ಜಮ್ಮು : ಸಾಂಬ ಜಿಲ್ಲೆಯ ಪುರಮಂಡಲ ಪ್ರದೇಶದಲ್ಲಿ ನಡೆದಿದ್ದ ಶೆಲ್ ಸ್ಫೋಟದಲ್ಲಿ ಗಾಯಗೊಂಡಿದ್ದ ಮಹಿಳೆಯೊಬ್ಬರು ಬುಧವಾರ ಸಾವಿಗೀಡಾಗಿದ್ದಾರೆ.
ಮೇ 27ರಂದು ನಡೆದಿದ್ದ ಅವಘಡದಲ್ಲಿ ಮೂವರು ಗಾಯಗೊಂಡು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಅವರಲ್ಲಿ ಸೆಮ್ರೂ ದೇವಿ ಎಂಬುವವರು ಬುಧವಾರ ಮೃತಪಟ್ಟಿದ್ದಾರೆ. ರಮೀತ್ ಸಿಂಗ್(66) ಮತ್ತು ಸುರಿಯ ಬಿಬಿ(58) ಎಂಬುವವರ ಆರೋಗ್ಯ ಸ್ಥಿರವಾಗಿದೆ.
‘ಸೆಮ್ರೂ ಅವರ ತಲೆಗೆ ತೀವ್ರವಾಗಿ ಪೆಟ್ಟಾಗಿತ್ತು. ಸರ್ಕಾರಿ ವೈದ್ಯಕೀಯ ಕಾಲೇಜಿನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಅವರು ಬುಧವವಾರ ಮುಂಜಾನೆ ನಿಧನರಾಗಿದ್ದಾರೆ’ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.