ಇಂದು (ಶನಿವಾರ) ಬೆಳಗಿನ ಜಾವ ಸುಮಾರು 4.40ರ ಹೊತ್ತಿಗೆ ರೈಲನ್ನು ಪ್ಲಾಟ್ಫಾರ್ಮ್ಗೆ ತರುತ್ತಿದ್ದ ವೇಳೆ ಈ ಘಟನೆ ನಡೆದಿದೆ. ಅದೃಷ್ಟವಶಾತ್ ರೈಲಿನಲ್ಲಿ ಯಾವುದೇ ಪ್ರಯಾಣಿಕರು ಇರಲಿಲ್ಲ.
ರೈಲಿನ ಹಿಂದಿನ ಎರಡು ಬೋಗಿಗಳು ಹಳಿ ತಪ್ಪಿದ್ದು, ಸಿಗ್ನಲ್ ಬಾಕ್ಸ್ಗೆ ಹಾನಿಯಾಗಿದೆ. ಮುಖ್ಯ ಟ್ರ್ಯಾಕ್ಗೆ ಸಮಾನಾಂತರವಾದ ಟ್ರ್ಯಾಕ್ನಲ್ಲಿ ಘಟನೆ ಸಂಭವಿಸಿದ್ದರಿಂದ, ಇತರೆ ರೈಲುಗಳ ಸಂಚಾರಕ್ಕೆ ಯಾವುದೇ ತೊಂದರೆ ಉಂಟಾಗಿಲ್ಲ ಎಂದು ಮೂಲಗಳು ತಿಳಿಸಿವೆ.
ಹಳಿ ತಪ್ಪಿದ ಬೋಗಿಗಳನ್ನು ಬೇರ್ಪಡಿಸಿದ ನಂತರ ರೈಲು ಪ್ರಯಾಣ ಮುಂದುವರೆಯಿತು. ರೈಲು ಹಳಿ ತಪ್ಪಲು ಕಾರಣವೇನು ಎಂಬುದನ್ನು ಪತ್ತೆ ಹಚ್ಚಲು ರೈಲ್ವೆ ಅಧಿಕಾರಿಗಳು ಸದ್ಯ ವಿಚಾರಣೆ ನಡೆಸುತ್ತಿದ್ದಾರೆ.