ಯುದ್ಧ ವಿಮಾನ ಹಾರಾಟ: ಪಾಂಗಾಂಗ್ ಸರೋವರದ ಸುತ್ತಲಿನ ಕಣಿವೆ ಪ್ರದೇಶ ಮತ್ತು ಪರ್ವತಶ್ರೇಣಿಯಲ್ಲಿ ಸೇನೆಯ ವಿಶೇಷ ತುಕಡಿಯನ್ನು ನಿಯೋಜಿಸಲಾಗಿದೆ. ಎಲ್ಎಸಿ ಮತ್ತು ಪಾಂಗಾಂಗ್ ಸುತ್ತಮುತ್ತ ಸದಾ ನಿಗಾ ಇಡುವಂತೆ ಭಾರತೀಯ ವಾಯುಪಡೆಗೆ ಸೂಚಿಸಲಾಗಿದೆ. ಹಲವು ತಿಂಗಳಿಂದ ಲಡಾಖ್ ವಾಯುನೆಲೆಯಲ್ಲಿ ಬೀಡು ಬಿಟ್ಟಿರುವ ಸುಖೋಯ್30 ಎಂಕೆಐ, ಜಾಗ್ವಾರ್, ಮಿರಾಜ್ 2000 ಯುದ್ಧ ವಿಮಾನಗಳು ಎಲ್ಎಸಿ ಬಳಿಗಸ್ತು ತಿರುಗುತ್ತಿವೆ. ಗಡಿಯ ಚೀನಾ ಭಾಗ ದಲ್ಲಿಯೂ ಜೆ–20 ಯುದ್ಧ ವಿಮಾನಗಳು ಹಾರಾಟ ನಡೆಸಿರುವ ವರದಿಗಳಿವೆ.