು ವಶಪಡಿಸಿಕೊಳ್ಳಲಾಗಿದೆ.

ಬಂಧಿತರಲ್ಲಿ ನಾಗ್ಪುರದ ನಿವಾಸಿ ಪ್ರಿಯದರ್ಶನ್ ದಿನಕರ್ ದೇಶಪಾಂಡೆ, ರಾಜಸ್ಥಾನದ ಚಿತ್ತೋರ್‌ಗಢ ಜಿಲ್ಲೆಯ ಸೂಪರ್ ಶಿವಶಕ್ತಿ ಕೆಮಿಕಲ್‌ನ ನಿರ್ದೇಶಕ ದೇವಿ ಸಿಂಗ್ ಕಚವಾಹ ಸೇರಿದ್ದಾರೆ ಎಂದು ಸಿಬಿಐನ ಭ್ರಷ್ಟಾಚಾರ ನಿಗ್ರಹ ದಳ ದಾಖಲಿಸಿರುವ ಎಫ್‌ಐಆರ್‌ನಲ್ಲಿ ಉಲ್ಲೇಖಿಸಿದೆ.

ಇದಲ್ಲದೆ, ಪಿಇಎಸ್‌ಒನೊಂದಿಗೆ ಕಾರ್ಯನಿರ್ವಹಿಸುತ್ತಿರುವ ಇಬ್ಬರು ಉಪ ಮುಖ್ಯ ನಿಯಂತ್ರಕರನ್ನು ಸಹ ಬಂಧಿಸಲಾಗಿದೆ ಎಂದು ಸಿಬಿಐನ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಸ್ಫೋಟಕಗಳು, ಸಂಕುಚಿತ ಅನಿಲಗಳು ಮತ್ತು ಪೆಟ್ರೋಲಿಯಂನಂತಹ ಅಪಾಯಕಾರಿ ವಸ್ತುಗಳ ಸುರಕ್ಷತೆಯನ್ನು ನಿಯಂತ್ರಿಸಲು ಪಿಇಎಸ್‌ಒ ಒಂದು ನೋಡಲ್ ಸರ್ಕಾರಿ ಸಂಸ್ಥೆಯಾಗಿ ಕಾರ್ಯನಿರ್ವಹಿಸುತ್ತದೆ.

ಬುಧವಾರ ಸಂಜೆ ಸೆಮಿನರಿ ಹಿಲ್ಸ್‌ನಲ್ಲಿರುವ ಪಿಇಎಸ್‌ಒ ಕಚೇರಿ ಬಳಿ ಟೈಪಿಂಗ್ ಅಂಗಡಿಯಲ್ಲಿ ದೇಶಪಾಂಡೆ ಮತ್ತು ಕಚ್ಚವಾಹ ಅವರು ₹10 ಲಕ್ಷ ನಗದು ಸ್ವೀಕರಿಸುತ್ತಿದ್ದಾಗ ಸಿಬಿಐ ಬಂಧಿಸಿದೆ.

ಬಳಿಕ ಸಂಸ್ಥೆಯು ದೇಶಪಾಂಡೆ ಅವರ ನಿವಾಸದಿಂದ ₹1.25 ಕೋಟಿ ಮತ್ತು ಆರೋಪಿ ಪಿಇಎಸ್ಒ ಅಧಿಕಾರಿಯೊಬ್ಬನ ಕಚೇರಿಯಿಂದ ₹90 ಲಕ್ಷ ವಶಕ್ಕೆ ಪಡೆದಿದೆ.

‌‘ಎಲ್ಲಾ ಆರೋಪಿಗಳನ್ನು ಗುರುವಾರ ಸಂಜೆ ನ್ಯಾಯಾಲಯದ ಮುಂದೆ ಹಾಜರುಪಡಿಸಲಾಗುವುದು. ಭ್ರಷ್ಟಾಚಾರ ತಡೆ ಕಾಯ್ದೆಯಡಿ ಪ್ರಕರಣ ದಾಖಲಾಗಿದೆ. ಸಿಬಿಐನ ಉಪ ಐಜಿಪಿ ಸಲೀಂ ಖಾನ್ ಅವರ ಮಾರ್ಗದರ್ಶನದಲ್ಲಿ ಹೆಚ್ಚಿನ ತನಿಖೆ ನಡೆಸಲಾಗುತ್ತಿದೆ' ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT