ಪಾಸ್ವಾನ್‌ ವಿರುದ್ಧ ಮಗಳು, ಅಳಿಯನ ಬಂಡಾಯ

ಪಟ್ನಾ: ಕೇಂದ್ರ ಸಚಿವ ರಾಮ್ ವಿಲಾಸ್ ಪಾಸ್ವಾನ್ ಕುಟುಂಬದೊಳಗಿನ ಜಗಳ ಈಗ ಬಯಲಿಗೆ ಬಂದಿದೆ. ತಂದೆಯ ವಿರುದ್ಧ ಸ್ಪರ್ಧಿಸಲು ಸಿದ್ಧ ಎಂದು ಪಾಸ್ವಾನ್ ಅವರ ಸಣ್ಣ ಮಗಳು ಆಶಾ ತೊಡೆ ತಟ್ಟಿದ್ದಾರೆ.

. ಪಾಸ್ವಾನ್ ಅವರು ಸ್ವಜನಪಕ್ಷಪಾತಿಯಾಗಿದ್ದಾರೆ. ಅವರು ತಮ್ಮ ಮಗ ಚಿರಾಗ್ಗೆ ಮಾತ್ರ ಅವಕಾಶ ಕೊಡುತ್ತಿದ್ದಾರೆಎಂದು ಆಶಾ ದೂರಿದ್ದಾರೆ. ಚಿರಾಗ್ ಅವರು ಲೋಕ ಜನಶಕ್ತಿ ಪಕ್ಷದ (ಎಲ್ಜೆಪಿ) ಸಂಸದೀಯ ಪಕ್ಷದ ಅಧ್ಯಕ್ಷ.

. ಪಾಸ್ವಾನ್ ಅವರ ಮೊದಲ ಹೆಂಡತಿ ರಾಜಕುಮಾರಿ ದೇವಿ ಅವರ ಮಗಳು ಆಶಾ. 2019ರ ಲೋಕಸಭಾ ಚುನಾವಣೆಯಲ್ಲಿ ಅವಕಾಶ ಸಿಕ್ಕರೆ ಆರ್ಜೆಡಿ ಅಭ್ಯರ್ಥಿಯಾಗಿ ಹಾಜಿಪುರ ಲೋಕಸಭಾ ಕ್ಷೇತ್ರದಿಂದ ಪಾಸ್ವಾನ್ ವಿರುದ್ಧ ಸ್ಪರ್ಧಿಸಲು ಸಿದ್ಧ ಎಂದು ಆಶಾ ಘೋಷಿಸಿದ್ದಾರೆ.

. ಫತುಹಾ ಕ್ಷೇತ್ರದಿಂದ ಐದು ಬಾರಿ ಶಾಸಕರಾಗಿರುವ ಪುನೀತ್ ರಾಯ್ ಅವರ ಮಗ ಅನಿಲ್ ಕುಮಾರ್ ಸಾಧು ಅವರುಆಶಾ ಗಂಡ. ಎಲ್ಜೆಪಿ ತೊರೆದ ಸಾಧು, ಮಾರ್ಚ್ನಲ್ಲಿ ಆರ್ಜೆಡಿ ಸೇರ್ಪಡೆಯಾಗಿದ್ದಾರೆ.

. ಚಿರಾಗ್ ಅವರು ಪಾಸ್ವಾನ್ ಅವರ ಎರಡನೇ ಹೆಂಡತಿ ರೀನಾ ಅವರ ಮಗ. ಪಂಜಾಬಿಯಾಗಿರುವ ರೀನಾ ಅವರನ್ನು 1983ರಲ್ಲಿ ಪಾಸ್ವಾನ್ ಮದುವೆಯಾಗಿದ್ದಾರೆ.

. ಪಾಸ್ವಾನ್ ಅವರಿಗೆ ಮೊದಲ ಹೆಂಡತಿಯಲ್ಲಿ ಇಬ್ಬರು ಹೆಣ್ಣು ಮಕ್ಕಳಿದ್ದಾರೆ. ದೊಡ್ಡ ಮಗಳ ಗಂಡ ಮೃಣಾಲ್ ಕೂಡ ರಾಜಕಾರಣಿ. 2015ರಲ್ಲಿ ನಡೆದ ಬಿಹಾರ ವಿಧಾನಸಭೆ ಚುನಾವಣೆಯಲ್ಲಿ ಅವರು ಸ್ಪರ್ಧಿಸಿ ಸೋತಿದ್ದರು. ಮೃಣಾಲ್ ಮತ್ತು ಸಾಧು ಅವರಿಬ್ಬರೂ ಆರ್ಜೆಡಿ ಅಧ್ಯಕ್ಷ ಲಾಲು ಪ್ರಸಾದ್ ಅವರಿಗೆ ನಿಟಕವಾಗಿದ್ದಾರೆ. 2004ರ ಲೋಕಸಭಾ ಚುನಾವಣೆಗೆ ಮೊದಲು ಪಾಸ್ವಾನ್ ಮತ್ತು ಲಾಲು ನಡುವೆ ರಾಜಿ ಮಾಡುವಲ್ಲಿ ಮೃಣಾಲ್ ಮತ್ತು ಸಾಧು ಮಹತ್ವದ ಪಾತ್ರ ವಹಿಸಿದ್ದರು.

. ಮಾವ ಪಾಸ್ವಾನ್ ಜತೆಗೆ ಎರಡು ವರ್ಷಗಳಿಂದ ಹಗ್ಗ ಜಗ್ಗಾಟ ನಡೆಸುತ್ತಿರುವ ಸಾಧು, ಹೆಂಡತಿಗೆ ಲೋಕಸಭೆಗೆ ಸ್ಪರ್ಧಿಸಲು ಟಿಕೆಟ್ ಸಿಗದಿದ್ದರೆ ಹಾಜಿಪುರದಿಂದ ಕಣಕ್ಕಿಳಿಯಲು ತಾನೂ ಸಿದ್ಧ ಎಂದು ಅವರು ಹೇಳಿದ್ದಾರೆ.

. 2014ರ ಲೋಕಸಭೆ ಚುನಾವಣೆಯಲ್ಲಿ ಬಿಜೆಪಿಯ ಜತೆಗೆ ಎಲ್ಜೆಪಿ ಮೈತ್ರಿ ಮಾಡಿಕೊಂಡಿತ್ತು. ಏಳು ಕ್ಷೇತ್ರಗಳಲ್ಲಿ ಸ್ಪರ್ಧಿಸಿದ್ದ ಎಲ್ಜೆಪಿ ಆರರಲ್ಲಿ ಗೆದ್ದಿತ್ತು.

. ಕುಟುಂಬ ಪ್ರಾಬಲ್ಯ

. ಪಾಸ್ವಾನ್ ಅವರು ಹಾಜಿಪುರದ ಸಂಸದರಾಗಿದ್ದಾರೆ. ಮಗ ಚಿರಾಗ್, ಜಮುಯಿಯನ್ನು ಲೋಕಸಭೆಯಲ್ಲಿ ಪ್ರತಿನಿಧಿಸುತ್ತಿದ್ದಾರೆ. ಸಮಷ್ಠಿಪುರ ಲೋಕಸಭಾ ಕ್ಷೇತ್ರದಿಂದ ಪಾಸ್ವಾನ್ ಸಹೋದರ ರಾಮಚಂದ್ರ ಪಾಸ್ವಾನ್ ಗೆದ್ದಿದ್ದಾರೆ. ಪಾಸ್ವಾನ್ ಅವರ ಸಣ್ಣ ತಮ್ಮ ಪಶುಪತಿ ಕುಮಾರ್ ಪರಸ್ ಅವರು ಬಿಹಾರದ ನಿತೀಶ್ ಕುಮಾರ್ ಸಚಿವ ಸಂಪುಟದಲ್ಲಿ ಪಶುಸಂಗೋಪನೆ ಸಚಿವ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪಾಸ್ವಾನ್‌ ವಿರುದ್ಧ ಮಗಳು, ಅಳಿಯನ ಬಂಡಾಯ

ಚಿನಕುರುಳಿ: ಮಂಗಳವಾರ, 16 ಡಿಸೆಂಬರ್ 2025

ಚುರುಮುರಿ: ಚೋರಿ ಪರಸಂಗ

ದಿನ ಭವಿಷ್ಯ: ಶ್ರೇಯಸ್ಸು ಹುಡುಕಿಕೊಂಡು ಬರುವುದರಿಂದ ಸಂತಸ ಸಿಗುವುದು

ದರ್ಶನ್ ಬ್ಯಾರಕ್‌ಗೆ ಡಿಜಿಪಿ ಅಲೋಕ್‌ ಕುಮಾರ್ ಭೇಟಿ; ಪರಿಶೀಲನೆ

ಬೆಂಗಳೂರಿನಲ್ಲಿ ವರ್ಲ್ಡ್ ಟೆನಿಸ್ ಲೀಗ್: 100ಕ್ಕೂ ಹೆಚ್ಚು ದೇಶಗಳಲ್ಲಿ ಪ್ರಸಾರ!

IPL Auction: ಹರಾಜಿನಲ್ಲಿ ಖರೀದಿಯಾಗದೇ ಉಳಿದ ಸ್ಟಾರ್‌ ಆಟಗಾರರ ಪಟ್ಟಿ ಇಲ್ಲಿದೆ

ಕೆಎಸ್‌ಸಿಎ: ಕ್ರಿಕೆಟ್ ಸಲಹಾ ಸಮಿತಿಯಲ್ಲಿ ಕುಂಬ್ಳೆ, ಶ್ರೀನಾಥ್

IPL 2026 Auction: ಗ್ರೀನ್ ದುಬಾರಿ ಆಟಗಾರ; ಪ್ರಶಾಂತ್‌,ಕಾರ್ತಿಕ್‌ಗೆ ಜಾಕ್‌ಪಾಟ್

ಒಳನೋಟ | ಯುಕೆಪಿಗೆ ಇಚ್ಛಾಶಕ್ತಿ ಕೊರತೆ

ಒಳನೋಟ | ನಿಗಮ– ಮಂಡಳಿಗಳು: ಸರ್ಕಾರ ಸಾಕುವ ಬಿಳಿಯಾನೆ

ಒಳನೋಟ: ಖಾಲಿಯಿವೆ ಬಿ.ಇ ಸೀಟು!

ಒಳನೋಟ: ಶ್ರೀಗಂಧ ಕೃಷಿಗೆ ನೂರು ಕಷ್ಟ

ಚಿನಕುರುಳಿ: ಮಂಗಳವಾರ, 16 ಡಿಸೆಂಬರ್ 2025

ಚುರುಮುರಿ: ಚೋರಿ ಪರಸಂಗ

ದಿನ ಭವಿಷ್ಯ: ಶ್ರೇಯಸ್ಸು ಹುಡುಕಿಕೊಂಡು ಬರುವುದರಿಂದ ಸಂತಸ ಸಿಗುವುದು

ದರ್ಶನ್ ಬ್ಯಾರಕ್‌ಗೆ ಡಿಜಿಪಿ ಅಲೋಕ್‌ ಕುಮಾರ್ ಭೇಟಿ; ಪರಿಶೀಲನೆ