<div> <strong>ನವದೆಹಲಿ:</strong> ಸಂಸತ್ತಿನ ಕಾರ್ಯನಿರ್ವಹಣೆ ವಿಳಂಬವಾಗಲು ಕಾರಣವಾಗುವ ಕೋರಂ ಕೊರತೆಯ ಬಗ್ಗೆ ಪ್ರಧಾನಿ ನರೇಂದ್ರ ಮೋದಿ ಅವರು ಅತೃಪ್ತಿ ವ್ಯಕ್ತಪಡಿಸಿದ್ದಾರೆ.<br /> <div> ಯಾವುದೇ ಸಂದರ್ಭದಲ್ಲಿ ಯಾವುದೇ ಸಂಸದರನ್ನು ತಾನು ಕರೆದು ಮಾತನಾಡಿಸಬಹುದು. ಹಾಗಾಗಿ ಬಿಜೆಪಿಯ ಎಲ್ಲ ಸಂಸದರು ಸಂಸತ್ತಿನಲ್ಲಿ ಇರಬೇಕು ಎಂದು ಪ್ರಧಾನಿ ಹೇಳಿದ್ದಾರೆ. <br /> </div><div> ಬಿಜೆಪಿ ಸಂಸದೀಯ ಪಕ್ಷದ ಸಭೆಯಲ್ಲಿ ಮಾತನಾಡಿದ ಮೋದಿ ಅವರು, ಸಂಸತ್ ಕಲಾಪಕ್ಕೆ ಹಾಜರಾಗುವುದು ಸಂಸದರ ಮೂಲ ಹೊಣೆಗಾರಿಕೆ ಎಂದರು. </div><div> ಹಲವು ಕೆಲಸಗಳನ್ನು ತಾನು ಮಾಡಬಲ್ಲೆ. ಆದರೆ ಸಂಸದರ ಪರವಾಗಿ ಕಲಾಪಕ್ಕೆ ಹಾಜರಾಗುವುದು ಸಾಧ್ಯವಿಲ್ಲ ಎಂದು ಅವರು ಖಾರವಾಗಿ ಹೇಳಿದರು. </div><div> </div><div> ಸಂಸತ್ತಿನ ಎರಡೂ ಸದನಗಳಲ್ಲಿ ಕೋರಂ ಕೊರತೆಯಾಗುತ್ತಿರುವುದನ್ನು ಸಂಸದೀಯ ವ್ಯವಹಾರಗಳ ಸಚಿವ ಅನಂತ ಕುಮಾರ್ ಪ್ರಸ್ತಾಪಿಸಿದರು. ಸೋಮವಾರವೂ ಕೋರಂ ಇಲ್ಲದಿದ್ದುದನ್ನು ಅವರು ಉಲ್ಲೇಖಿಸಿದರು. </div><div> </div><div> ಆಗ ಮಾತನಾಡಿದ ಮೋದಿ ಅವರು, ಸಂಸತ್ತಿನಲ್ಲಿ ಹಾಜರಿರಬೇಕು ಎಂದು ಹೇಳುತ್ತಿರುವುದು ಸಂಸದರಲ್ಲಿ ಮಾಡಿಕೊಳ್ಳುತ್ತಿರುವ ವಿನಂತಿ ಅಲ್ಲ. ಕಲಾಪದಲ್ಲಿ ಭಾಗವಹಿಸುವುದು ಅವರ ಕರ್ತವ್ಯ ಎಂದು ಹೇಳಿದರು. </div><div> </div><div> ಸಂಸತ್ತಿನಲ್ಲಿ ಬಿಜೆಪಿ ಸಂಸದರು ಇರಬೇಕು ಎಂದು ಪ್ರಧಾನಿ ಹಿಂದೆಯೂ ಹೇಳಿದ್ದರು. ಆದರೆ ಈ ಬಗ್ಗೆ ಇಷ್ಟು ಕಠಿಣವಾಗಿ ಅವರು ಮಾತನಾಡಿದ್ದು ಇದೇ ಮೊದಲು. <br /> </div><div> ಆರ್ಎಸ್ಎಸ್ ಪದಾಧಿಕಾರಿಯೊಬ್ಬರು ಹಿಂದೆ ಹೇಳಿದ್ದರನ್ನು ಪ್ರಧಾನಿ ಉಲ್ಲೇಖಿಸಿದರು. ಸಂಘಟನೆಯು ದೇಶದ ಉದ್ದಗಲಕ್ಕೂ ಬೆಳೆದಿದೆ. ಸದಸ್ಯರಿಗೆ ಮಾಡುವುದಕ್ಕೆ ಸಾಕಷ್ಟು ಕೆಲಸವೂ ಇದೆ. ಆದರೆ ಶಾಖೆಗೆ ಬರಲು ಮಾತ್ರ ಯಾರಿಗೂ ಸಮಯ ಇಲ್ಲ ಎಂದು ಆರ್ಎಸ್ಎಸ್ ಪದಾಧಿಕಾರಿಯೊಬ್ಬರು ಹಿಂದೆ ಹೇಳಿದ್ದನ್ನು ಪ್ರಧಾನಿ ನೆನಪಿಸಿಕೊಂಡರು.<br /> </div><div> ಅದೇ ರೀತಿ ಸಂಸದರಿಗೂ ಮಾಡುವುದಕ್ಕೆ ಸಾಕಷ್ಟು ಕೆಲಸಗಳಿರುತ್ತವೆ. ಆದರೆ ಸಂಸತ್ತಿಗೆ ಬರುವುದಕ್ಕೆ ಸಮಯ ಇರುವುದಿಲ್ಲ. ಹಾಗಾಗಬಾರದು ಎಂದು ಮೋದಿ ಹೇಳಿದರು. </div><div> </div><div> **</div><div> ಸಂಸದರು ತಮ್ಮ ಕ್ಷೇತ್ರದ ಲಕ್ಷಾಂತರ ಜನರ ಪ್ರತಿನಿಧಿಯಾಗಿರುತ್ತಾರೆ. ಹಾಗಾಗಿ ಕಲಾಪದಲ್ಲಿ ಭಾಗಿಯಾಗುವುದು ಅವರ ಮುಖ್ಯ ಕೆಲಸ.<br /> <strong>ನರೇಂದ್ರ ಮೋದಿ, ಪ್ರಧಾನಿ</strong></div><div> </div></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<div> <strong>ನವದೆಹಲಿ:</strong> ಸಂಸತ್ತಿನ ಕಾರ್ಯನಿರ್ವಹಣೆ ವಿಳಂಬವಾಗಲು ಕಾರಣವಾಗುವ ಕೋರಂ ಕೊರತೆಯ ಬಗ್ಗೆ ಪ್ರಧಾನಿ ನರೇಂದ್ರ ಮೋದಿ ಅವರು ಅತೃಪ್ತಿ ವ್ಯಕ್ತಪಡಿಸಿದ್ದಾರೆ.<br /> <div> ಯಾವುದೇ ಸಂದರ್ಭದಲ್ಲಿ ಯಾವುದೇ ಸಂಸದರನ್ನು ತಾನು ಕರೆದು ಮಾತನಾಡಿಸಬಹುದು. ಹಾಗಾಗಿ ಬಿಜೆಪಿಯ ಎಲ್ಲ ಸಂಸದರು ಸಂಸತ್ತಿನಲ್ಲಿ ಇರಬೇಕು ಎಂದು ಪ್ರಧಾನಿ ಹೇಳಿದ್ದಾರೆ. <br /> </div><div> ಬಿಜೆಪಿ ಸಂಸದೀಯ ಪಕ್ಷದ ಸಭೆಯಲ್ಲಿ ಮಾತನಾಡಿದ ಮೋದಿ ಅವರು, ಸಂಸತ್ ಕಲಾಪಕ್ಕೆ ಹಾಜರಾಗುವುದು ಸಂಸದರ ಮೂಲ ಹೊಣೆಗಾರಿಕೆ ಎಂದರು. </div><div> ಹಲವು ಕೆಲಸಗಳನ್ನು ತಾನು ಮಾಡಬಲ್ಲೆ. ಆದರೆ ಸಂಸದರ ಪರವಾಗಿ ಕಲಾಪಕ್ಕೆ ಹಾಜರಾಗುವುದು ಸಾಧ್ಯವಿಲ್ಲ ಎಂದು ಅವರು ಖಾರವಾಗಿ ಹೇಳಿದರು. </div><div> </div><div> ಸಂಸತ್ತಿನ ಎರಡೂ ಸದನಗಳಲ್ಲಿ ಕೋರಂ ಕೊರತೆಯಾಗುತ್ತಿರುವುದನ್ನು ಸಂಸದೀಯ ವ್ಯವಹಾರಗಳ ಸಚಿವ ಅನಂತ ಕುಮಾರ್ ಪ್ರಸ್ತಾಪಿಸಿದರು. ಸೋಮವಾರವೂ ಕೋರಂ ಇಲ್ಲದಿದ್ದುದನ್ನು ಅವರು ಉಲ್ಲೇಖಿಸಿದರು. </div><div> </div><div> ಆಗ ಮಾತನಾಡಿದ ಮೋದಿ ಅವರು, ಸಂಸತ್ತಿನಲ್ಲಿ ಹಾಜರಿರಬೇಕು ಎಂದು ಹೇಳುತ್ತಿರುವುದು ಸಂಸದರಲ್ಲಿ ಮಾಡಿಕೊಳ್ಳುತ್ತಿರುವ ವಿನಂತಿ ಅಲ್ಲ. ಕಲಾಪದಲ್ಲಿ ಭಾಗವಹಿಸುವುದು ಅವರ ಕರ್ತವ್ಯ ಎಂದು ಹೇಳಿದರು. </div><div> </div><div> ಸಂಸತ್ತಿನಲ್ಲಿ ಬಿಜೆಪಿ ಸಂಸದರು ಇರಬೇಕು ಎಂದು ಪ್ರಧಾನಿ ಹಿಂದೆಯೂ ಹೇಳಿದ್ದರು. ಆದರೆ ಈ ಬಗ್ಗೆ ಇಷ್ಟು ಕಠಿಣವಾಗಿ ಅವರು ಮಾತನಾಡಿದ್ದು ಇದೇ ಮೊದಲು. <br /> </div><div> ಆರ್ಎಸ್ಎಸ್ ಪದಾಧಿಕಾರಿಯೊಬ್ಬರು ಹಿಂದೆ ಹೇಳಿದ್ದರನ್ನು ಪ್ರಧಾನಿ ಉಲ್ಲೇಖಿಸಿದರು. ಸಂಘಟನೆಯು ದೇಶದ ಉದ್ದಗಲಕ್ಕೂ ಬೆಳೆದಿದೆ. ಸದಸ್ಯರಿಗೆ ಮಾಡುವುದಕ್ಕೆ ಸಾಕಷ್ಟು ಕೆಲಸವೂ ಇದೆ. ಆದರೆ ಶಾಖೆಗೆ ಬರಲು ಮಾತ್ರ ಯಾರಿಗೂ ಸಮಯ ಇಲ್ಲ ಎಂದು ಆರ್ಎಸ್ಎಸ್ ಪದಾಧಿಕಾರಿಯೊಬ್ಬರು ಹಿಂದೆ ಹೇಳಿದ್ದನ್ನು ಪ್ರಧಾನಿ ನೆನಪಿಸಿಕೊಂಡರು.<br /> </div><div> ಅದೇ ರೀತಿ ಸಂಸದರಿಗೂ ಮಾಡುವುದಕ್ಕೆ ಸಾಕಷ್ಟು ಕೆಲಸಗಳಿರುತ್ತವೆ. ಆದರೆ ಸಂಸತ್ತಿಗೆ ಬರುವುದಕ್ಕೆ ಸಮಯ ಇರುವುದಿಲ್ಲ. ಹಾಗಾಗಬಾರದು ಎಂದು ಮೋದಿ ಹೇಳಿದರು. </div><div> </div><div> **</div><div> ಸಂಸದರು ತಮ್ಮ ಕ್ಷೇತ್ರದ ಲಕ್ಷಾಂತರ ಜನರ ಪ್ರತಿನಿಧಿಯಾಗಿರುತ್ತಾರೆ. ಹಾಗಾಗಿ ಕಲಾಪದಲ್ಲಿ ಭಾಗಿಯಾಗುವುದು ಅವರ ಮುಖ್ಯ ಕೆಲಸ.<br /> <strong>ನರೇಂದ್ರ ಮೋದಿ, ಪ್ರಧಾನಿ</strong></div><div> </div></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
