ಥಾಣೆ: ಮಹಿಳಾ ಕಾನ್‌ಸ್ಟೆಬಲ್‌ಗೆ ಥಳಿಸಿದ ಆರೋಪದ ಮೇಲೆ ಇಬ್ಬರು ಮಹಿಳೆಯರ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.
ಶಿಲ್-ದೈಘರ್ ಪೊಲೀಸ್ ಠಾಣೆಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದ 28 ವರ್ಷದ ಮಹಿಳಾ ಕಾನ್ಸ್ಟೆಬಲ್ ಮೇಲೆ ಮಂಗಳವಾರ ಇಬ್ಬರು ಮಹಿಳೆಯರು ಹಲ್ಲೆ ನಡೆಸಿದ್ದರು. ಘಟನೆ ಬಳಿಕ ಆರೋಪಿ ಮಹಿಳೆಯರನ್ನು ಗುರುತಿಸಿ ಬಂಧಿಸಲಾಗಿದೆ ಎಂದು ಪೊಲೀಸ್ ವಕ್ತಾರರು ತಿಳಿಸಿದ್ದಾರೆ.
ಘಟನೆ ಏನು?
ಗಂಡನ ವಿರುದ್ಧ ದೂರು ನೀಡಲು ಶಿಲ್-ದೈಘರ್ ಪೊಲೀಸ್ ಠಾಣೆಗೆ ಮಹಿಳೆಯೊಬ್ಬಳು ಮಂಗಳವಾರ ಬಂದಿದ್ದಳು. ಮಹಿಳೆ ದೂರು ನೀಡುವ ವಿಷಯ ತಿಳಿದ ಗಂಡ ಪೊಲೀಸ್ ಠಾಣೆ ನುಗ್ಗಿದ್ದನು. ಗಂಡನ ಜೊತೆ ಇನ್ನಿಬ್ಬರು ಮಹಿಳೆಯರು ಬಂದಿದ್ದರು. ಠಾಣೆಯಲ್ಲಿ ಎರಡು ಕಡೆಯವರ ನಡುವೆ ವಾಗ್ವಾದ ಏರ್ಪಟ್ಟಿತ್ತು.
ಪರಿಸ್ಥಿತಿಯನ್ನು ನಿಯಂತ್ರಿಸಲು ಮಹಿಳಾ ಕಾನ್ಸ್ಟೆಬಲ್ ಪ್ರಯತ್ನಿಸಿದ್ದು, ಎರಡು ಕಡೆಯವರಲ್ಲಿ ಸಮಾಧಾನದಿಂದ ಇರಲು ತಿಳಿಸಿದ್ದರು. ಇದರಿಂದ ಕೋಪಗೊಂಡ ಗಂಡನ ಕಡೆಯ ಮಹಿಳೆಯರಿಬ್ಬರು ಕಾನ್ಸ್ಟೆಬಲ್ ಮೇಲೆ ಜಗಳಕ್ಕೆ ಹೋಗಿದ್ದರು. ಕಾನ್ಸ್ಟೆಬಲ್ ಕೂದಲು ಎಳೆದು ದೊಣ್ಣೆಯಿಂದ ಹಲ್ಲೆ ನಡೆಸಿ ಪರಾರಿಯಾಗಿದ್ದರು.
ಹಲ್ಲೆ ನಡೆಸಿದ ಮಹಿಳೆಯರಿಬ್ಬರು ಮೇಲೆ ಐಪಿಸಿ ಸೆಕ್ಷನ್‌ ಅಡಿ ಪ್ರಕರಣ ದಾಖಲಾಗಿದೆ.
