‘ಪ್ಯಾರ್‌ ಭರಾ ನಮಸ್ಕಾರ್‌’
ನವದೆಹಲಿ (ಪಿಟಿಐ): ಪ್ರಧಾನಿ ನರೇಂದ್ರ ಮೋದಿ ಹಾಗೂ ಅಮೆರಿಕ ಅಧ್ಯಕ್ಷ ಬರಾಕ್‌ ಒಬಾಮ ನಡುವಣ ಆತ್ಮೀಯತೆ ಜಂಟಿ ಪತ್ರಿಕಾಗೋಷ್ಠಿಯಲ್ಲೂ ಎದ್ದುಕಾಣುತ್ತಿತ್ತು. ಹಿಂದಿಯಲ್ಲೇ ಮಾತು ಆರಂಭಿಸಿದ ಒಬಾಮ, ‘ನಮಸ್ತೆ..ಪ್ಯಾರ್‌ ಭರಾ ನಮಸ್ಕಾರ್‌’ ಎಂದು ಪತ್ರಕರ್ತರಿಗೆ ಶುಭಾಶಯ ಕೋರಿದರು.
ಪ್ರಧಾನಿಯಾಗಿ ಮೋದಿ ಆಯ್ಕೆಯಾಗಿರುವುದು ಹಾಗೂ ಅಮೆರಿಕ ಬಾಂಧವ್ಯಕ್ಕೆ ಸಂಬಂಧಿಸಿದಂತೆ ಅವರಿಗಿರುವ ನಿಷ್ಠೆ ನಮ್ಮ ಯತ್ನಕ್ಕೆ ಇನ್ನಷ್ಟು ಬಲ ತುಂಬುತ್ತದೆ ಎಂದು ಒಬಾಮ ನುಡಿದರು. ಮ್ಯಾಡಿಸನ್‌ ಸ್ಕ್ವೇರ್‌ನಲ್ಲಿ ಅವರನ್ನು ಬಾಲಿವುಡ್‌ ಸ್ಟಾರ್‌ ತರಹ ಸ್ವಾಗತಿಸಲಾಗಿತ್ತು ಎಂದು ಹೊಗಳಿದ ಒಬಾಮ, ‘ಚಾಯ್‌ ಪೆ ಚರ್ಚಾ’ ನಡೆಸಿಕೊಟ್ಟಿದ್ದಕ್ಕಾಗಿ ಮೋದಿ ಅವರಿಗೆ ಧನ್ಯವಾದ ಹೇಳಿದರು. ‘ಚಲೇ ಸಾಥ್‌ ಸಾಥ್‌’ ಎನ್ನುತ್ತಾ ಒಬಾಮ ತಮ್ಮ ಮಾತು ಮುಗಿಸಿದರು.
ಮೋದಿ ತಾವು ಮಾತು ಆರಂಭಿಸುವಾಗ ಅಮೆರಿಕದ ಅಧ್ಯಕ್ಷರನ್ನು ‘ಬರಾಕ್‌’ ಎಂದು ಸಂಬೋಧಿಸಿದರು. ‘ಒಬಾಮ ಜತೆಗಿನ ತಮ್ಮ ವೈಯಕ್ತಿಕ ಸಂಬಂಧ ಕೇವಲ ದೆಹಲಿ ಮತ್ತು ವಾಷಿಂಗ್ಟನ್‌ಗಳನ್ನಷ್ಟೇ ಹತ್ತಿರ ತಂದಿಲ್ಲ. ಎರಡೂ ದೇಶಗಳ ಜನರನ್ನು ಸಹ ಹತ್ತಿರ ತಂದಿದೆ ಎಂದು ಮೋದಿ ಹೇಳಿದರು. ಇಬ್ಬರೂ ಮುಕ್ತವಾಗಿ ಮಾತನಾಡಿಕೊಂಡು ತಮಾಷೆ ಮಾಡಿಕೊಂಡೆವು’ ಎಂದು ಮೋದಿ ಹೇಳಿದರು.
ನಾಗರಿಕ ಪರಮಾಣು ಒಪ್ಪಂದ ಭಾರತ–ಅಮೆರಿಕ ಬಾಂಧವ್ಯದ ಕೇಂದ್ರ ಬಿಂದುವಿನಂತೆ ಇತ್ತು. ಕೇವಲ ನಾಲ್ಕು ತಿಂಗಳಲ್ಲಿ ನಾವು ಇದನ್ನು ಮುಂದಕ್ಕೆ ತೆಗೆದುಕೊಂಡು ಹೋಗುವತ್ತ ಕೆಲಸ ಮಾಡಿದೆವು ಎಂದೂ ಮೋದಿ ತಿಳಿಸಿದರು.
Lok Sabha Elections Results 2024 |ನರೇಂದ್ರ ಮೋದಿ ಅವರ 'ವಿಕಸಿತ ಭಾರತ' ಅಥವಾ ರಾಹುಲ್ ಗಾಂಧಿ ಅವರ ಇಂಡಿಯಾ ಐಕ್ಯ ಭಾರತ? ಜಗತ್ತಿನ ಅತಿದೊಡ್ಡ ಪ್ರಜಾಪ್ರಭುತ್ವದ 18ನೇ ಲೋಕಸಭೆಗೆ ನಡೆದ ಚುನಾವಣೆ ಫಲಿತಾಂಶದ ಕ್ಷಣ ಕ್ಷಣದ ಮಾಹಿತಿ, ವಿಶ್ವಾಸಾರ್ಹ ವಿಶ್ಲೇಷಣೆ, ಅಂಕಿ ಅಂಶಗಳಿಗಾಗಿ ಪ್ರಜಾವಾಣಿ ನೋಡಿ. ಇದರ ಜೊತಗೆ, ಆಂಧ್ರಪ್ರದೇಶ ಮತ್ತು ಒಡಿಶಾ ವಿಧಾನಸಭೆ ಚುನಾವಣೆಯ ಫಲಿತಾಂಶವೂ ಇಲ್ಲೇ ಲಭ್ಯ. ಪ್ರಜಾವಾಣಿಯನ್ನು ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಫಾಲೋ ಮಾಡಲು ಮರೆಯದಿರಿ.