ಸಂಸತ್‌ ಭವನದ ಫೋಟೊ, ವಿಡಿಯೊ ತೆಗೆಯದಂತೆ ಎಚ್ಚರಿಕೆ

ಪದೇ ಪದೇ ಸೂಚನೆ ನೀಡಿದರೂ ಸಂಸತ್‌ನ ಕೆಲವು ಅಧಿಕಾರಿಗಳು ಶಿಷ್ಟಾಚಾರ ಪಾಲಿಸುತ್ತಿಲ್ಲ ಎಂದು ಸಂಸತ್‌ನ ಜಂಟಿ ಕಾರ್ಯದರ್ಶಿ (ಭದ್ರತೆ) ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಭಾರತದಲ್ಲಿ ಸಂಸತ್ ಭವನವು ಅತಿ ಹೆಚ್ಚು ಬೆದರಿಕೆಗಳಿಗೆ ಗುರಿಯಾಗಿರುವ ಸ್ಥಳವಾಗಿದ್ದು, ಫೋಟೊ ತೆಗೆಯುವುದು ಮತ್ತು ವಿಡಿಯೊ ಮಾಡುವುದು ಯೋಜಿತ ಭದ್ರತಾ ವ್ಯವಸ್ಥೆಯ ಕಾರ್ಯತಂತ್ರದ ಭಾಗವಾಗಿದೆ ಎಂದು ಜನವರಿ 19ರಂದು ಅವರು ಹೊರಡಿಸಿರುವ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಕ್ಯಾಮೆರಾ, ರಹಸ್ಯ ಕ್ಯಾಮೆರಾ ಮತ್ತು ಸ್ಮಾರ್ಟ್‌ಫೋನ್‌ಗಳು ಭವನದ ರಕ್ಷಣೆಗೆ ಕಂಟಕವಾಗಿದ್ದು, ರಾಜ್ಯಸಭೆ ಮತ್ತು ಲೋಕಸಭೆ ಸಚಿವಾಲಯದ ಎಲ್ಲ ಅಧಿಕಾರಿಗಳು, ಸಂಸದೀಯ ವ್ಯವಹಾರಗಳ ಸಚಿವಾಲಯ ಮತ್ತು ಸಂಸತ್‌ನೊಳಗೆ ಕೆಲಸ ಮಾಡುವ ಇತರ ಏಜೆನ್ಸಿಗಳ ಸಿಬ್ಬಂದಿಗೆ ಸಂಸತ್ತಿನಲ್ಲಿ ಯಾವುದೇ ರೀತಿಯ ಛಾಯಾಗ್ರಹಣವನ್ನು ಕಡ್ಡಾಯವಾಗಿ ನಿಷೇಧಿಸಲಾಗಿದೆ ಎಂದು ತಿಳಿಸಲಾಗಿದೆ.